LUKA 10:11 - Jinghpaw Common Language Bible 2009

¹¹ ‘Anhte a lagaw hta kap ai nanhte a mare na ga nhpu pyi, nanhte hpe deng u ga matu anhte ahpu katsut kau da ga ai, rai ti mung, Karai Kasang a Mungdan gaw nanhte hte ani sha du ra ai hpe chye nga mu, ngu nna tsun da mu,’ ngu mu ai.

Jinghpaw Hanson Version Bible

¹¹ Anhte a lagaw hta kap ai nanhte a mare na ga nhpu pyi, nanhte hpe deng na maga de anhte katsut kau da ga ai: rai timung, Karai Kasang a mungdan gaw ani sha du ra ai hpe, chye nga mu, ngu nna tsun da mu.

LUKA 10:11 ပူးပေါင်းရင်းမြစ်များ

EZEKELA 2:5

Ndai zawn gumlau ai ni gaw na a ga hpe madat ti mung, n madat ti mung, shanhte a lapran e myihtoi langai mi nga nga sai hpe shanhte chye lu na mara ai.

MAHTE 10:14

Nanhte hpe n hkap hkalum la nna nanhte a ga hpe n madat yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu da mu.

MAHTE 10:7

Pru hkawm nna ‘Sumsing lamu a Mungdan gaw ni wa magang ra ai,’ ngu nna hkaw tsun dan mu.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MARKU 6:11

Nanhte mare langai ngai de du nna dai mare kaw na masha ni nanhte hpe n hkap la nna nanhte hpe n madat n mara nga ma yang gaw, nanhte a lagaw lahpan hta kap ai ga nhpu hpe ahpu sharun kau da nna dai shara kaw na pru mat wa mu. Dai gaw shanhte hpe sadi jaw ai lam tai na ra ai.’’ ngu nna kahtap tsun dat mu ai.

LUKA 10:10

Rai ti mung, gara mare hta rai rai nanhte shang yang, shanhte n hkap la ma yang gaw, dai mare a lam ni de pru nhtawm,

LUKA 10:9

Dai mare na machyi ai ni hpe shamai ya nna, dai yang na masha ni hpe, ‘Karai Kasang a Mungdan gaw nanhte hte ani sha du ra ai,’ ngu nna tsun dan mu.

LUKA 9:5

Gara kaw rai rai, masha ni nanhte hpe n hkap la ai rai yang, shanhte hpe shadum ai kumla hku nna nanhte a lagaw hta kap ai ga nhpu hpe ahpu sharun kau da nna dai mare kaw na pru mat wa mu,” ngu nna shanhte hpe tsun dat mu ai.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

KASA 13:40

Dai rai yang gaw myihtoi ni tsun ai lam nanhte hta n byin u ga sadi nga mu!

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 13:51

Kasa yan gaw, shanhte galaw ai lam hpe n ra ai kumla hku nna tinang a lagaw kaw na ga nhpu hpe ahpu jahkrat kau da nna Ikoni mare de pru mat wa ma ai.

ROMA 10:21

Rai ti mung Israela amyu masha ni hte seng nna shi bai tsun ai gaw, “N madat n mara nna gumlau ai amyu hpe hkap la na matu, nye a lata shani tup ngai ladawn wak nga nngai,” nga ai.

ROMA 10:8

Dai Chyum Laika hta ning nga tsun ai: “Dai Karai Kasang a mungga gaw nanhte hte htep rai nga ai. Dai hpe nanhte a n-gup hte yin la nna nanhte a kraw lawang hta mazing da manu ai.” Dai mungga gaw nanhte hpe anhte hkaw tsun sakse hkam dan ai Karai Kasang hpe kam sham ai lam hte seng ai mungga rai nga ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.