LUKA 1:73 - Jinghpaw Common Language Bible 2009

^73-74 Anhte a ji wa Abraham hpe dagam da ai ga hte maren, shi gaw anhte hpe anhte a hpyen ni a lata na hkye la nna shi hpe, hkrit ai myit n rawng ai sha daw jau shangun na matu ga sadi jaw da mani ai.

Jinghpaw Hanson Version Bible

⁷³ Shi a chyoi pra ai ga shaka hpe dum na matu mung,

LUKA 1:73 ပူးပေါင်းရင်းမြစ်များ

NINGPAWT NINGHPANG 24:7

Dai Madu sumsing lamu a Karai Kasang gaw ngai hpe nye kawa a nta hte nye a amyu bawsang ni shanu ai buga kaw nna woi la nhtawm ndai lamu ga hta nye a amyu matu ni hpe jaw na nga nna ngai hpe shi dagam let ga sadi shagrin da nu ai. Shi gaw shi a lamu kasa hpe na a shawng de shangun dat na ru ai; dai shara hta ngai sha a matu ningrum ningtau langai nang la ya lu na rai ndai.

NINGPAWT NINGHPANG 26:3

Ndai yang e nga u, ngai nang hte rau nga nga nna nang hpe shaman ya na nngai. Nang hpe mung, na a amyu matu ni hpe mung ndai mung ting ngai jaw na mawe ai; shing rai na nwa Abraham hpe ngai shagrin da sai ga sadi hpe ngai shatup na we ai.

SHAKAWN KUNGDAWN 105:9

Shi gaw Abraham hte tawn da sai myit hkrum ga shaka hte, Isak hpe jaw da sai shi a ga sadi hpe shagrin da na ra ai.

YEREMIA 11:5

Shanhte ya shanu nga sai dai ngamu ngamai nna ningru ningja ai mungdan ngu ai shanhte hpe ngai jaw na ngu nna shanhte a kaji kawa ni hpe ngai dagam da ai ga sadi hpe ngai shagrin na we ai,” ngu nna tsun ni ai. Ngai gaw, “Rai sa, Madu e,” ngu nna tsun nngai.

TARA JAHPRANG 7:12

“Ndai hkang da ai matsun maroi ga ni hpe nanhte madat nna sadi sahka hte hkan sa madat mara myit dai rai yang, dai Madu nanhte a Karai Kasang mung, nanhte a kaji kawa ni hpe ga sadi tawn da nu ai hte maren, shi a dinggrin tsaw ra myit nanhte hpe madun dan nna shi a ga shaka hpe matut shagrin na rai wu ai.

TARA JAHPRANG 7:8

Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

HEBRE 6:13

Karai Kasang gaw Abraham hpe ga sadi jaw ai shaloi, shi a ga sadi hte maren shi galaw na wu ai lam dagam da wu ai. Shi hta grau kaba ai mi n nga sai majaw, shi nan a mying hpe gang nna dagam wu ai.