LUKA 1:68 - Jinghpaw Common Language Bible 2009

⁶⁸ “Dai Madu Israela a Karai Kasang hpe shakawn kungdawn shagrau sha-a nga ga law! Shi a amyu Israela hpe karum la na kawan yu sa nna shanhte hpe shalawt dat nu ai.

Jinghpaw Hanson Version Bible

⁶⁸ “Dai Madu, Israela Karai Kasang gaw, a nga u ga law; Shi a amyu hpe kawan yu sa nna, hkrang la ai lam waw ya nu ai.

LUKA 1:68 ပူးပေါင်းရင်းမြစ်များ

NINGPAWT NINGHPANG 14:20

Na a gumlau hpyen ni a ntsa e, nang hpe awng padang jaw ya ai dai Tsaw Htum ai Karai Kasang gaw a nga u ga law!,” nga nna tsun ai. Abram mung shi lu la sai arai mahkra a htam shi hta na htam mi hpe Melhkizedek a lata hta jaw ya wu ai.

NINGPAWT NINGHPANG 24:27

Shi gaw, “Nye a madu hta shi a ga sadi hte maren, sadi sahka hte shatup ya sai nye a madu Abraham a Karai Kasang dai Madu a nga u ga law. Dai Madu gaw ngai hpe nye madu a amyu bawsang ni nga ai de ading sha woi wa ni ai,” ngu nna tsun ai.

NINGPAWT NINGHPANG 9:26

Shem a Karai Kasang dai Madu hpe shakawn mu! Hkanan gaw Shem a mayam tai mat nu ga.

1 HKAWHKAM 1:48

nhtawm, “Dai ni nye a amyu matu na marai langai ngai hpe nye a magam tingnyang hta hkaw matut dung na hkawhkam hpe nye myi hte chyaw mu shangun ai dai Madu Israela a Karai Kasang hpe anhte shakawn kungdawn nga ga law!,’” ngu nna tsun wu ai.

1 HKAWHKAM 8:15

Shi gaw, “Dai Madu Israela a Karai Kasang hpe shakawn mu! Nye wa Dawi hta shi tawn da ai ga sadi hpe shadik shatup na nga,

1 HKAWHKAM LABAU 29:10

Hkawhkam Dawi gaw shawa hpawng ting a man e dai Madu hpe shakawn kungdawn wu ai. Shi gaw, “Dai Madu anhte a kaji kawa Yaku a Karai Kasang e, nang gaw htani htana prat dingsa shakawn kungdawn hkrum ging nga ndai!

1 HKAWHKAM LABAU 29:20

Dai hpang Dawi gaw amyu masha ni hpe, “Dai Madu nanhte a Karai Kasang hpe shakawn kungdawn mu!,” ngu nna hkang da wu ai. Shaloi shawa hpawng ting gaw dai Madu shanhte a kaji kawa ni a Karai Kasang hpe shakawn kungdawn nhtawm dai Madu hpe mung, hkawhkam wa hpe mung, shanhte dingnyawm gum dagup nna shagrau hkungga jaw mu ai.

SHAKAWN KUNGDAWN 106:48

Dai Madu Israela a Karai Kasang, hpe shakawn nga mu! Shi hpe ya kaw nna, htani htana shakawn kungdawn nga mu! Masha hkum shagu, “Amen” ngu nna tsun nga mu ga law! Dai Madu hpe shakawn mu!

SHAKAWN KUNGDAWN 111:9

Shi a amyu masha ni hpe shi shalawt dat nhtawm, htani htana hte seng ai ga shaka hpe shanhte hte shi galaw da nu ai. Shi gaw Chyoi Pra nga ai hte Chyalai n-gun rawng ai wa rai nga ai!

SHAKAWN KUNGDAWN 130:8

Shi gaw shi a Israela amyu masha ni hpe, shanhte a yubak yawng kaw nna hkye hkrang la na ra ai.

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

PRU MAT 4:31

Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

LUKA 1:71

anhte a hpyen ni hte anhte hpe n ju n dawng ai ni yawng a lata na hkye hkrang la mani ai.

LUKA 19:44

Shanhte gaw nang hpe mung, na a bunghku ni a kata e rawng nga ai masha ni hpe atsai awai jahten kau ai nhtoi gaw nang kaw pru na ra ai rai nna, nang hta nlung langai mi a ntsa e langai mi pyi n mara ngam nga lu hkra rai na ra ai. Hpa majaw nga yang, nang gaw Karai Kasang nang hpe hkye la na matu du sa ai aten hpe n dum n chye ndai,” ngu wu ai.

LUKA 2:38

Shi mung dai ahkying e nan du sa wa nna Karai Kasang hpe shakawn kungdawn let, Yerusalem hpe hkye hkrang la na lam myit mada nga ai ni yawng hte hpe dai ma a lam tsun dan mu ai.

LUKA 24:21

Anhte chyawm gaw, dai wa gaw Israela amyu hpe shalawt dat na ra ai wa rai na re! ngu nna myit mada ga ai. Shing rai, dai lam ni byin lai wa ai pyi gaw, dai ni masum ya na wa sai.

LUKA 7:16

Masha yawng hte mung hkrit let mau mat shajang ma ai rai nna, Karai Kasang hpe shagrau sha-a let, “Myihtoi kaba anhte kaw paw pru ra ai, nga nna mung; Karai Kasang gaw shi a amyu hpe hkye la na matu du sa ra ai, nga nna mung,” shanhte tsun gara ma ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

HEBRE 9:12

Hkristu gaw Chyoi Pra Htum ai Shara kata de kalang mi hte ngut hkra shang ai shaloi, hkungga nawng na matu bainam sai, usu sai n la shang ai sha, shi nan a asai hte shang nna anhte a matu htani htana hkye hkrang la ai lam lu la nu ai.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

1 SAMUELA 25:32

Dawi gaw shi hpe, “Dai ni ngai hte hkrum na matu nang hpe shangun dat ya ai dai Madu Israela a Karai Kasang hpe shakawn kungdawn nga ga law.