LUKA 1:17 - Jinghpaw Common Language Bible 2009

¹⁷ Yawhan gaw, dai Madu a shawng e du sa ai wa rai nna myihtoi Elia zawn n-gun atsam rawng nna galu kaba wa na ra ai. Shi gaw kawa ni hpe kasha ni hte bai htingram ya nna n madat n mara nna je hpre ai masha ni hpe ding hpring ai ni a hpaji ningli bai lu la shangun na ra ai. Shi gaw dai Madu a matu lajang shachyip da chyalu rai hkra, Madu mazing da ai amyu masha ni hpe hkyen lajang ya na ra ai,” ngu nna Zahkaria hpe tsun wu ai.

Jinghpaw Hanson Version Bible

¹⁷ Kawa ni a myit masin hpe kasha ni hpang de, je hpre ai ni hpe dinghpring ai ni a hpaji ningli lam de kayin wa shangun na hte, dai Madu a matu mazing da ai amyu hpe lajang shachyip da na, Elia a wenyi hte atsam rawng let, shi a shawng numshawn e sa wa na ra ai,” ngu nna shi hpe tsun wu ai.

LUKA 1:17 ပူးပေါင်းရင်းမြစ်များ

1 HKAWHKAM 17:1

Gilead mung Tishbi mare kaw na Elia mying ai myihtoi langai mi gaw Hkawhkam Ahab hpe, “Dai Madu a mying ningsang hta mung, ngai daw jau nga ai dai ahkrung nga ai Israela a Karai Kasang hta mung ngai bai tsun ai aten du hkra, ndai lahkawng masum ning laman numri mung n hkrat, marang mung n htu na ra ai gaw ngai nang hpe tsun nga nngai,” ngu nna tsun wu ai.

1 HKAWHKAM 18:18

Elia mahtang, “Ngai gaw ru yak tsin-yam tsindam jaw ai wa n rai nngai. Nang she-nang hte na nwa rai nga myit dai. Nang mahtang dai Madu a hkang da ai ga ni hpe n madat n mara ai sha, Bala hpara sumla ni hpe nawku nga ndai.

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

2 HKAWHKAM 1:16

shi hpe, “Da ndai gaw dai Madu tsun ai ga rai nga ai: ‘Israela mung hta nang san yu na karai kaga n nga mat sam nga ndai, Ekron karai Balazebu hpe sa san yu na matu kasa ni hpe nang shangun dat nga ndai majaw, nang hkam kaja wa lu na ndai n rai; nang si na rin dai!’”

1 HKAWHKAM LABAU 29:18

Anhte a kaji kawa Abraham, Isak hte Yaku ni a Madu Karai Kasang e, na a amyu masha ni hta dai zawn ap nawng chye ai myit hpe htani htana n-gun shaja ya nna nang hta shanhte tut nawng sadi sahka dung nga shangun u law.

2 HKAWHKAM LABAU 29:36

Karai Kasang gaw ndai amu grai lawan ai hku galaw lu hkra, shanhte hpe karum la nga ai majaw, Hezekia hte amyu masha ni kabu gara shajang ma ai.

SHAKAWN KUNGDAWN 10:17

O Madu e, grit nem ai ni a akyu hpyi ga ni hpe nang madat ya na rin dai; nang gaw shanhte hpe nden marai jaw ya na ra ai.

SHAKAWN KUNGDAWN 111:10

Madu hpe shagrau sha-a ai gaw hpaji rawng wa na lam rai nga ai; shi a hkang da ai ga matsun ni hpe madat mara hkan sa nga ai ni yawng hte hpe teng man ai tara dara lam jaw ya nga ai. Shi gaw htani htana shakawn kungdawn ai lam hkam la na ra ai.

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

ESAIA 29:24

Angawk ai amyu masha ni chye la na matu sharin la na mara ai, tut nawng aput angun nga ai ni sharin achyin hkam la lu na matu kabu gara na mara ai.” ngu nna tsun wu ai.

AMO LAIKA (AMOS) 4:12

“Dai rai nna, Israela amyu masha ni e, ngai nanhte hpe ari jaw na nngai. Dai amu hpe ngai galaw na rai nga nngai majaw, nye a tara jeyang ai lam hpe hkrum kadup na jin jin rai nga mu!”

