LUKA 1:54 - Jinghpaw Common Language Bible 2009

⁵⁴ Anhte a ji wa ni hpe jaw da sai ga sadi hte maren, shi a shangun ma Israela hpe lanu lahku nu ai.

Jinghpaw Hanson Version Bible

⁵⁴ Anhte a ji wa ni hpe tsun da sai hte maren, Abraham hte shi a kashu kasha ni hpe,

LUKA 1:54 ပူးပေါင်းရင်းမြစ်များ

SHAKAWN KUNGDAWN 46:5

Karai Kasang gaw dai mare hta shanu nga nna, dai mare gaw galoi mung jahten kau ai hkrum na n rai; jahpawt manap jau jau e, dai mare hpe shi karum la na matu pru sa na ra ai.

SHAKAWN KUNGDAWN 98:3

Shi gaw Israela amyu masha ni hpe shanhte a matu, sadi dung ai hte dinggrin tsaw ra myit hte shi a ga sadi hpe shagrin da nu ai; shing rai, shara shagu hkan na amyu masha ni yawng hte gaw anhte a Karai Kasang a awng padang hpe mu lu nga masai.

ESAIA 44:21

Dai Madu gaw, “Israela e, ndai lam hpe dum u; nang gaw nye a shangun ma rai nga ai hpe dum u. Ngai gaw nang hpe nye a shangun ma tai na matu hpan da nngai, ngai gaw nang hpe galoi mung malap kau na n rai.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

YEREMIA 31:3

ngai gaw tsan tsan kaw nna shanhte hpang de dan pru ni ai. Israela amyu masha ni e, ngai gaw nanhte hpe tut nawng e tsaw ra nga nngai majaw nanhte hpe nye a dinggrin tsaw ra myit matut madun na nngai.

MIHKA 7:20

Nang gaw moi chyaloi nhkoi kaw nna anhte a kaji kawa ni hpe nang jaw ai ga shaka hte maren, Abraham hte Yaku a aru arat rai nga ai na a amyu masha ni hpe na a kangka re ai lam hte dinggrin tsaw ra myit madun dan na rai nga ndai.

LUKA 1:53

Kawsi hkrum ai ni hpe kaja ai hte jahkru shakat nna, sut su ai ni hpe kaman dat dat nu ai.

LUKA 1:55

Shi gaw shi a matsan dum ai myit Abraham hte aru arat ni yawng hpe tut nawng madun dan na matu adum nga ai!” nga ai.