LUKA 10:30 - Jinghpaw Common Language Bible 2009

³⁰ Yesu gaw, “Masha langai mi Yerusalem nna Yerihko mare de yu wa nga yang, damya hkrum wu ai, dai ni gaw shi hpe hpun palawng raw kau ya nna, nhtum nni di kayat nhtawm, ganoi noi si sayang she, kau da nna wa mat ma ai.

Jinghpaw Hanson Version Bible

³⁰ Yesu gaw, “Masha langai mi Yerusalem mare nna Yerihko mare de yu wa yang, damya hkrum wu ai: dai ni gaw shi a hpun palawng raw kau nna, nhtum nni di kayat nhtawm, ganoi noi si sayang she, kau da nna wa mat ma ai.

LUKA 10:30 ပူးပေါင်းရင်းမြစ်များ

SHAKAWN KUNGDAWN 88:4

Si hkyen wa nga ai kaga masha ni yawng zawn ngai rai nga nngai hte; nye a n-gun atsam ni yawng mung htawng mat nga li ai.

YEREMIA 51:52

Dai rai nna, Ngai gaw Babelon hpara sumla ni hte hkrum kadup na aten du ra ai rai nna, hkala nba hkrum ai ni gaw mungdan ting hta madai sharung na mara ai, ngu nna ngai tsun ai.

SHARUNG SHAYAWT 2:12

Kawsi kyet ai ni hte hpang gara ai ma ni gaw shanhte a kanu ni hpe hpyi jahtau ma ai; Shanhte ni gaw hkala nba hkrum ai ni zawn mare nmaw lam ni hkan kadawng taw ma ai, Shanhte a kanu ni a lahpyen hta angwi ngwi sha nsa htum mat ma ai.

EZEKELA 30:24

Dai hpang, ngai gaw Babelon hkawhkam wa a lahpum hpe n-gun shaja ya nna nye a nhtu hpe mung shi a lata hta ap ya na nngai. Rai ti mung Egutu hkawhkam a lahpum hpe chyawm gaw agrawp kau ya na nngai; shi gaw shi a gumlau hpyen ni a man e madai ai hte si mat na ra ai.

LUKA 10:31

Shaloi hkinjawng langai mi dai lam hku lai yu wa hkrup nna, dai wa hpe mu jang, koi kau da wu ai.

LUKA 18:31

Yesu gaw sape shi lahkawng hte hpe shaga la nna, “Madat mu! Anhte Yerusalem mare de lung wa nga ga ai; Masha Kasha a lam myihtoi ni ka da mada gaw, dai kaw dik wa na ra ai.

LUKA 19:28

Dai lam hpe tsun ngut jang, shanhte a shawng e Yerusalem mare de lung wa ai.