LUKA 10:24 - Jinghpaw Common Language Bible 2009

²⁴ Nanhte hpe ngai tsun made ga, nanhte mu ai lam ni hpe myihtoi ni hte hkawhkam ni law law wa mu mayu ma timung, n mu lu ma ai; nanhte na lu ai lam ni hpe na mayu ma timung, n na lu ma ai,” ngu wu ai.

Jinghpaw Hanson Version Bible

²⁴ Kaning rai nme law, ngai nanhte hpe tsun made ga, nanhte mu lu ai lam ni hpe myihtoi hte hkawhkam law law wa mu mayu ma timung, n mu lu ma ai; nanhte na lu ai lam ni hpe na mayu ma timung, n na lu ma ai, ngu mu ai.

LUKA 10:24 ပူးပေါင်းရင်းမြစ်များ

MAHTE 13:16

“Nanhte a myi mu lu nna, nanhte a na na lu nga malit dai majaw a lu myit dai.

LUKA 10:23

Dai hpang, Yesu gaw, sape ni hpang de kayin let, shanhte hpe hkrai tsun wu ai gaw, “Nanhte ya mu lu ai teng man ai lam ni hte, shi a mungdan hpe mu lu ai myi ni gaw a nga malit dai.

LUKA 10:25

Tara sara langai mi Madu kaw sa nna, “Sara e, n htum n wai asak lu la hkra, ngai hpa galaw na rai ta?,” ngu nna Yesu hpe chyam dinglik yu wu ai.

YAWHAN 8:56

Nanhte a kawa Abraham gaw, ngai du sa wa na nhtoi hpe mu lu na rai nna sharawng awng nga ai, dai nhtoi hpe mu lu ai shaloi mung kabu gara nga ai,” ngu nna htan mu ai.

HEBRE 11:13

Ndai masha ni yawng gaw dai makam masham hta si wa masai. Shanhte gaw Karai Kasang jaw da ai ga sadi hte seng ai sali wunli hpe n hkam la lu ma ai, rai ti mung shanhte hpe tsan tsan kaw nna mu mada ai hte hkap tau hkalum la ma ai. Shanhte gaw ndai ga ntsa e chyasam hte malet nhprang shingbyi manam sha tai nga ma ai hpe asan sha yin la ma ai.

HEBRE 11:39

Dai ni nlang hte gaw, shanhte a makam masham a majaw gade shagrau sha-a matsing da ya ai hkrum nga ma hka! Rai ti mung Karai Kasang ga sadi jaw tawn da ai chyeju hpe gaw garai n hkam la lu ma ai.