LUKA 10:22 - Jinghpaw Common Language Bible 2009

²² “Nye Wa gaw arai yawng mayawng ngai hpe ap ya ni ai, Kasha wa kadai rai nga ai hpe Wa hta kaga kadai mung n chye ai, Wa kadai re ai mung, Kasha wa hte dai Kasha e shadan dan na matu lata la ai wa hta kaga kadai mung n chye nga ai.”

Jinghpaw Hanson Version Bible

²² Nye wa gaw arai yawng mayawng ngai hpe ap ya ni ai: Kasha kadai re ai gaw, Wa hta kaga kadai mung n chye ai; Wa kadai re ai mung, Kasha wa hte dai Kasha e jahtoi ya mayu ai wa hta kaga, kadai mung n chye nga ai.

LUKA 10:22 ပူးပေါင်းရင်းမြစ်များ

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 10:15

nye a sagu ni hpe ngai chye nngai, nye a sagu ni mung ngai hpe chye ma ai; sagu ni a matu mung, nye a asak ngai nawng ya kau nngai.

YAWHAN 13:3

Yesu gaw Kawa e shi a lata de nga yawng nga pra a ntsa e ahkang aya yawng ap ya sai hpe mung, bai shi gaw Karai Kasang kaw na shi pru sa nna Karai Kasang hpang de bai wa na rai nga ai mung, chye wu ai.

YAWHAN 17:10

Ngai lu malu gaw, na a rai nga ai; nang lu malu mung nye a rai nga ai rai nna, nye a hpung shingkang shanhte hta dan hkung li ai.

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

YAWHAN 17:26

Nang ngai hpe tsaw ra ai tsaw ra n-gaw nwai myit gaw, shanhte hta e mung rawng nga nna ngai mung shanhte hta anga nga na matu, na a lam shanhte hpe shachye shachyang mase ai, matut nna mung shachye shachyang na mawe ai,” nga ai.

YAWHAN 17:5

Wa e! Ginding aga garai n lat kaw nna nang hte rau ngai lu nga ai hpung shingkang hpe ya aten hta na a man e ngai hpe jaw rit law.

YAWHAN 3:35

Kawa gaw Kasha hpe tsaw ra wu ai rai nna ahkang aya yawng mayawng shi a lata hta ap ya nu ai.

1 KORINHTU 15:24

Dai hpang e jahtum ladaw du na ra ai; dai shaloi e Hkristu gaw up madu sha nga ai wenyi minla ni, ahkang aya lu ai ni hte hpung dagu yawng mayawng hte hpe dang kau nna, dai mungdan hpe Kawa Karai Kasang a lata de ap ya na ra ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

EHPESU 1:21

Dai shara e Hkristu gaw, sumsing mungkan hpe up ai ni, ahkang aya lu ai ni, hpung dagu atsam rawng ai ni, Madu ni yawng a ntsa e chyawm tari tai nna up hkang nga ai. Shi a mying ningsang gaw ndai prat a mungkan hte htawm hpang prat a mungkan hta ga shaga ai ahkaw ahkang lu ai mying shingteng mying ni yawng hta grau kaba nga ai.

HEBRE 2:8

Chyum laika hta Karai Kasang gaw shinggyim masha hpe hpan da nna, “Yawng mayawng a ntsa e up hkang na ahkang jaw nu ai,” nga ai gaw nga yawng nga pra mahkra hpe up shangun ai ngu mayu ai re. Rai ti mung arai yawng mayawng shi a npu e tawn da nga ai gaw, anhte ya garai n mu ga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.

2 YAWHAN 1:9

Hkristu a sharin shaga ai lam hta n nga ai, dai hpe tawt kau ai wa kadai rai ti mung, Karai Kasang hte n seng ai Karai kata ai wa rai nga ai. Dai sharin shaga ai lam hta e ahkan nga ai wa kadai rai ti mung, Kawa yan Kasha hte seng nga ai.