LUKA 1:10 - Jinghpaw Common Language Bible 2009

¹⁰ Dai manam pyaw ai baw nat nawng nga ai ahkying hta, nawku ai shawa masha ni nlang hte gaw, shinggan e akyu hpyi let nga nga ma ai.

Jinghpaw Hanson Version Bible

¹⁰ Dai manam pyaw nat ai ahkying hta shawa masha ni nlang hte gaw, shinggan e akyu hpyi let nga nga ma ai.

LUKA 1:10 ပူးပေါင်းရင်းမြစ်များ

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

EZEKELA 46:3

Amyu masha ni yawng mung Bansa Nhtoi hte Shata Praw shani na ndat da ai Poi shagu hta chyinghka man e, dai Madu hpe gum dagup ai hte nawku na mara ai.

JAW JAU 16:17

Dai Chyoi Pra Htum ai Shara de jasan jaseng ai amu galaw na matu Arun shang wa nna bai pru wa ai aten du hkra, langai mi mung Sum hta nga nga lu na n rai. Shi hte shi a dinghku masha ni a matu mung, shawa hpung ting a matu mung jasan jaseng ai amu galaw ngut jang,

HEBRE 4:14

Dai rai nna anhte yin la kam sham nga ai nawku htung makam masham hta maju jung nga ga, hpa majaw nga yang, Karai Kasang a man de hkrang shang wa sai Karai Kasang a Kasha Yesu ngu ai Hkinjawng Agyi Kaba langai mi hpe anhte lu nga ga ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.

SHINGRAN 8:3

Bai manam pyaw ai baw nat ai ja n-gawt lang ai lamu kasa kaga gaw, tawn hkungri makau e sa tsap nga ai. Dai tingnyang man e nga ai aja hkungri ntsa e, Karai Kasang a masha ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.