MAHTE 11:14

Shanhte a mungga hpe nanhte madat la nna kam sham mayu myit yang gaw, ndai Yawhan gaw du sa na ra ai ngu nna tau tsun tawn ai Elia nan rai nga ai.

MAHTE 14:4

Hpa majaw nga yang Hkalup Sara Yawhan gaw Herod hpe, “Nang gaw Herodia hpe n mai hkungran la na ndai!,” ngu nna tsun wu ai rai nna,

MAHTE 3:3

“Dai Madu a matu lam lajang da mu, Shi a matu, hkawm sa wa na lam masun ni hpe shading mu, nga nna nam mali kata e masha langai mi jahtau nga ai,” nga nna myihtoi Esaia tsun ai wa gaw Yawhan hpe nan ngu ai rai nga ai.

MAHTE 3:4

Dai Yawhan gaw, gawla-uk mun hte da ai nba hpe bu hpun nna shanhpyi shingkyit hpe nshang e kyit da nga ai. Shi a lusha gaw, dinggam-yaw hte nam na lagat ntsin rai nga lu ai.

LUKA 1:16

Israela kashu kasha ni law law hpe, shanhte a Madu Karai Kasang hpang de shi kayin wa shangun na mu ai.

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

YAWHAN 1:13

Shanhte gaw shingra maka tara hkan nna shinggyim kawa a kasha ni tai ai hku Karai Kasang a kasha ni tai wa ma ai n rai, Karai Kasang e nan, kasha shatai la hkrum ai ni she rai ma ai.

YAWHAN 1:34

ngu tsun ai hte maren byin wa sai hpe ngai mu se ai,” nga ai. Matut nna Yawhan gaw, “Bai ngai nanhte hpe tsun made ga, ndai wa gaw Karai Kasang a Kasha rai nga ai,” nga tsun ai.

YAWHAN 3:28

‘Ngai gaw Meshia n rai nngai, shi a shawng e shangun dat hkrum ai wa she rai nngai,’ ngu nna ngai tsun ni ai gaw nanhte nan nye a sakse ni rai nga myit dai.

KASA 10:33

Dai majaw, shaloi jang ngai nang hpang de shangun dat nna, ya nang du ai gaw mai kaja nga ai dai rai nna, dai Madu nang hpe hkang da mada hte hpe madat mara la na matu ya anhte yawng ndai kaw Karai Kasang a man e rai nga saga ai,” ngu nna tsun wu ai.

ROMA 9:23

Dai hta n ga Madu gaw shi a matsan dum lama ai lam hkam la na masha ni ngu ai anhte hpe shi a n hpaw n ya re ai hpung shingkang hpe mu lu shangun na matu ra sharawng nga ai. Dai ni gaw Karai Kasang a hpung shingkang hkam la lu na matu hkyen lajang shajin da sai masha ni rai nga ma ai.

KOLOSE 1:12

Dai hta kaga, nhtoi a mungdan hta rawng nga ai shi a chyoi pra ai ni a matu mara Karai Kasang san tawn da ai sali wunli ni hpe nanhte hkan dagraw la ging ai ni tai wa shangun ai Karai Kasang a chyeju hpe kabu gara shakawn kungdawn nga mu ga law.

2 TIMOHTI 2:21

Marai langai ngai gaw tsun lai wa sai n hkru n kaja ai lam ni yawng hta na tinang hkum hpe jasan kau ai rai yang, shi gaw Madu a lak san shatawng shada ai lam ni hta jai lang ai hkam la na ra ai; hpa majaw nga yang shi gaw, mai kaja ai amu shagu hpe galaw na jin jin rai nga u ga shi Madu a matu akyu rawng lam la ai hta ap nawng da sai wa rai nga ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 YAWHAN 2:28

Rai sa shu sha ni e, shi dan pru ai shaloi nanhte gaw hkrit kaya nna gawp makoi mat n ra ai sha shi a man e nden ja ai hte tsap nga lu na matu shi hte langai sha arai nga mu.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.

1 SAMUELA 7:5

Dai hpang, Mizpa shara e jawm hkrum na matu Israela masha ni yawng hpe Samuela hkang dat nhtawm, “Dai yang e nanhte a matu dai Madu kaw ngai akyu hpyi ya na nngai,” ngu nna tsun wu ai.