LUKA 1:13 - Jinghpaw Common Language Bible 2009

¹³ Rai ti mung, dai lamu kasa tsun ai gaw, “Zahkaria e, hkum hkrit et; Karai Kasang gaw na a akyu hpyi ai ga hpe madat ya nit dai rai nna, na madu jan Elisabet gaw shadang sha langai mi shangai na ra ai, nang shi hpe Yawhan ngu nna shamying ya na rai ndai.

Jinghpaw Hanson Version Bible

¹³ Dai lamu kasa chyawm gaw, “Zakari e, hkum hkrit et; nang hpyi ai ga madat ya nit dai rai nna, na madu jan Elisabet gaw na a matu shadang sha shangai na ra ai; shi a amying Yawhan ngu nna, nang shamying ya na ru ai;

LUKA 1:13 ပူးပေါင်းရင်းမြစ်များ

NINGPAWT NINGHPANG 17:10

Nanhte hta na lasha shagu hpe matu gadoi ya na matu, nang hte na a amyu matu ni yawng myit hkrum lu na rai myit dai.

NINGPAWT NINGHPANG 17:19

Rai ti mung, Karai Kasang chyawm gaw, “N rai law, na a madu jan Sara nan na a matu shadang sha shangai ya na ra ai; shi hpe Isak ngu nna shamying na rin dai. Shi hte mung, shi a amyu matu ni hte mung shaka da ai nye a ga shaka hpe htani htana ngai shadik nga na nngai. Dai gaw htani htana hte seng ai ga shaka rai nga ai.

NINGPAWT NINGHPANG 18:14

Dai Madu n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

NINGPAWT NINGHPANG 25:21

Rebeka maudung dung ai a majaw Isak gaw shi a matu dai Madu kaw akyu hpyi ya wu ai. Dai Madu mung shi a akyu hpyi ga hpe htan ya wu ai rai nna Rebeka hta na-um nasin rai wa lu ai.

SHAKAWN KUNGDAWN 113:9

Shi gaw maudung num dum nta hta dai jan hpe shagrau sha-a nna; kashu kasha shaprat shangun ai hte kabu gara shangun nga ai. Dai Madu hpe shakawn mu!

SHAKAWN KUNGDAWN 118:21

Madu e, nang ngai hpe htan ya nna, ngai hpe awng padang jaw ya nit dai majaw, ngai nang hpe shakawn na nngai.

ESAIA 8:3

Tawng marang mi na mat ai hpang, nye a madu jan gaw na-um nasin hkum tai wa sai. An a kasha shangai wa ai shaloi, dai Madu gaw ngai hpe, “Shi hpe ‘Akajawng gasat, Tin tin hpya,’ ngu nna shamying u.

Daniela 10:12

Dai hpang shi gaw, “Daniela e, hkum hkrit et. Karai Kasang gaw chye na hkawn hkrang ai lam hkam la na hte nang hkum nan shagrit shanem na matu nang daw dan ai shawng shani kaw nna pyi na a akyu hpyi ga hpe na ya nit dai; Na a akyu hpyi ga hpe htan ya na, ngai du sa nngai.

HOSEA 1:4

dai Madu gaw Hosea hpe, “Shi hpe ‘Yezrela’ ngu nna shamying u, hpa majaw nga yang, kade n na yang, shi a kaji kawa Yehu Yezrela e shut kau ai masha sai jahkaw ai ru hka amu ni a matu Israela hkawhkam hpe ngai ari jaw na nngai. Ngai gaw Yehu wa a hkawhkam magam matu ni hpe jahtum kau na we ai.

HOSEA 1:6

Gome gaw lahkawng ngu na ma lu nga ai. Ndai lang na ma gaw shayi sha langai rai nga ai. Dai Madu gaw Hosea hpe, “Dai numsha hpe, ‘N tsaw ra nu ai’ ngu nna shamying u; hpa majaw nga yang, ngai gaw Israela amyu masha ni hpe galoi mung tsaw ra myit madun na nngai n rai; shanhte hpe mara raw dat ya na nngai n rai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 14:27

Shaloi jang Yesu gaw, “Myit n kaji ai sha apyaw sha nga mu; ngai she rai nngai; hkum hkrit nga myit,” ngu nna shanhte hpe tsun mu ai.

MAHTE 28:5

Dai lamu kasa mahtang numsha yan hpe tsun mu ai gaw, “Nan hkum hkrit myit, wudang hta jen da sai Yesu hpe, nan tam nga myit dai hpe ngai chye nga nngai.

MARKU 16:6

Shi gaw, “Hkum hkrit kajawng myit, wudang hta jen da sai Nazaret wa Yesu hpe nanhte tam nga myit dai hpe ngai chye nga nngai. Shi nang e n nga sai, shi gaw si ai kaw na hkrung rawt wa sai! Yu mu, ndai kaw shanhte shi hpe bang da ma ai.

LUKA 1:14

Na a matu kabu gara ai hte ngwi pyaw ai lam tai na ra ai; shi shangai wa ai majaw masha lan lak mung kabu gara na mara ai.

LUKA 1:30

Shaloi dai lamu kasa gaw, “Mari e, hkum hkrit et, nang Karai Kasang a man e myi man pa nit dai.

LUKA 2:21

Bat mi a hpang, matsat ya ngu na shani, ma hpe matu gadoi lam jaw na aten du jang, hkritung hkriwang e shi garai n rawng yang lamu kasa shamying da ai amying hte maren, shi hpe Yesu ngu nna shamying mu ai.

KASA 10:31

‘Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai Kasang matsing da nu ai.

TARA AGYI 6:23

Rai ti mung dai Madu gaw shi hpe, “Ngwi pyaw sim sa nga lit ga, hkum hkrit et; nang si na ndai n rai,” ngu nna tsun wu ai.

1 SAMUELA 2:21

Dai Madu gaw Hana hpe shaman ya nu ai rai nna, shadang sha masum hte shayi sha lahkawng hte hpe bai shaprat wu ai. Dai ma Samuela mung dai Madu hpe daw jau ai amu galaw let kaba wa nga ai.