LUKA 1:18 - Jinghpaw Common Language Bible 2009

¹⁸ Shaloi Zahkaria gaw, “Dai gaw ngai kaning di chye lu na we ta? Ngai dingla ni ai, nye a madu jan mung aprat kaba sali ai,” ngu nna lamu kasa hpe htan wu ai.

Jinghpaw Hanson Version Bible

¹⁸ Shaloi Zakari gaw, “Dai gaw ngai kaning di chye lu na we ta? ngai gaw dingla ni ai, nye madu jan mung aprat kaba sali ai,” ngu nna lamu kasa hpe htan wu ai.

LUKA 1:18 ပူးပေါင်းရင်းမြစ်များ

NINGPAWT NINGHPANG 15:8

Rai ti mung, Abram mahtang, “Tsaw htum ai Madu e, dai lamu ga gaw nye a matu tai na ra ai gaw, ngai kaning di chye lu na rai nga a ta?” ngu nna san wu ai.

NINGPAWT NINGHPANG 17:17

Abraham gaw ga du hkra dingnyawm dagup let, “Latsa ning du sai wa gaw kasha naw lu na kun? Jahku shi ning hta Sara kasha naw shangai lu na kun?,” ngu nna mani ai hte shi myit sumru yu nga wu ai.

NINGPAWT NINGHPANG 18:12

Dai majaw Sara gaw, “Ya ngai gumgai ni ai hte n-gun yawm mat ni ai, dai rai yang num la kanawn ai hta ngai naw pyaw lu na rai nga a ni? Dai sha n-ga, nye a madu wa mung dingla mat sai,” ngu nna shi kraw e mani nga ai.

2 HKAWHKAM 7:2

Hkawhkam wa a kasa wa gaw Elisha hpe, “Dai Madu shi nan nsi hpe kalang lata jahkrat jaw tim pyi, dai amu gaw byin lu na n rai nga ai!,” ngu nna tsun wu ai. Elisha gaw, “Dai lam byin wa na ra ai lam hpe nang mu na rai ndai; rai ti mung dai lusha hpe nang loi mi mung sha lu na ndai n rai,” ngu nna tsun htang wu ai.

ESAIA 38:22

Dai hpang Hkawhkam Hezekia gaw, “Nawku Htingnu de ngai sa wa na gaw kaning re ai sakse kumla rai nga a ta?,” ngu nna san yu nu ai.

LUKA 1:34

Shaloi Mari gaw, “Dai gaw kaning rai byin na rai ta? Ngai hkawn jet sha naw rai nngai,” ngu nna lamu kasa hpe tsun wu ai.

LUKA 1:7

Rai ti mung, Elisabet gaw maudung rai nga ai majaw kasha n shaprat wu ai. Shan lahkawng asak aprat mung kaba ma sai.

ROMA 4:19

Dai aten hta Abraham gaw asak latsa ning pyi du magang wa nu ai rai nna tinang a hkum gaw jasi zawn rai nga sai hte num mung kasha n mai lu sai hpe mung chye wu ai rai ti mung shi a Karai Kasang hpe kam sham ai myit n yawm mat lu ai.