LUKA 1:6 - Jinghpaw Common Language Bible 2009

⁶ Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

Jinghpaw Hanson Version Bible

⁶ Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

LUKA 1:6 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 6:9

Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

NINGPAWT NINGHPANG 7:1

Dai Madu gaw Noa hpe, “Nang hte na a nta masha ni yawng dai sanghpaw li kata de shang manu; ndai mungkan ga yawng hta jaw ai amu galaw ai gaw nang chyu sha rai nga ndai hpe ngai mu se ai.

1 HKAWHKAM 15:5

Dawi gaw dai Madu awng sharawng ai amu hpe galaw nu ai rai nna Hiti masha Uria lam hta kaga, shi a hkang da ai ga ni hpe galoi mung madat mara nga ai majaw dai Madu ndai amu hpe galaw nga ai.

1 HKAWHKAM 9:4

Na nwa Dawi galaw ai zawn myit malang ai hte ding hpring ai myit hte ngai hpe nang daw jau nna nye a tara ni hpe madat mara hkan sa nhtawm ngai nang hpe hkang da mada lam magup hpe hkan galaw ai rai yang,

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

2 HKAWHKAM LABAU 17:4

Shi gaw Israela hkawhkam ni galaw ai zawn n hkan galaw ai sha shi kawa a Karai Kasang hpe daw jau nhtawm Karai Kasang a hkang da ai ga ni hpe madat mara wu ai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

YOBA 1:8

Dai Madu gaw, “Nye a shangun ma Yoba hpe nang matsing da wu ni? Shi gaw kam sham nna mai kaja ai wa rai nhtawm shi zawn re ai mi ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa mung n galaw nga ai,” ngu nna san wu ai.

SHAKAWN KUNGDAWN 119:6

Na a hkang da ai tara ni yawng hpe ngai madat mara lu ai rai yang ngai kaya kahpa hkrum na nngai n rai.

LUKA 1:7

Rai ti mung, Elisabet gaw maudung rai nga ai majaw kasha n shaprat wu ai. Shan lahkawng asak aprat mung kaba ma sai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

KASA 2:25

Dai Madu a lam hte seng nna Dawi tsun ai gaw, ‘Dai Madu hpe nye a myi man chyaw ngai tut tut mu lu nga nngai. Ngai myit shamu shamawt ai n hkrum u ga, Madu gaw nye a makau e nga nga ai.

KASA 23:1

Shaloi Pawlu gaw dai salang hpawng hpe azi yu da let, “Nye a Yuda hpu nau ni e! ngai gaw dai ni du hkra prat tup Karai Kasang a man e htauli htaula myit asan sha hte hkum tsup ai hku asak hkrung hkan sa ni ai,” ngu mu ai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

KASA 8:21

Karai Kasang a man e na a myit masin n ding n hpring nga lit dai majaw, anhte galaw ai amu hta na a matu kamhtaw hpa mung lawm lu na ndai n rai.

ROMA 8:4

Karai Kasang ndai hku galaw shabyin ai lam gaw anhte gaw masha hkum shan myit ra ai hku n re ai sha Wenyi a myit ra ai hku asak hkrung nga ai anhte ni dai jep ai Tara hta matsun da ai ding hpring ai lam hpe hkan shadik lu na matu rai nga ai.

1 KORINHTU 11:2

Nanhte gaw lam shagu hta e ngai hpe adum nga nna, ngai nanhte hpe jaw da ai matsun maroi ga hte maren, nanhte hkan sa galaw myit dai majaw, ngai nanhte hpe shakawn made ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

TARA JAHPRANG 5:33

Nanhte madu la na mungdan hta tut nawng ashanu nga nna lam magup hta ngamu ngamai wa malit ga; hkang da ai lam yawng mayawng hpe hkan sa madat mara nga myit law.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

KOLOSE 1:22

Rai ti mung, ya Karai Kasang gaw, shinggyim hkum shan dagraw tawn ai shi a Kasha hpe si hkam shangun ai hku nna nanhte hpe shi a jinghku ni shatai manit dai. Shing rai galaw ai lam gaw, nanhte gaw chyoi pra nna agang chyalang n kap ai hte mara n rawng ai sha shi a man de nanhte hpe shashawn la lu na matu rai nga ai.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

2 PETRU 3:14

Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.

1 YAWHAN 2:3

Shi a hkang da ai ga hte hpe anhte madat mara hkan nang ga yang gaw, anhte shi hpe chye chyap ai ni rai nga ga ai lam hkrak chye lu ga ai.

1 YAWHAN 3:7

Shu sha ni e, kadai mung nanhte hpe lam n shadam myit ga; Hkristu gaw ding hpring nga ai hte maren, ding hpring ai amu galaw ai wa kadai rai ti mung ding hpring nga ai.