KOLOSE 4:3 - Jinghpaw Common Language Bible 2009

³ Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

Jinghpaw Hanson Version Bible

³ Hkristu a sung htum ai ga a majaw ngai gyit hkang da ai hkrum rai timung, dai sung htum ai ga tsun dan lu u ga, Karai Kasang gaw mungga a lam anhte a matu mara chyinghka hpaw malang nga na hte,

KOLOSE 4:3 ပူးပေါင်းရင်းမြစ်များ

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

1 KORINHTU 16:9

Hpa majaw nga yang, dai mare hta ngai hpe ninghkap ai hpyen ni law law nga nga ma ai; rai ti mung, akyu rawng nna kaba la ai magam bungli gun hpai na ahkaw ahkang kaja mung nga nga ai.

1 KORINHTU 4:1

Anhte gaw Karai Kasang a sung htum nna makoi magap da ai teng man ai lam ni hpe lit la nna kunhting tai nga ai Hkristu a shangun ma ni re ai ngu nna nanhte myit la ang myit dai.

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

EHPESU 3:3

Karai Kasang gaw shi a sung htum ai yaw shada ai lam ngai hpe shadan dan ai. (Ndai lam hte seng nna kadun ai hku ka dat yu ni ai.)

EHPESU 3:4

Nanhte gaw dai ngai ka dat ai hpe hti yu ai rai yang Hkristu hte seng nna ngai chye na ai sung htum ai lam hpe nanhte sharin la lu na rai myit dai.

EHPESU 3:9

Karai Kasang a makoi magap da ai yaw shada ai lam gara hku byin tai wa na ra ai lam masha yawng hpe mu chye shangun na matu mung Karai Kasang gaw dai ahkaw ahkang ngai hpe jaw ni ai, nga yawng nga pra hpe hpan da ai Karai Kasang gaw shi a sung htum ai lam hpe prat mi hte prat mi kaw nna makoi magap da wu ai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

HPILIPI 1:19

Hpa majaw nga yang, nanhte a akyu hpyi ai ga ni a majaw mung, Yesu Hkristu kaw na Wenyi a karum madi shadaw ai lam a majaw mung, ngai ndai bawng dung ai kaw nna shalawt dat hkrum na nngai,

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

KOLOSE 1:26

Shi gaw dai sung htum nna makoi magap da ai mungga hpe mungkan hta nga ai shinggyim masha ni n chye hkra chyaloi nhkoi prat mi hte prat mi du hkra makoi magap da wu ti mung, ya gaw shi a amyu masha ni hpe shadan dan nu ai.

KOLOSE 4:18

Ngai Pawlu nan nye a lata hte ndai shakram ai ga ni hpe ka dat nngai. Ngai htawng e bawng dung nga ai hpe nanhte hkum malap kau nga myit! Karai Kasang a chyeju gaw nanhte hte rau anga nga u ga law.

1 HTESALONI 5:25

Hpu nau ni e, anhte a matu mara mung akyu hpyi ya mi.

2 TIMOHTI 1:16

Dai Madu gaw Onesihpuru a nta masha ni hpe chyeju jaw ya u ga, hpa majaw nga yang shi gaw law law lang ngai hpe myit n gun lu la shangun ni ai hta n ga, shi gaw ngai bawng dung hkrum nga ai hpe n kaya ai wa rai nga ai.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

HPILEMON 1:22

Dai hta n ga nye a matu nga shara lajang tawn u; hpa majaw nga yang, Karai Kasang gaw nanhte yawng hte a akyu hpyi ai ga hpe madat ya na ra ai rai nna, nanhte hpang de bai du sa shangun na ra ai hpang jahtum shakram dat ai ga ni ngu nna ngai myit mada nga nngai.