LUKA 1:15 - Jinghpaw Common Language Bible 2009

¹⁵ Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

Jinghpaw Hanson Version Bible

¹⁵ Kaning rai nme law, shi gaw dai Madu a man e galu kaba wa na ra ai; tsabyi hte chyaru shi lu na n rai; kanu a hkritung nna pyi, Chyoi pra ai Wenyi hte hpring na ra ai.

LUKA 1:15 ပူးပေါင်းရင်းမြစ်များ

NINGPAWT NINGHPANG 12:2

Ngai nang hpe law law mayat maya shangun nna amyu kaba shatai na nngai. Ngai nang hpe shaman ya nna na a mying hpe gumhkawng shangun na nngai; shing rai nang gaw chyeju daju tai na rin dai.

NINGPAWT NINGHPANG 48:19

Shi a kawa chyawm gaw n hkraw ai hte, “Ngai chye nngai, ngai sha e, ngai chye nngai; Manashe amyu matu ni mung galu kaba ai amyu ni tai na mara ai. Rai ti mung, shi a kanau wa mahtang shi hta grau kaba na ra ai rai nna shi a amyu matu ni amyu baw law law tai wa na mara ai,” ngu nna tsun wu ai.

1 HKAWHKAM LABAU 17:8

Nang hkawm sa ai shara shagu hkan ngai nang hte rau nga nga nna nang naw rawt lung wa yang pyi, na a gumlau hpyen ni yawng hpe ngai gasat dang kau ya nngai. Mungkan ga na galu kaba htum ai ningbaw ni zawn, ngai nang hpe mying dan hkung galu kaba shangun na nngai.

1 HKAWHKAM LABAU 29:12

Sut gan hte sut su ngamu ngamai ai lam yawng mayawng mung nang kaw na rai nga ai rai nna, lam shagu hpe na a atsam marai hte daru magam n-gun hte up hkang nga ndai. Nang gaw kadai hpe mung galu kaba ai hte n-gun ja shangun lu nga ndai.

SHAKAWN KUNGDAWN 22:9

Nang gaw ngai hpe shangai wa ai shani kaw nna shim lum ai hte bau sin da ai wa nan rai nga ndai, Ngai ma chyangai naw rai nga yang, nang ngai hpe shim lum ai hte bau maka dat nit dai.

YEREMIA 1:5

“Ngai gaw nang hpe asak garai n jaw ai kaw nna lata la ni ai, ngai gaw nang garai n shangai aten kaw nna pyi masha amyu baw ni a matu myihtoi tai na lata la ni ai,” ngu nna tsun wu ai.

YEREMIA 35:6

Rai ti mung, shanhte gaw, “Anhte sabyi n lu na ga ai. Anhte a kaji kawa rai nga ai Rehkab a kasha Yonadab gaw anhte mi rai rai, anhte a aru arat ni mi rai rai, kaning re ai sabyi hpe mung n lu na matu hkang da mi ai.

JAW JAU 10:9

“Nang hte na a shadang sha ni gaw sabyi ntsin hte chyaru lu nang ai shaloi, nye a hpung shingkang shanu nga ai Sum kata de shang lu na myit dai n rai; dai zawn nanhte galaw hkrup myit dai rai yang, si na rai myit dai. Dai gaw nanhte a lakung lama ni yawng hkan sa shadik shatup na tara langai rai nga ai.

ZEHKARIA 9:15

Chyahtum Chyalai N-gun rawng ai dai Madu gaw shi a amyu masha ni hpe makawp maga na ra ai, shanhte gaw gumlau hpyen ni hpe jahten kau na mara ai. Shanhte gaw majan pa e chyaru nang ai wa zawn jahtau garu nna, shanhte a gumlau hpyen ni a asai jahkaw kau ya na mara ai; dai gaw tawn hkungri ntsa e nga ai jarung kaw na ru hkaw dat ai shagu hkungga asai zawn lwi hkrat wa na ra ai.

LUKA 1:14

Na a matu kabu gara ai hte ngwi pyaw ai lam tai na ra ai; shi shangai wa ai majaw masha lan lak mung kabu gara na mara ai.

LUKA 7:28

“Nanhte hpe ngai tsun made ga, numsha kaw na shangai ai ni hta, Yawhan hta grau kaba ai langai mi mung n nga yu ai, rai ti mung, Karai Kasang a Mungdan hta kaji htum ai wa gaw Yawhan hta grau kaba ai wa rai nga ai,” ngu mu ai.

LUKA 7:33

Hpa majaw nga yang, Hkalup Sara Yawhan sa du nna, muk n sha, sabyi n lu ai nga yang mung, ‘Shi Nat kap ai wa rai nga ai,’ nga myit dai.

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

GALATI 1:15

Rai ti mung nye nu a hkritung nna ngai garai n shangai yang Karai Kasang gaw shi a chyeju hte ngai hpe lata la nna shi hpe daw jau na matu shaga la ni ai.

EHPESU 5:18

Chyaru hkum nang mu; dai gaw nang hpe jahten shabya kau na ra ai. Wenyi hte hpring tsup nga mu.

YAWSHU 3:7

Dai Madu gaw Yawshu hpe, “Ngai gaw Mawshe hte rau nga ai zawn nang hte mung rau nga nga nngai hpe shanhte dum chye wa lu hkra, dai ni, ngai nang hpe dai Israela amyu masha ni yawng a man e arawng aya kaba hkam la ai masha langai mi hpe zawn shagrau sha-a hpang na de ai.

YAWSHU 4:14

Dai shani e, dai Madu galaw ai amu gaw Israela amyu masha ni a man e, Yawshu hpe hkik hkam ai arawng aya hkam la ai masha langai mi hpe zawn nawn la shangun ma ai rai nna Mawshe hpe shanhte shagrau sha-a ma ai zawn Yawshu hpe mung prat tup shagrau hkungga nga ma ai.