KOLOSE 3:17 - Jinghpaw Common Language Bible 2009

¹⁷ Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

Jinghpaw Hanson Version Bible

¹⁷ Nanhte hpa lam galaw myit yang, mung sumtu hta rai timung, magan bungli hta rai timung, Madu Yesu a amying nsang hpe gang let, yawng mayawng hte hpe a galaw nga nna, shi a marang e Kawa Karai Kasang hpe shakawn kungdawn nga mu.

KOLOSE 3:17 ပူးပေါင်းရင်းမြစ်များ

1 HKAWHKAM 18:32

Dai nlung ni hte dai Madu hpe nawku na matu tawn hkungri bai galaw wu ai; de a grup grup hta hka galan mali daram hpe sha-ing da lu ai hka hkawng langai mi hpe htu wu ai.

GA SHAGAWP 3:6

Nang galaw ai lam shagu hte hta, dai Madu hpe dum nga u; shing rai yang, shi gaw ding man ai lam, nang hpe madun dan na ra ai.

MIHKA 4:5

Masha amyu baw shagu gaw tinang a karai hpe nawku ai hte madat mara ma ai, rai ti mung anhte chyawm gaw dai Madu anhte a Karai Kasang hpe htani htana nawku ai hte shi a ga madat mara na ga ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

KASA 19:17

Dai lam hpe Ehpesu mare na Yuda masha ni hte tara maigan masha ni nlang chye ma yang, shanhte yawng hkrit mat shajang nna, Madu Yesu a mying nsang hpe shagrau sha-a shajang ma ai.

KASA 4:30

Machyi makaw mai tsi hkra na a lata ladawn nna, na a chyoi pra ai Shangun Ma Yesu a mying hte lamik kum la hte mau hpa amu ni hpe byin shangun u law,” nga nna akyu hpyi ma ai.

ROMA 1:8

Nanhte a kam sham ai gaw mungkan ting chyam hkra kajai gumhkawng wa sai majaw Yesu Hkristu a jaw e nanhte mahkra a matu mara, nye a Karai Kasang hpe ngai shawng chyeju dum shakawn kungdawn nngai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

EHPESU 5:20

Anhte a Madu Yesu Hkristu a mying ningsang gang nna lam shagu a matu Kawa Karai Kasang a chyeju hpe tut nawng e shakawn kungdawn nga mu.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

HPILIPI 2:11

Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

KOLOSE 1:12

Dai hta kaga, nhtoi a mungdan hta rawng nga ai shi a chyoi pra ai ni a matu mara Karai Kasang san tawn da ai sali wunli ni hpe nanhte hkan dagraw la ging ai ni tai wa shangun ai Karai Kasang a chyeju hpe kabu gara shakawn kungdawn nga mu ga law.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

KOLOSE 3:15

Hkristu jaw ya ai ngwi pyaw ai gaw nanhte a myit masin hta e a-up nga nna, dai gaw nanhte a daw dan hparan ai lam ni hta lam matsun madun nga u ga, hpa majaw nga yang, dai ngwi pyaw ai lam hpe hkam sha lu na matu Karai Kasang gaw nanhte hpe hkum hkrang langai sha hku shaga la manit dai; dai re ai majaw chyeju adum nga mu.

KOLOSE 3:23

Nanhte hpa galaw ti mung, masha a matu galaw ai zawn n rai, Karai Kasang a matu galaw ai zawn, nanhte a myit masin yawng hte ashaja nga mu.

1 HTESALONI 1:1

Pawlu, Sila hte Timohti kaw nna Kawa Karai Kasang hte Madu Yesu Hkristu a masha ni rai nga ai, Htesaloni mare na hpung masha ni hpang de laika ka dat ga ai. Chyeju hte ngwi pyaw ai gaw nanhte hta anga nga malit ga law.

1 HTESALONI 5:18

Lam shagu hta chyeju dum shakawn kungdawn nga mu. Dai gaw Hkristu hta e nanhte a asak hkrung lam hte seng nna Karai Kasang a myit ra ai lam rai nga ai.

2 HTESALONI 2:17

nanhte hpe galoi mung mai kaja ai lam tsun shaga galaw gunhpai nga lu myit ga n-gun jaw shangang shakang ya u ga law.

HEBRE 1:5

Hpa majaw nga yang, Karai Kasang gaw, “Nang gaw nye a Kasha rai nga ndai, dai ni ngai gaw na a Kawa tai wa ni ai,” nga nna mung, “Ngai gaw shi a Kawa tai nna, shi gaw Ngai Sha rai nga na ra ai,” nga nna mung, gara lamu kasa hpe mung Karai Kasang galoi n tsun yu ga ai.

HEBRE 13:15

Dai rai nna anhte gaw shi hpe anhte a Madu re ai ngu nna yin la ai n-gup ni hte chyeju shakawn ai anhte a hkungga hpe Yesu a gawp e Karai Kasang kaw tut nawng e nawng ya nga ga.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

1 YAWHAN 2:23

Dai Kasha hpe ndang kau ai wa kadai rai t mung, dai Kawa hpe mung ndang kau ai wa rai nga ai. Dai Kasha hpe hkap la ai wa dai Kawa hpe mung hkap la ai wa rai nga ai.

1 YAWHAN 3:18

Nye a shu sha ni e, anhte hpe tsaw ra ai lam gaw ga hte, n-gup shinglet hte sha n rai, amu bungli hta madun dan ai teng man tsaw ra myit rai ra nga ai.