KOLOSE 3:23 - Jinghpaw Common Language Bible 2009

²³ Nanhte hpa galaw ti mung, masha a matu galaw ai zawn n rai, Karai Kasang a matu galaw ai zawn, nanhte a myit masin yawng hte ashaja nga mu.

Jinghpaw Hanson Version Bible

²³ Dai madu a lata na, sali wunli ngu ai shabrai hpe nanhte nhtang hkam la na chye nga myit dai majaw, hpa galaw yang mung, masha a matu galaw ai zawn n rai,

KOLOSE 3:23 ပူးပေါင်းရင်းမြစ်များ

2 HKAWHKAM LABAU 31:21

Shi gaw Nawku Htingnu a matu shi galaw ai amu magup hta mung, Tara hkan ai htung hta mung, tsep kawp sadi dung ai hte shi a Karai Kasang hpe nawku akyu hpyi ai myit masin rawng nga ai majaw awng dang nga wu ai.

SHAKAWN KUNGDAWN 103:1

Nye a wenyi e, dai Madu hpe shakawn u! Nye a hkum hkrang, myit masin mahkra hte e, shi a chyoi pra ai mying nsang hpe shakawn nga u!

SHAKAWN KUNGDAWN 119:10

Nye a myit masin mahkra hte, ngai nang hpe daw jau na matu shakut na nngai; na a hkang da ai tara ni hpe lale kau ai kaw nna ngai hpe makawp da e.

SHAKAWN KUNGDAWN 119:145

Nye a myit masin mahkra hte, ngai nang hpe shaga nga nngai; Madu e, ngai hpe htan ya e, na a hkang da ai ga ni hpe ngai madat mara hkan nang nga na nngai!

SHAKAWN KUNGDAWN 119:34

Na a tara, ngai hpe shaleng dan et, shing rai, dai hpe ngai madat mara nga na nngai; nye a myit masin mahkra hte, dai hpe ngai mazing bang da na nngai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

YEREMIA 3:10

Ndai amu ni yawng ngut boi ai hpang, Israela a sadi n dung ai kana, Yuda chyu sha ngai hpang de nhtang wa na matu jahpai chyai nga ai; shi gaw myit matu n ding nga ai. Dai Madu ngai nan tsun ni ai.”

MAHTE 6:16

“Nanhte lusha gam myit yang, sawt ai masha ni zawn yawn kanyung ai myi man nsam hkum shapraw myit. Shanhte gaw tinang lusha gam nga ai lam shadan dan mayu nna, shanhte a myi man hpe jasum ma ai. Nanhte hpe ngai teng teng tsun made ga, shanhte tinang a shabrai yawng lu la manu ai.

ROMA 14:6

Nhtoi langai hpe shareng ai wa kadai mung dai Madu a hpung shingkang hpe shakawn shagrau na matu galaw nga ai. Hpa baw sha hpa hpe rai tim sha ai wa mung dai Karai Kasang a hpung shingkang hpe shagrau sha-a na matu sha ai rai nga ai, hpa majaw nga yang shi gaw dai Karai Kasang a chyeju hpe shakawn kungdawn let sha nga ai. Lusha nkau mi hpe koi gam ai wa mung, Madu a hpung shingkang hpe shakawn shagrau na matu koi gam ai rai nga ai. Shi mung shing rai koi gam ai majaw Karai Kasang a chyeju hpe shakawn kungdawn nga ai.

ROMA 14:8

Anhte hkrung nga yang mung dai Madu a hpung shingkang dan hkung na matu hkrung nga ga ai; anhte si wa yang mung dai Madu a hpung shingkang dan hkung na matu si wa ga ai re ai. Dai majaw anhte hkrung timung, si timung dai Madu hte anhte seng nga ga ai.

EHPESU 5:22

Madu jan ni e, nanhte gaw Madu a up hkang ai hpe hkam la nga myit dai hte maren, madu wa a up hkang ai hpe hkam la mu.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 2:13

Dai Madu a myi man hpe tau nna shinggyim masha hta na ahkang aya lu ai ni a npu e taw nga mu; tsaw dik ai ahkang aya lu ai hkawseng wa a npu e rai ti mung;

1 PETRU 2:15

Hpa majaw nga yang, nanhte galaw ai mai kaja ai amu ni a marang e machye machyang n rawng ai angawk angak nga nna shaga ai masha ni a ga hpe nanhte shazim kau mu ga, Karai Kasang ra sharawng nga ai.