LUKA 1:28 - Jinghpaw Common Language Bible 2009

²⁸ Lamu kasa gaw Mari kaw du jang, “Chyeju nga lit ga, nang a lu ndai, dai Madu gaw nang hte rau nga nga ai rai nna shaman chyeju kaba nang hpe jaw nit dai,” ngu wu ai.

Jinghpaw Hanson Version Bible

²⁸ Dai lamu kasa gaw Mari kaw du jang, “Chyeju nga lit ga, nang a lu ndai, dai Madu gaw nang hte rau nga nga ai law,” ngu wu ai.

LUKA 1:28 ပူးပေါင်းရင်းမြစ်များ

ESAIA 43:5

Hkum hkrit nga et-ngai nang hte rau nga nga nngai! “Tsan ai sinpraw maga hte tsan gang nga ai sinna maga de na, na a amyu masha ni hpe dum nta de ngai woi wa na nngai.

Daniela 10:19

Shi gaw, “Karai Kasang nang hpe tsaw ra nga ai majaw nang hpe hpa mung myit ru shangun na n rai; nang hpe jahkrit shama na n rai,” ngu nna tsun wu ai. Shi dai zawn nga nna tsun jang, ngai hta n-gun ja wa ai zawn hkam sha nna, “Madu e, nang hpa tsun ra ai lam ngai hpe tsun dan e. Nang gaw ngai hpe grau kaja hkra hkam, sha shangun nit dai,” ngu nna tsun nngai.

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

MAHTE 12:48

Yesu gaw, “Ngai nu hte ngai nau ni gaw, kadai ni rai nga ma ta?,” ngu mu ai.

LUKA 1:27

Dai lamu kasa gaw, Dawi a amyu hta na Yosep ngu ai wa mahtan da ai mahkawn hpang de mungga gun sa ai. Dai mahkawn a mying chyawm gaw Mari ngu ai rai nga ai.

LUKA 1:29

Mari dai ga a majaw masin kahpra nna, “Ndai shachyen ai ga gaw, kaning nga ai ga rai na ra i?,” nga nna myit aru yu nga ai.

LUKA 1:30

Shaloi dai lamu kasa gaw, “Mari e, hkum hkrit et, nang Karai Kasang a man e myi man pa nit dai.

LUKA 1:42

Elisabet mung Chyoi Pra ai Wenyi hte hpring nna nsen kaba hte jahtau let, “Numsha ni hta nang a lu ndai law; na a hkritung na ma mung a lu lit dai law;

KASA 18:10

Hpa majaw nga yang, ngai nang hte rau rai nga nngai, nang hpe kadai mung hkra lu na n rai, ndai mare hta nye a masha ni law law nga ma ai,” ngu nna tsun wu ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

TARA AGYI 5:24

Keni masha Hebera a madu jan Yaela gaw numsha danghta hta grau a htum lu nu ai; sum ni hta nga ai numsha danghta ni hta grau a htum nu ai.

TARA AGYI 6:12

Dai Madu a lamu kasa gaw dai yang e shi kaw dan pru nna, “N-gun ja nna share ai wa e, dai Madu gaw nang hte rau rai nga ai!,” ngu nna tsun wu ai.

RUHTA 2:4

Loi hkring mi rai jang, Bua shi nan Betlehem mare kaw nna du sa wa nhtawm mam dan ai masha ni hpe, “Dai Madu gaw nanhte hte rau anga nga u ga law!,” ngu nna shakram let tsun wu ai. Shanhte gaw, “Dai Madu nang hpe shaman ya nga u ga!,” ngu nna htan ma ai.