KOLOSE 4:8 - Jinghpaw Common Language Bible 2009

⁸ Anhte yawng kaning rai nga ga ai mabyin masa lam nanhte hpe tsun dan ai hte nanhte a myit masin shangwi shapyaw ai hkrum lu malit ga, ngai shi hpe nanhte hpang de shangun dat se ai.

Jinghpaw Hanson Version Bible

⁸ nanhte gaw anhte a lam chye lu nna, nanhte a myit masin hpe shangwi shapyaw ai hkrum lu malit ga, ndai lam a majaw nan, ngai shi hpe nanhte hpang de shangun dat se ai.

KOLOSE 4:8 ပူးပေါင်းရင်းမြစ်များ

ESAIA 40:1

Anhte a Karai Kasang gaw, “Nye a amyu masha ni hpe shalan shabran mu, shanhte hpe shalan shabran mu!

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

2 KORINHTU 1:4

Anhte ru yak jam jau amyu myu hkrum ai shaloi Karai Kasang anhte hpe karum la mani ai. Dai rai nna, anhte gaw Karai Kasang kaw na anhte hkam la lu sai shalan shabran ai chyeju hte nan ru yak jam jau amyu myu hkrum nga ai kaga masha ni hpe bai karum la lu ga ai.

2 KORINHTU 12:18

Ngai gaw Titu hpe nanhte hpang de sa na matu hpyi lajin nna shangun dat nngai. Kaga Hkristan hpu nau langai mi mung shi hte rau hkan nang sa ai. Titu gaw nanhte a ntsa e ahkaw ahkang la nna sen di sha ai ngu na kun? Shi hte ngai gaw maw mawn ai myit mang lam langai sha hta hpawm hkrum nna lam masa langai hta sha hkan sa galaw ai ni n rai ga ni?

2 KORINHTU 2:7

Dai wa gaw nachying n hkam sharang lu na daram re ai yawn hkyen ai hta n lup mat u ga, shi hpe mara dat ya nna shalan shabran ya mu.

EHPESU 6:22

Dai re ai majaw, anhte yawng kaning rai nga ga ai lam shiga yawng nanhte hpe tsun dan u ga hte, nanhte hpe karum n-gun jaw ya na matu shi hpe nanhte hpang de shangun dat se ai.

HPILIPI 2:28

Dai re ai majaw, nanhte shi hpe bai mu hkrum lu nna kabu lu myit ga hte nye a yawn hkyen ai mung mat mat wa u ga, shi hpe nanhte hpang de dat dat na ngai grau nna myit katu bu nga nngai.

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

1 HTESALONI 2:11

Kawa gaw tinang a kasha ni hpe yu gawn lajang ai zawn, nanhte langai hte langai hpe anhte yu gawn lajang lai wa saga ai lam nanhte chye nga myit dai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 HTESALONI 3:5

Ngai matut nna n dang la ni ai majaw, nanhte a makam masham gara hku rai nga ai lam mu chye lu na matu Timohti hpe ngai shangun dat we ai. Kaja wa nanhte gaw Nat e gunglau ai de hkan mat wa nna, anhte a shakut shaja ai hte galaw da ai amu ni kaman lila n tai shangun mayu ga ai!

1 HTESALONI 4:18

Dai re ai majaw, ndai ga ni hte shada da shangwi shapyaw n-gun jaw hkat nga mu.

1 HTESALONI 5:11

Ndai lam a majaw, nanhte ya e galaw nga ai hte maren, langai hte langai shada da n-gun jaw hkat ai lam, karum shingtau hkat ai lam agalaw nga mu.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

2 HTESALONI 2:17

nanhte hpe galoi mung mai kaja ai lam tsun shaga galaw gunhpai nga lu myit ga n-gun jaw shangang shakang ya u ga law.