LUKA 1:65 - Jinghpaw Common Language Bible 2009

⁶⁵ Dai re ai majaw, shanhte a makau grup yin hkan na ni nlang hte hta hkrit ai myit rawng wa ai rai nna, dai shiga ni mahkra Yuda Mung ting hta kajai gumhkawng wa ai.

Jinghpaw Hanson Version Bible

⁶⁵ Dai re ai majaw, shanhte a makau grup yin hkan na ni nlang hte a ntsa e hkrithpa tai wa ai rai nna, dai ga mahkra gaw, Yuda bum ga ting hta e kajai gumhkawng wa ai.

LUKA 1:65 ပူးပေါင်းရင်းမြစ်များ

MAHTE 2:1

Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,

LUKA 1:39

Gade n na ai nhtoi hte hta e, Mari gaw, Yuda mung na bum ga e nga ai mare langai mi de alawan rawt sa wa ai.

LUKA 2:18

Sagu rem ai ni tsun kajai dan ai ga na mana ni mung, dai ga a majaw mau ma ai.

LUKA 5:26

Yawng mayawng gaw, grai wa mau mahka nga nna, hkrit la ai hte Karai Kasang hpe shakawn kungdawn let, “Dai ni anhte mauhpa amu ni mu lu sagaw ai,” nga nna tsun ma ai.

LUKA 7:16

Masha yawng hte mung hkrit let mau mat shajang ma ai rai nna, Karai Kasang hpe shagrau sha-a let, “Myihtoi kaba anhte kaw paw pru ra ai, nga nna mung; Karai Kasang gaw shi a amyu hpe hkye la na matu du sa ra ai, nga nna mung,” shanhte tsun gara ma ai.

KASA 19:17

Dai lam hpe Ehpesu mare na Yuda masha ni hte tara maigan masha ni nlang chye ma yang, shanhte yawng hkrit mat shajang nna, Madu Yesu a mying nsang hpe shagrau sha-a shajang ma ai.

KASA 2:43

Kasa ni gaw lamik kumla law law hte mauhpa amu ni galaw dan ma ai majaw masha nlang hte mung hkrit kang shajang ma ai.

KASA 5:11

Hpung ting hte dai lam na mana ni yawng nachying hkrit kahpra mat ma ai.

KASA 5:5

Anani gaw, dai ga hpe na ai shaloi jang kadawng si mat ai. Dai na ai ni yawng mung nachying hkrit kahpra nga ma ai.

YAWSHU 10:40

Yawshu gaw mungdan ting ngu na bum ga na hkawhkam ni, sinpraw maga na kadit ni, sinna maga de na layang ni, dingdung maga de na hkun hkraw ai shara mahkra hpe gasat la wu ai. Shi gaw masha kadai hpe mung n ngam da ai sha sat kau wu ai; Ndai gaw dai Madu Israela a Karai Kasang hkang da ai hte maren galaw ai amu rai nga ai.

YAWSHU 10:6

Gibeon masha ni mung Gilgala e dap jung nga ai Yawshu hpang de masha shangun dat wu ai: “Anhte hpe hkum kau da mi! Anhte hpe karum la na ya jang sa wa marit! Anhte hpe hkye hkrang la mi! Bum ga na Amori hkawhkam ni yawng n-gun galung la let anhte hpe gasat nga masai.

SHINGRAN 11:11

Ya dai nhtoi masum ya e chyingdaw mi lai jang, Karai Kasang kaw nna jahkrung ya ai nsoi nsa shan hta shang wa nna, shan gaw jan rai, rawt tsap ma ai; shan hpe mu mada ai ni gaw, nachying hkrit gari nga ma ai.