LUKA 1:72 - Jinghpaw Common Language Bible 2009

⁷² Shi gaw anhte a ji wa ni hpe shi a matsan dum lama ai lam madun dan nna, shi a chyoi pra ai ga shaka hpe dum nga na ra ai.

Jinghpaw Hanson Version Bible

⁷² Anhte a ji wa Abraham hpe dagam da ai, dagam ga ngu ai,

LUKA 1:72 ပူးပေါင်းရင်းမြစ်များ

NINGPAWT NINGHPANG 12:3

Nang hpe shaman ya ai wa hpe ngai shaman ya na nngai, Rai ti mung nang hpe dagam ai wa hpe ngai dagam kau na nngai. Na a marang e, amyu baw yawng hte hpe ngai shaman ya na nngai,” ngu nna tsun wu ai.

NINGPAWT NINGHPANG 22:18

Nye a hkang da ai ga hpe nang madat mara nga ndai majaw na a amyu matu ni yawng hpe ngai shaman ya ni ai zawn amyu baw ni yawng mung shanhte hpe shaman ya na matu, ngai hpe san wa na mara ai.

NINGPAWT NINGHPANG 26:4

Na a mayu matu ni hpe lamu na shagan ni zawn ngai shalaw na mawe ai rai nna, dai ni yawng hpe ndai mung ting ngai jaw na mawe ai. Amyu baw ni yawng mung na a amyu matu ni hpe ngai shaman ya ni ai hte maren shanhte hpe shaman ya na matu hpyi lajin wa na mara ai.

NINGPAWT NINGHPANG 28:14

Shanhte gaw ga na nhpu ni zawn law htam wa na mara ai. Shanhte gaw lamu ga man yawng de shanhte a lamu ga maden kung dam wa na mara ai. Nang hte na a amyu matu ni a jaw e, amyu baw ni yawng hpe ngai shaman ya na we ai.

1 HKAWHKAM LABAU 16:16

Abraham hte shi tawn da ai ga shaka hpe mung, Isak hte shagrin da ai ga sadi hpe mung, galoi mung hkum malap kau myit.

SHAKAWN KUNGDAWN 105:42

Shi a shangun ma kaja Abraham hte tawn da ai chyoi pra ai ga sadi ndat ga ni hpe shi dum nga wu ai.

SHAKAWN KUNGDAWN 106:45

Shi gaw shanhte a akyu a matu, shi a ga shaka hpe dum ya wu ai; shi a kaba la ai tsaw ra myit a jaw e, shi a pawt sindawng ai myit hpe shakawp kau wu ai.

SHAKAWN KUNGDAWN 111:5

Dai Madu gaw shi hpe shagrau sha-a ai ni hpe lusha jaw ya nga nna; shi a ga shaka hpe galoi mung n malap kau nga ai.

SHAKAWN KUNGDAWN 98:3

Shi gaw Israela amyu masha ni hpe shanhte a matu, sadi dung ai hte dinggrin tsaw ra myit hte shi a ga sadi hpe shagrin da nu ai; shing rai, shara shagu hkan na amyu masha ni yawng hte gaw anhte a Karai Kasang a awng padang hpe mu lu nga masai.

EZEKELA 16:60

Rai ti mung, nang naw kaji nga yang, ngai nang hte tawn da ai ga shaka hpe ngai shagrau nga na nngai; ngai gaw nang hte htani htana agrin nga na ra ai ga shaka hpe tawn da na nngai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

JAW JAU 26:42

ngai mung Yaku, Isak hte Abraham ni hte tawn da ai ga shaka hpe dum nga na nngai. Dai mung na nye a amyu masha ni hpe jaw na nye a ga sadi hpe ningnan bai shagrin da na nngai.

MIHKA 7:20

Nang gaw moi chyaloi nhkoi kaw nna anhte a kaji kawa ni hpe nang jaw ai ga shaka hte maren, Abraham hte Yaku a aru arat rai nga ai na a amyu masha ni hpe na a kangka re ai lam hte dinggrin tsaw ra myit madun dan na rai nga ndai.

ROMA 11:28

Dai Kabu Gara Shiga hpe shanhte kabai kau ma ai majaw, Yuda amyu masha ni gaw Karai Kasang a hpyen tai wa masai. Shing rai byin wa ai gaw maigan amyu masha ni ngu ai nanhte akyu hkam la na matu rai nga ai. Rai ti mung, Karai Kasang gaw shanhte hpe lata la ai amyu shatai sai majaw shanhte a kaji kawa ni hpe tawn da sai ga sadi a gawp e shanhte gaw shi a tsaw ra hkrum ai ni rai nga ma ai.

ROMA 9:4

Shanhte gaw Karai Kasang e lata la ai amyu rai nga ma ai; Karai Kasang gaw shanhte hpe kasha yin la nna, shi a hpung shingkang shadan dan mu ai hte shanhte hte ga shaka tawn da nna jep ai Tara jaw mu ai. Shanhte gaw teng man ai nawku daw jau ai lam hte Karai Kasang a ndat ga ni hpe mung hkam la lu ma ai.