KOLOSE 3:1 - Jinghpaw Common Language Bible 2009

¹ Nanhte gaw Hkristu hte rau hkrung sharawt la ai hkrum manit dai rai nna, Karai Kasang a hkra maga e dung ningngai nga ai Hkristu nga ai sumsing lamu na arai ni hpe ra marit nga mu.

Jinghpaw Hanson Version Bible

¹ Dai rai nna, nanhte Hkristu hte rau bai rawt nga ai teng myit yang gaw, Hkristu gaw Karai Kasang a hkra maga e dung nga ai shara na ntsa arai ni hpe a tam nga mu.

KOLOSE 3:1 ပူးပေါင်းရင်းမြစ်များ

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 16:11

Nang gaw ngai hpe asak hkrung ai lam de woi sa ai lam madun dan na rai ndai; na hpung shingkang gaw ngai hpe kabu gara ai myit hte jahpring ya nna, sharawng awng ai lam htani htana jaw ya nga ai.

GA SHAGAWP 15:24

Hpaji rawng ai masha ni gaw katsan ga de hkrang ai lam de n yu wa ai sha, asak hkrung ai lam de hkawm lung wa nga ma ai.

HPAJI NINGLI 10:2

Hpaji rawng ai wa gaw jaw ai amu galaw nna angawk ai wa shut ai amu chye galaw ai gaw shingra htung tara langai rai nga ai.

MAHTE 22:44

‘Dai Madu Karai Kasang gaw nye a Madu hpe tsun wu ai gaw: Na a gumlau ni hpe, na a lagaw npu e ngai tawn da ai ten du hkra, nye a hkra maga de naw adung nga u,’ nga nna tsun nga ai.

MAHTE 26:64

Yesu gaw, “Nang tsun ai hte maren rai nga ai. Rai ti mung ngai nanhte yawng hpe tsun made ga, ya kaw nna dai Masha Kasha gaw daru magam ahkang aya lu ai wa a hkra maga e dung nga nna lamu na sumwi ni hte du sa ai hpe nanhte mu na marin dai!,” ngu nna shi hpe tsun wu ai.

MAHTE 6:20

Shing rai na malai, manut hte nhkan e n sha jahten lu nna, lagu lagut ni e mung n tawk htu lu ai hte n lagu la lu ai, sumsing lamu hta e nanhte a matu sutgan hpe mahkawng da mu.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

MARKU 12:36

Dawi gaw Chyoi Pra ai Wenyi e shadut ya ai hte, ‘Dai Madu nye a Madu hpe tsun wu ai gaw: Na a gumlau hpyen ni hpe, na a lagaw npu e ngai tawn da ai du hkra, nye a hkra maga de dung nga u,’ nga nna tsun ai.

MARKU 14:62

Yesu gaw, “Ngai rai nga nngai; dai hta kaga, Masha Kasha gaw, daru magam hpung shingkang rawng ai wa a hkra maga de dung nga nna, lamu na sumwi ni hte du sa ai hpe, nanhte mu na marin dai,” ngu wu ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

LUKA 12:33

Nanhte lu ai arai ni yawng dut kau nna lu ai gumhpraw, matsan mayan ni hpe karan jaw mu, tinang a matu dingsa n chye ai gumhpraw jan galaw nna, lagut n du, manut e mung n jahten kau lu ai, sumsing lamu e n htum n wai chye ai sutgan kyem da nga mu.

LUKA 20:42

Hpa majaw nga yang, Dawi shi nan, Shakawn Kungdawn laika hta, ‘Dai Madu nye a Madu hpe tsun wu ai gaw,

LUKA 22:69

Rai ti mung Masha Kasha gaw, ya kaw nna daru magam hpung shingkang rawng ai Karai Kasang a hkra maga de dung nga lu na ra ai,” ngu nna shanhte hpe tsun mu ai.

KASA 2:34

Hpa majaw nga yang, sumsing lamu de lung wa ai wa gaw Dawi n rai, rai ti mung shi nan she ning nga ai, ‘Madu Karai Kasang gaw nye a Madu hpe tsun wu ai gaw,

KASA 7:55

Rai ti mung Stehpan chyawm gaw Chyoi Pra ai Wenyi hpring nna lamu de azi yu wu yang Karai Kasang a hpung shingkang hte Karai Kasang a hkra maga de tsap nga ai Yesu hpe mu wu ai.

ROMA 8:34

Daw dan lu ai wa gaw kadai wa mi rai nga a ta? Si hkam ai hta n ga, si mat ai ni hta na hkrung sharawt la hkrum nhtawm Karai Kasang kaw hpyi htinglu ya ai wa Hkristu Yesu shi nan rai nga ai.

ROMA 8:6

Hkum shan myit e up hkang kau ai gaw si mat ai hpe shabyin nga ai; Wenyi e up hkang kau ai gaw asak hkrung ai lam hte ngwi pyaw ai lam hpe shabyin nga ai.

2 KORINHTU 4:18

Anhte gaw myi hte mu lu ai arai ni hpe yu azi majen nga ga ai n re ai sha, myi hte n mu lu ai arai ni hpe she yu azi majen nga ga ai. Hpa majaw nga yang, myi hte mu lu ai arai gaw jahkring jahkra sha nga nna, myit hte n mu lu ai arai mahtang gaw htani htana agrin nga ai.

EHPESU 4:10

Shing rai yu hkrat wa ai wa gaw, sumsing lamu ni a ntsa hte shinggan jan shata shagan ting hta shi nga ai lam shingkang shingwang hte jahpring da na matu, bai lung wa ai wa nan rai nga ai.

EHPESU 5:22

Madu jan ni e, nanhte gaw Madu a up hkang ai hpe hkam la nga myit dai hte maren, madu wa a up hkang ai hpe hkam la mu.

KOLOSE 2:20

Nanhte gaw Hkristu hte rau si mat manit dai rai nna ndai mungkan n-gawn tawa hpe up madu ai n-gun atsam rawng ai wenyi ni a lata hta na shalawt dat ai hkrum manit dai. Dai rai yang hpa rai nna nanhte gaw ndai mungkan hte seng ai ni zawn hkawm sa nga myit ta?

KOLOSE 3:2

Ga ntsa e nga ai arai ni hpe n manoi nga ai sha ningtsa na arai ni hpe myit manoi nga mu.

HEBRE 1:13

Karai Kasang gaw, “Na a gumlau ni hpe, na a lagaw na kabye lahkum ngai shatai ai du hkra, nye a hkra maga de naw adung nga u,” nga nna gara lamu kasa hpe mung galoi n tsun yu ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 10:12

Hkristu chyawm gaw yubak mara raw dat na matu, prat dingsa na matu akyu nga ai hkungga langai sha hpe nawng ya ngut jang, Karai Kasang a hkra maga de wa dung nga sai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 8:1

Ya anhte tsun dan nga ai lam ni a ahkyak ai ga madung gaw: anhte gaw Sumsing Lamu na Daru Magam hte hpring ai tingnyang a hkra maga de dung nga ai Hkinjawng Agyi Kaba lu ga ai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.