LUKA 1:45 - Jinghpaw Common Language Bible 2009

⁴⁵ Kam sham ai numsha gaw a lu ai; kaning rai nme law, dai Madu kaw nna shi hpe tsun ai ga gaw dik wa na ra ai,” nga ai.

Jinghpaw Hanson Version Bible

⁴⁵ Kamsham ai numsha gaw a lu ai; kaning rai nme law, dai Madu kaw nna shi hpe tsun ai ga gaw dik wa na ra ai,” nga ai.

LUKA 1:45 ပူးပေါင်းရင်းမြစ်များ

1 HKAWHKAM 17:16

Dai Madu gaw Elia a n-gup ga hku ga sadi jaw nu ai hte maren hka wan hta muk shadung ma ai n rai; yam na namman sau mung yawm mat nga ai n rai.

2 HKAWHKAM 4:5

Dai rai nna numsha mung shi a kasha yan hte rau nta nhku de shang wa nna chyinghka la kau nhtawm tsanlun sau rawng ai di bu kaji hpe la nna kasha yan la shapraw ya ai di bu ni hta sau ru bang wu ai.

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

LUKA 1:20

Yu u, dai ahkying du yang dik wa na ra ai nye a ga sadi hpe nang n kam ndai majaw, dai amu byin ai du hkra, ga n tsun lu ai ma-a na rin dai,” ngu nna shi hpe tsun wu ai.

LUKA 1:44

Yu u, na a hkrum shaga ai ga nsen ngai na lu ai hte rau nye hkritung na ma gaw kabu gara ai hte gumlawt li ai.

LUKA 1:48

Madu gaw shi a shangun ma jan a grit nem nga ai hpe mu mada ya nu ai. Yu u, ya kaw nna shu mashi shu masha prat dingsa, ngai hpe a lu ai jan, ngu na mani ai,

YAWHAN 11:40

Yesu gaw, “Nang kam n yang gaw, Karai Kasang a hpung shingkang nang mu lu na rin dai, ngu nna ngai tsun sade ai n rai ni?,” ngu nna shi hpe tsun wu ai.

YAWHAN 20:29

Yesu gaw, “Nang gaw ngai e mu lu ai majaw sha kam n ni? Ngai hpe n mu lu ai sha kam sham ai ni gaw a lu ma ai!,” ngu nna Htawma hpe tsun wu ai.