KOLOSE 3:14 - Jinghpaw Common Language Bible 2009

¹⁴ Dai atsam marai ni yawng a ntsa e hkum tsup re ai myit hkrum kahkyin gumdin lam byin hkra arai yawng mayawng hpe gyit hkang ya ai tsaw ra myit hpe kahtap hpun nga mu.

Jinghpaw Hanson Version Bible

¹⁴ Dai nlang hte a ntsa e hkum tsup re ai makyit sumri ngu ai tsawra ai myit hpe kahtap hpun nga mu.

KOLOSE 3:14 ပူးပေါင်းရင်းမြစ်များ

YAWHAN 13:34

‘Shada da tsaw ra nga mu,’ ngu nna Tara Ningnan ngai nanhte hpe jaw made ai. Ngai nanhte hpe tsaw ra made ai zawn, nanhte mung shada da tsaw ra nga lu na rai myit dai.

YAWHAN 15:12

Ngai nanhte hpe tsaw ra made ai zawn, nanhte shada da tsaw ra nga mu, dai gaw nye a hkang da ai ga rai li ai.

YAWHAN 17:23

Nang ngai hpe shangun dat nna, nang ngai hpe tsaw ra nga ai zawn, shanhte hpe mung tsaw ra nga ai lam, mungkan masha ni chye lu na matu ngai gaw shanhte hta nga nga nna, nang mung ngai hta nga nga ai hte shanhte langai sha tai wa mu ga.

ROMA 13:8

Nanhte shada tsaw ra ai hta kaga, kadai hte mung hpa hka hkum shakap mu. Masha kaga hpe tsaw ra ai wa gaw jep ai Tara hpe madat mara shatup ngut nu ai.

EHPESU 1:4

Anhte gaw tsaw ra ai myit hte shi a man e chyoi pra nna mara n rawng ai ni tai wa u ga, anhte Hkristu hte langai sha tai ai a marang e mungkan ga garai n lat kaw nna pyi Karai Kasang gaw anhte hpe lata la mani ai.

EHPESU 4:3

Nanhte hpe shajup shangang da ai ngwi pyaw ai makyit sumri a marang e dai Wenyi e jaw ya ai myit hkrum kahkyin gumdin lam hpe atsam htum hkra kyem mazing da nga mu.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

1 HTESALONI 4:9

Nanhte a kam sham ai hpu nau ni hpe tsaw ra na lam hte seng nna ngai nanhte hpang de ka dat shara n nga sai. Shada da tsaw ra nga na lam Karai Kasang e sharin achyin ai hpe nanhte hkam la manit dai.

1 TIMOHTI 1:5

Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

HEBRE 6:1

Dai re ai majaw anhte gaw Hkristan makam masham a ga kanu ni hpe tawn kau da nhtawm, makam masham hta kunghpan kaba sai masha ni hte htap htuk ai hkum tsup kunghpan ai sharin shaga ai lam de lahkam sa wa ga. Anhte gaw akyu n rawng amu ni hpe tawn kau da nna Karai Kasang hpe kam sham let,

1 PETRU 4:8

Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.

2 PETRU 1:7

Tara hkungga ai lam hta hpu nau hpe n-gaw n wai ai, hpu nau hpe n-gaw n wai ai hta tsaw ra ai myit, a shajat nga mu.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.

1 YAWHAN 3:23

Shi anhte hpe hkang da ai lam gaw, anhte shi a kasha Yesu Hkristu hpe kam sham nna Hkristu anhte hpe hkang da mi ai hte maren shada da tsaw ra nga na lam rai nga ai.

1 YAWHAN 4:21

Anhte hpe Hkristu jaw ai hkang da ai ga gaw, “Karai Kasang hpe tsaw ra ai wa gaw, shi a kahpu kanau wa hpe mung tsaw ra lu na,” nga ai rai nga ai.