LUKA 1:16 - Jinghpaw Common Language Bible 2009

¹⁶ Israela kashu kasha ni law law hpe, shanhte a Madu Karai Kasang hpang de shi kayin wa shangun na mu ai.

Jinghpaw Hanson Version Bible

¹⁶ Israela kashu kasha ni law law hpe, shanhte a Madu Karai Kasang hpang de shi kayin wa shangun na maru ai.

LUKA 1:16 ပူးပေါင်းရင်းမြစ်များ

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

MAHTE 21:32

Hpa majaw nga yang, hkalup sara Yawhan gaw nanhte kaw sa nna teng man ai lam hpe hkap la na matu madun dan nga ai hpe nanhte n kam sham myit dai, rai ti mung kang hta ai ni hte shawa num ni chyawm gaw shi hpe kam sham ma ai.

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

LUKA 3:3

Shi gaw Yawdan hka ginwang shara shagu hkan e du hkawm let, “Nanhte a yubak mara ni kaw na myit malai lu nna hkalup hkam la mu, shaloi she Karai Kasang gaw nanhte a yubak mara ni hpe raw dat kau ya na ra ai,” nga nna hkaw tsun nga ai.