LUKA 1:27 - Jinghpaw Common Language Bible 2009

²⁷ Dai lamu kasa gaw, Dawi a amyu hta na Yosep ngu ai wa mahtan da ai mahkawn hpang de mungga gun sa ai. Dai mahkawn a mying chyawm gaw Mari ngu ai rai nga ai.

Jinghpaw Hanson Version Bible

²⁷ Dawi amyu hta na Yawsep ngu ai wa mahtan da ai mahkawn hpang de shangun dat wu ai: dai mahkawn a amying chyawm gaw Mari ngu ai, rai nga ai.

LUKA 1:27 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 31:22

Sadi n dung ai amyu masha ni e, galoi aten du hkra kanung nga na ngu myit ni? Ngai gaw ningnan re ai hte shai ai lam lama mi hpe hpan da ni ai, dai gaw numsha gaw lasha hpe makawp maga nga ai zawn shai nga ai,” ngu nna tsun ai.

MAHTE 1:16

Yaku gaw Meshia ngu ai Yesu a kanu hpe hkungran la ai Yosep hpe shaprat wu ai.

MAHTE 1:18

Ya, Yesu Hkristu kaning rai shangai chyinghkai wa ai lam ning rai nga ai; Shi a kanu Mari gaw Yosep hte mahtan da nga ai rai nna, shan garai n hkungran ai majaw garai n kanawn yang, Mari gaw dai Chyoi Pra ai Wenyi a majaw na-um nasin rai wa sai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

LUKA 1:28

Lamu kasa gaw Mari kaw du jang, “Chyeju nga lit ga, nang a lu ndai, dai Madu gaw nang hte rau nga nga ai rai nna shaman chyeju kaba nang hpe jaw nit dai,” ngu wu ai.