KOLOSE 4:11 - Jinghpaw Common Language Bible 2009

¹¹ Yustu ngu nna mung shamying ai Yesu mung, nanhte hpe shakram dat ai. Ndai marai masum chyu sha kam sham ai Yuda masha ni rai nna, Karai Kasang a mungdan a matu ngai hte rau amu galaw ai nye a shingdep shingtau ni rai nga ma ai hte ngai hpe karum dik ai ni rai ma ai.

Jinghpaw Hanson Version Bible

¹¹ Yustu mying ai Yesu mung nanhte hpe shakram dat myit dai: shanhte gaw matu gadoi hkam ai ni hte seng ma ai rai nna, Karai Kasang a mungdan hta shanhte hkrai sha nye a shingdep shingtau ni rai ma ai hte, nye a matu mara ngwipyaw ai lam tai wa ma ai.

KOLOSE 4:11 ပူးပေါင်းရင်းမြစ်များ

KASA 10:45

Maigan masha ni mung Chyoi Pra ai Wenyi chyeju kumhpaw kumhpa hpe hkam la ma ai majaw Yopa mare de na Petru hte rau sa du ai matu gadoi hkam la sai Yuda masha ni gaw mau mahka nga ma ai.

KASA 11:2

Yerusalem mare de Petru du sa wa ai shaloi maigan masha ni hpe matu gadoi ai lam hpe ra sharawng ai ni gaw Petru hte tsun bawng dangrang hkat ma ai.

ROMA 16:3

Hkristu Yesu a magam bungli gunhpai ai hta nye a shingdep shingtau rai nga ai Priska yan Akula hpe shakram ya mi;

ROMA 4:12

Abraham gaw matu gadoi ai hking hkam la ai ni a kawa mung rai nga ai. Lam mi hku tsun ga nga yang, shi gaw matu gadoi ai hking hkam la ai hta n-ga, anhte a kaji kawa Abraham matu gadoi hking garai n hkam la ai ten hta Karai Kasang hpe kam sham asak hkrung shamu shamawt lai wa sai kasi ningli hpe hkan dagraw ai ni a kawa mung rai nga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

EHPESU 2:11

Shawng e hkum shan lam hku nna maigan masha ni rai nga myit dai. Nanhte hpe matu n gadoi ai ni ngu nna (masha a lata hte sha galaw ai) matu gadoi hkam ai Yuda masha ni e shamying da myit dai hpe myit dum mu.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

KOLOSE 4:7

Anhte a tsaw ra ai hpu nau wa, kangka re ai magam gun wa, Madu a magam amu hta shingdep shingtau shangun ma rai nga ai Tuhkiku gaw, ngai hte seng ai lam shiga yawng mayawng nanhte hpe shana ya na marin dai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 HTESALONI 3:7

Dai rai nna hpu nau ni e, anhte ru yak jam jau hte nni nkri hkrum hkra nga ai ten hta nanhte a lam na lu ai majaw n-gun lu la ga ai. Dai gaw nanhte a makam masham a majaw n-gun lu la ai lam rai nga ai.

TITU 1:10

Hpa majaw nga yang, shanhte a lachyum n pru ai ga hte gumlau gumle re ai hte, masha kaga ni hpe hkalem hkalau re ai masha ni law law wa grau nna Yuda nawku htung kaw na Hkristan Hpung de gale shang wa ai ni hta nga nga ma ai.

HPILEMON 1:1

Hkristu Yesu a magam gun hpai ai majaw bawng dung hkrum nga ai ngai Pawlu hte anhte a hpu nau wa Timohti gaw, an a tsaw ra ai jinghku hte amu rau jawm shingtau gun hpai nga ai Philemon hpang de mung,

HPILEMON 1:24

Dai hte maren nye a shingdep shingtau ni rai nga ai Marku, Aristarku, Dema hte Luka mung, nang hpe shakram dat ma ai.