KOLOSE 4:18 - Jinghpaw Common Language Bible 2009

¹⁸ Ngai Pawlu nan nye a lata hte ndai shakram ai ga ni hpe ka dat nngai. Ngai htawng e bawng dung nga ai hpe nanhte hkum malap kau nga myit! Karai Kasang a chyeju gaw nanhte hte rau anga nga u ga law.

Jinghpaw Hanson Version Bible

¹⁸ Ngai Pawlu nan nye a lata hte ndai shakram ai ga ka dat nngai. Nye a hkang hkyihkyang hpe dum nga mu. Chyeju gaw nanhte hte rau anga nga u ga law.

KOLOSE 4:18 ပူးပေါင်းရင်းမြစ်များ

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

ROMA 16:22

Ndai laika ka ya ai wa, ngai Tertiu mung, dai Madu hta e nanhte hpe shakram dat nngai.

ROMA 16:23

Ngai hpe galaw daw ai hta n ga, shi nta hta Hkristan hpung masha yawng nawku zuphpawng galaw ai nta madu wa Geu mung nanhte hpe shakram dat ai. Mare na gumhpraw dum up ai sutsin wa Erastu hte Hpu nau Kuarta yan mung nanhte hpe shakram dat ma ai.

1 KORINHTU 16:21

Pawlu kaw na shakram dat ai ga, ngu nna nye a lata hte nan ndai hpe ka dat nngai.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

KOLOSE 4:3

Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

2 HTESALONI 3:17

Nye a lata hte nan lawu na hte maren ngai ka nngai, Shakram dat ai wa ngai Pawlu. Laika shagu hta nye a ta masat gaw ndai rai li ai. Ndai gaw nye a laika ka ai lai rai sai.

1 TIMOHTI 6:21

Hpa majaw nga yang, masha nkau mi gaw dai machye machyang lu ai ni rai ga ai nga ninglen dai makam masham kaw na yit mat wa ma ai. Karai Kasang a chyeju gaw nanhte yawng hte rau anga nga u ga law.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

2 TIMOHTI 4:22

Dai Madu gaw na a wenyi hte rau anga nga u ga. Karai Kasang a chyeju gaw nanhte hte rau anga nga u ga law.

TITU 3:15

Ngai hte rau nga ai ni nlang hte gaw, nang hpe shakram dat ma ai. Kam sham ai hta tsaw ra ai jinghku rai nga ai ni hpe shakram ya mi. Karai Kasang a chyeju gaw nanhte mahkra hte rau anga nga u ga law.

HEBRE 13:25

Karai Kasang a chyeju gaw nanhte yawng hte rau anga nga u ga law.

HEBRE 13:3

Nanhte gaw htawng rawng hkrum nga ai ni hte rau htawng rawng nga ai ni zawn shanhte hpe adum nga mu. Tinang ni nan nni nkri hkrum sha nga ai ni zawn, nni nkri hkrum sha nga ai ni hpe adum nga mu.