LUKA 1:80 - Jinghpaw Common Language Bible 2009

⁸⁰ Dai ma gaw gawng shingyan kaba wa nna wenyi atsam hpring let, Israela masha ni kaw dan pru ai nhtoi du hkra, nam mali hkan e nga nga ai.

Jinghpaw Hanson Version Bible

⁸⁰ Dai ma mung kaba wa nna, wenyi atsam hta ja wa let, Israela masha ni kaw dan pru ai nhtoi du hkra, nam mali hkan e nga nga ai.

LUKA 1:80 ပူးပေါင်းရင်းမြစ်များ

MAHTE 11:7

Ya, shanhte wa mat ai hpang, Yesu gaw Yawhan a lam hte lakap nna shawa masha ni hpe tsun mu ai gaw, “Nanhte dai nam mali de Yawhan kaw sa ai shaloi, nanhte hpa hpe mu la na myit mada nna sa myit ta? Mani tsawm ai bu hpun palawng bu hpun ai wa hpe rai ni? Nbung e kanga ai mai-aw hpe rai ni?

MAHTE 3:1

Dai ladaw a laman e, Hkalup sara Yawhan paw pru nna, Yuda nam mali hkan e,

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

LUKA 2:40

Dai ma gaw kaba wa ai hte n gun lapyin ja wa nna, hpaji byeng-ya hte hpring nga ai; Karai Kasang a chyeju mung shi a ntsa e nga nga ai.

LUKA 2:52

Yesu gaw gawng shingyan kaba wa nna, hpaji byeng-ya kung hpan wa ai hte, Karai Kasang a man e mung, masha a man e mung, myi man pa wa nga ai.

YAWHAN 1:31

Shi kadai re ai mung ngai n chye nngai, rai ti mung Israela amyu masha ni shi hpe chye lu hkra shadan dan na matu, hka hte hkalup jaw na ngai du sa nngai,” nga ai.

KASA 18:28

Hpa majaw nga yang shi gaw shawa hte ga shaga ai hpawng ni hta Chyum Laika hta na sakse ni madun let, Yesu gaw Meshia rai nga ai lam Yuda masha ni hpe aja awa tsun dangrang kapat kau nga ai.

1 SAMUELA 2:21

Dai Madu gaw Hana hpe shaman ya nu ai rai nna, shadang sha masum hte shayi sha lahkawng hte hpe bai shaprat wu ai. Dai ma Samuela mung dai Madu hpe daw jau ai amu galaw let kaba wa nga ai.