LUKA 10:2 - Jinghpaw Common Language Bible 2009

² Shi shanhte hpe, “Nmut shang shara law law nga ai, amu galaw na ni mahtang n law ma ai. Dai majaw, shi a nmut hta amu galaw na masha law law shangun dat ya u ga, Madu kaw akyu hpyi nga mu.

Jinghpaw Hanson Version Bible

² Shi shanhte hpe, “Nmut shang na shara law law nga ai; amu galaw ai ni mahtang n law ma ai: dai majaw mam Madu gaw shi a nmut amu hta, amu galaw na masha jashawn u ga, a hpyi nga mu.

LUKA 10:2 ပူးပေါင်းရင်းမြစ်များ

1 HKAWHKAM 18:22

Elia gaw, “Dai Madu a myihtoi ngu na ngai chyu sha she ngam nga nngai, rai ti mung Bala myihtoi ni chyawm gaw 450 ting wa rai ma ai.

SHAKAWN KUNGDAWN 68:11

Dai Madu gaw hkang da ai ga jaw dat ai hte, num law law wa dai shiga hpe gun hkawm nga ma ai;

YEREMIA 3:15

Ngai gaw nye a ga madat mara chye ai mung du ni nanhte hpe jaw na nngai, shanhte gaw nang hpe hpaji byeng-ya hte mung, chye na hkawn hkrang ai nyan hte mung up na mara ai.

ZEHKARIA 11:17

Dai manu n dan ai sagu rem wa gaw dingnye hkrum nga ai! Shi gaw shi a sagu hpung hpe kau da nga ai rai nna, hpyen majan gaw shi a daru magam n-gun hpe tsep kawp jahten kau na ra ai. Shi a lahpum nyui mat nna, shi a hkra maga na myi, kyaw mat na ra ai,” ngu nna tsun wu ai.

ZEHKARIA 11:5

Madu ni gaw dai ni hpe sat ti mung ari hkrum na mara ai n rai. Shanhte gaw dai shan dut nhtawm, ‘Dai Madu hpe shakawn kungdawn mu! Anhte sut su saga ai!,’ ngu nna tsun ma ai. Tinang a sagu rem ai ni pyi shanhte hpe matsan dum nga ma ai n rai,” ngu nna tsun wu ai.

BU HKAWM 11:17

Dai yang e ngai yu sa nna nang hte ga shaka na we ai; nang hpe ngai jaw tawn da ai wenyi hta na nkau mi hpe ngai la nhtawm shanhte hpe jaw na we ai. Shanhte gaw ndai amyu masha ni hte seng ai lit nang hpe gun hpai karum lu na mara ai; nang chyu sha gun hpai nga lu na ndai n rai.

BU HKAWM 11:29

Mawshe gaw, “Ngai hte seng ai amu hta myit hkan tsang nga n ni? Dai Madu gaw shi a amyu masha ni yawng hpe wenyi jaw ya nna myihtoi ni zawn shanhte yawng hpe marawn jahtau shangun na, ngai ra sharawng nga nngai!,” ngu nna htan wu ai.

MAHTE 20:1

“Sumsing lamu a Mungdan gaw, sabyi sun madu langai mi hkrum katut ai mabyin masa hte bung nga ai. Kalang mi na sabyi sun madu langai mi gaw, shi a sabyi sun hta amu galaw na masha saw bang na matu jahpawt jau jau e pru sa wa ai.

MARKU 13:34

Dai gaw, tsan ai ga de dum nta kaw na pru hkawm sa wa na masha langai mi, shi a nta hpe shangun ma ni a lata hta ap da nhtawm, shanhte langai hte langai galaw na bungli garan ya ngut jang, chyinghka sin ai wa hpe mung maja nga na matu hkang da ai hte bung nga ai.

MARKU 16:15

Bai shi shanhte hpe, “Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.

MARKU 16:20

Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]

LUKA 9:1

Yesu gaw sape shi lahkawng hte hpe shaga la nhtawm, nat ni yawng hpe shaden kau lu na hte ana ahkya ni hpe shamai ya lu na atsam hte ahkaw ahkang shanhte hpe jaw mu ai.

KASA 11:19

Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

KASA 13:4

Shing rai, Chyoi Pra ai Wenyi e shan hpe shangun dat mu ai hte maren shan gaw Seluki de du yu wa nna dai yang na li jawn nhtawm Kupru de du ma ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 8:4

Shara shagu bra hkawm mat ai dai kam sham ai ni gaw dai Kabu Gara Shiga hpe hkaw tsun nga ma ai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

HPILIPI 2:21

Masha kaga ni yawng hte gaw tinang a lam hpe sha tsang ma ai; Hkristu Yesu hte seng ai lam hta myit n lawm ma ai.

HPILIPI 2:25

Bai nanhte a hpu nau wa, shingdep shingtau wa hte rau sha gasat gala ai hpyen ma manang wa, ngai hpe karum na matu nanhte shangun dat nna gawn lajang ai wa Epahprodi hpe nanhte hpang de bai shangun dat na re ai ngu nna ngai nawn nngai.

HPILIPI 2:30

Hpa majaw nga yang shi gaw nanhte hkum nan n jaw lu ai karum ai lam ngai hpe jaw lu na matu sak dan nna Hkristu a magam bungli hpe ganoi noi si hkra gun hpai shakut lai wa nu ai.

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

1 HTESALONI 2:9

Hpu nau ni e anhte gade daram amu bungli galaw shakut shaja lai wa saga ai hpe kaja wa nanhte dum nga myit dai. Nanhte hpe hpa lit n shali n shayak sha u ga, anhte gaw anhte a kan bau bungli hpe shani shana galaw shakut let Karai Kasang a Kabu Gara Shiga hpe hkaw tsun ga ai.

1 HTESALONI 5:12

Hpu nau ni e, nanhte kaw magam gun hpai nga ai ni, nanhte hpe lam madun sharin achyin na matu Karai Kasang e lata san da sai ni hpe atsawm sha galaw ang ai hte maren hkungga lara nga mu, grau nna anhte shadut jahkat dat ga ai.

2 HTESALONI 3:1

Anhte a hpu nau ni e, hpang jahtum nanhte hpe htet dat mayu ai lam gaw, Madu a mungga gaw nanhte hta e byin ai zawn matut nna grai lawan ai hku chyam bra wa na hte shagrau shareng let hkap la mu ga, anhte a matu akyu hpyi ya mi.

1 TIMOHTI 4:10

Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

2 TIMOHTI 4:5

Nang chyawm gaw hpa baw mabyin masa lam ni hkrum katut wa ti mung na a hkum hpe hkang tawn nna nni nkri hpe hkam sharang u. Dai Kabu Gara Shiga hkaw tsun ai sara amu hpe gun hpai nna, Karai Kasang a shangun ma langai mi hku na a lit nga manga hpe kup tsup hkra gun hpai nga u.

HPILEMON 1:1

Hkristu Yesu a magam gun hpai ai majaw bawng dung hkrum nga ai ngai Pawlu hte anhte a hpu nau wa Timohti gaw, an a tsaw ra ai jinghku hte amu rau jawm shingtau gun hpai nga ai Philemon hpang de mung,

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.

SHINGRAN 2:1

“Ehpesu mare hpung a lamu kasa hpang de ning ngu ka dat u: “Da ndai gaw, Hkra lata hta shagan sanit lang da nna, ja pyengdin sanit a ka-ang e lam hkawm ai wa kaw na mungga rai nga ai.