KOLOSE 4:4 - Jinghpaw Common Language Bible 2009

⁴ Dai sung htum ai mungga hpe ngai hkaw tsun dan na lit lu nga nngai hte maren asan sha hkaw tsun lu n ga, akyu hpyi ya mi.

Jinghpaw Hanson Version Bible

⁴ dai sung htum ai ga shadan dan na ngai mai tsun ai hte maren, ngai tsun dan lu hkra, anhte a matu mara mung akyu hpyi ya mi.

KOLOSE 4:4 ပူးပေါင်းရင်းမြစ်များ

KASA 4:29

Madu e ya yang shanhte a jahkrit shama ahkrim ai lam ni hpe mu mada ya mi, Madu a shangun ma ni hpe nden ja ai myit hte tsun dan lu hkra karum ya mi law.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

EHPESU 6:20

Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

KOLOSE 4:5

Nanhte lu ai ahkaw ahkang shagu hpe ga n hkrat hkra atsawm sha jai lang let garai n kam n sham ai ni a man e hpaji byeng-ya hte hkawm nga mu.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.