LUKA 1:8 - Jinghpaw Common Language Bible 2009

⁸ Lani mi na Zahkaria gaw shi lawm nga ai hkinjawng hpung hta lit ang ai hte maren, Nawku Htingnu kata e shani shagu galaw ang ai daw jau ai amu gun hpai nga ai.

Jinghpaw Hanson Version Bible

⁸ Ya shi gaw, shi a hpung hte rau abat wa ang nna, Karai Kasang man e hkinjawng amu gun nga yang,

LUKA 1:8 ပူးပေါင်းရင်းမြစ်များ

1 HKAWHKAM LABAU 24:19

Ndai masha ni gaw dai Madu Israela a Karai Kasang a hkang da ai ga hpe madat mara let shanhte a kaji kawa Arun shagrin da ai hte maren, Nawku Htingnu de sa nna shanhte a bungli lit hte daw jau ai amu galaw na matu san da hkrum ai hpung ni a jahpan rai nga ai.

1 HKAWHKAM LABAU 24:2

Nadab hte Abihu yan gaw shan a kawa a shawng e si mat ma ai rai nna amyu matu htum mat ma ai. Dai rai nna shan a kanau yan rai nga ai Eleaza hte Ihtama yan mahtang hkinjawng tai wa masai.

2 HKAWHKAM LABAU 11:14

Israela Hkawhkam Yeroboam hte shi a hkringhtawng dagraw la ai ni gaw Lewi masha ni hpe dai Madu a hkinjawng ni zawn n daw jau shangun mu ai majaw shanhte gaw shanhte a udat shara ni hte kaga lamu ga ni hpe tawn kau da nhtawm Yuda mung hte Yerusalem mare de htawt yu mat wa ma ai.

2 HKAWHKAM LABAU 31:19

Arun amyu matu ni hpe masat ya ai mare ni hte dai mare ni madu da ai udat shara ni hta nga nga ai hkinjawng ni gaw hkinjawng dinghku ni hta na lasha ni yawng hte Lewi lakung lama hku hkan nna jahpan hta lawm nga ai masha shagu hte hpe lusha garan jaw na lit lu ai masha ni rai ma ai.

2 HKAWHKAM LABAU 31:2

Hkawhkam Hezekia gaw hkinjawng hte Lewi masha ni hpe hpung hpaw shagrin da ya nga ai rai nna shanhte langai hte langai tinang ang ai hpung hta laksan bungli lit lu nga ma ai. Shing re ai bungli lit ni hta wan nat hkungga hte mahku hkungga ni hpe nawng ya ai lam, Nawku Htingnu kata nawku ai hta shang lawm ai hte Nawku Htingnu kata hta shakawn kungdawn let chyeju dum ai lam amyu myu lawm nga ai.

2 HKAWHKAM LABAU 8:14

Shi gaw shi a kawa Dawi jahkrat tawn da ai tara ni hte maren hkinjawng ni a shani shagu galaw na amu hte mahkawn mangoi ai hte amu galaw ai hkinjawng ni hpe karum shingtau ai Lewi masha ni hpe hpaw ninghtan tawn wu ai. Shi gaw Karai Kasang a masha Dawi e hkang da nu ai hte maren chyinghka shagu hta shanhte gun hpai ang ai shani shagu na bungli lit ni hpe hpung hte hpung garan gun na matu Nawku Htingnu sin ai masha ni hpe mung hpaw ninghtan tawn wu ai.

EZRA 6:18

Mawshe a laika hta rawng ai sharin shaga ga ni hte maren, Yerusalem e nga ai Nawku Htingnu hta daw jau amu gun hpai na matu, shanhte mung hkinjawng ni hte Lewi masha ni hpe hpaw ninghtan tawn da ma ai.

PRU MAT 28:1

“Na a nhpu Arun hte shi a shadang Nadab, Abihu, Eleaza hte Ihtama ni hpe shaga la nna shanhte hpe Israela amyu masha ni kaw na garan jahka tawn na lam tsun u; shanhte gaw hkinjawng amu gun hpai let ngai hpe daw jau na rai ma ai.

PRU MAT 28:41

Na nhpu Arun hte shi a shadang sha ni hpe ndai hpun palawng ni hte shabu jahpun na rai nga ndai. Dai hpang shanhte hpe aya dang ya nna ap nawng ai hte tsanlun sau chya ya ai hte hkinjawng amu hte nye a matu daw jau amu galaw na rai ma ai.

PRU MAT 29:1

“Da ndai gaw ngai hpe nawku daw jau ai amu hta hkinjawng amu ap nawng gun hpai na matu Arun hte shi a shadang sha ni hpe nang galaw shangun na lam rai nga ai. Ra n rawng ai usu kasha hte sagu la lahkawng, la sa na rai ndai.

PRU MAT 29:44

Dai Sum hte tawn hkungri ni hpe ngai shachyoi shapra na we ai; Arun hte shi a shadang sha ni hpe mung hkinjawng amu gun hpai let ngai hpe daw jau na matu san da na we ai.

PRU MAT 29:9

Shanhte hpe shingkyit kyit ya nna abaw hta gumchyawp chyawp ya na rai ndai. Dai gaw Arun hte shi a shadang sha ni hpe nang kaning rai aya dang ya na lam rai nga ai. Shanhte hte shanhte a amyu matu ni mung htani htana hkinjawng amu gun let ngai hpe daw jau na rai ma ai.

PRU MAT 30:30

Dai hpang Arun hte shi a shadang sha ni hpe namman sau chya ya nhtawm, nye a amu hta hkinjawng amu gun hpai nga na matu shanhte hpe aya dang ya na rai nga ai.

BU HKAWM 18:7

Rai ti mung, nang hte na a shadang sha ni chyu sha Chyoi Pra Htum ai Shara hte tawn hkungri hta jaw jau ra ai hkinjawng amu yawng galaw shatup na rai myit dai. Nanhte galaw na hkinjawng amu hpe kumhpa zawn ap ya ma sade ai majaw ndai amu ni gaw na a lit rai nga ai. Dai rai nna chyoi pra ai arai nga ai de sit sa ai ra rawng ai masha kadai mung sat kau ai hkrum na rai wu ai,” ngu nna tsun wu ai.

LUKA 1:5

Yuda mung up ai Herod hkawhkam a lakhtak e, Abia hkinjawng hpung hta lawm ai Zahkaria mying ai hkinjawng langai mi nga ai. Shi a madu jan a mying gaw Elisabet rai nna, shi mung hkinjawng Arun amyu lakung hta na rai nga ai.

LUKA 1:7

Rai ti mung, Elisabet gaw maudung rai nga ai majaw kasha n shaprat wu ai. Shan lahkawng asak aprat mung kaba ma sai.