LUKA 1:9 - Jinghpaw Common Language Bible 2009

⁹ Dai Madu a Nawku Htingnu hta Chyoi Pra ai gawk kata na tawn hkungri ntsa e manam pyaw ai baw shang nat nawng na matu hkinjawng htung hte maren, hpaida hte lata la ai hta ang wu ai.

Jinghpaw Hanson Version Bible

⁹ dai Madu a nta nhku e manam pyaw ai baw shang nat na, hkinjawng htung hte maren, hpaida hte lata la ai hta ang wu ai.

LUKA 1:9 ပူးပေါင်းရင်းမြစ်များ

1 HKAWHKAM LABAU 23:13

Shi a kasha alat Amram mahtang Arun hte Mawshe yan a kawa rai nga ai. (Arun hte shi a amyu matu ni gaw chyoi pra ai arung arai ni hpe tut nawng woi hpareng na matu san da hkrum ma ai; dai Madu a nawku shara hta manam pyaw ai baw hpe nat nawng nna shi hpe daw jau ai hte shi a mying ningsang hta amyu masha ni hpe shaman ya na rai ma ai.

1 HKAWHKAM LABAU 6:49

Arun hte shi a amyu matu ni gaw tawn hkungri ntsa e manam pyaw ai hkungga ni hpe mung, shagu hkungga ni hpe mung nat nawng ya ma ai. Shanhte gaw Chyoi Pra Htum ai Shara hta nawku ai amu yawng a matu mung, Israela masha ni galaw shut kau ai yubak ni hpe Karai Kasang raw dat kau ya na matu htingrai htingrat ya ai shagu hkungga ni a matu lit lu ma ai. Shanhte gaw dai amu hpe Karai Kasang a shangun ma Mawshe hpe jaw ya sai matsun maroi ga ni hte maren hkan galaw ma ai.

2 HKAWHKAM LABAU 26:16

Rai ti mung Hkawhkam Uzia gaw n-gun rawng wa jang, myit tsaw myit dap wa ai rai nna dai gaw shi hkrat sum na lam de woi mat wa nga ai. Shi gaw tawn hkungri ntsa e manam pyaw ai baw hpe nat nawng na nga Nawku Htingnu kata de shang nna dai Madu shi a Karai Kasang hpe hkap daw wu ai.

2 HKAWHKAM LABAU 29:11

Ngai sha ni e, hkum kanung nga myit. Shi hpe manam pyaw ai baw nat nawng na matu mung, shi hpe nawku nga ai amyu masha ni hpe lam woi na matu mung, dai Madu nanhte hpe lata san da ai ni rai nga myit dai.”

BU HKAWM 16:40

Dai Madu hpe manam pyaw ai baw nat nawng na nga, Arun a amyu matu n re ai Israela masha langai mi mung tawn hkungri nga ai de n sit sa lu na matu sadi jaw ai lam rai nga ai. Shing n rai yang, dai wa gaw Kora hte shi a masha ni hpe zawn shamyit kau ai hkrum na rai wu ai. Ndai lam yawng gaw Mawshe hku nna Eleaza galaw na matu dai Madu hkang da ai lam rai nga ai.

MAHTE 27:5

Shaloi dai gumhpraw hpe Nawku Htingnu hta e shi kabai tawn da nna pru mat wa nhtawm, shi dai shi dau si mat ai.

HEBRE 9:6

Ndai nawku daw jau ai htung lai hte maren, hking jahkum lajang ngut ai hpang, hkinjawng ni gaw shanhte a daw jau ai amu gun hpai na matu sum kata na shawng du ai gawk de shani shagu shang ma ai.

1 SAMUELA 2:28

Tawn hkungri hta daw jau amu galaw na matu mung, manam pyaw ai bat nat nawng na matu mung, hpa hkai lawng hpun nna ngai hte bawng ban jahkrup na matu mung, Israela amyu bawsang ni yawng hta na nye a hkinjawng ni tai nga na matu, shi a dinghku hpe ngai lata la ni ai. Shing rai tawn hkungri ntsa nat ai shagu hkungga kumhtaw hkam la na ahkang ngai shanhte hpe jaw da ni ai.