KOLOSE 2:8 - Jinghpaw Common Language Bible 2009

⁸ Hkristu a hkang da ai kaw na n re ai sha, shinggyim masha ni a matsun maroi ga hkan nna akyu n rawng ai myit sawn hpaji hku nna hkalem hkalau ai lam hte mung, lamu ganghkau n-gawn tawa hta nga ai nat hpara ni kaw na pru ai sharin shaga ai lam ni hte mung, kadai mung nanhte hpe mayam n shatai myit ga, sadi nga mu.

Jinghpaw Hanson Version Bible

⁸ Hkristu a hkang ai tara hte n bung ai, mungkan ga a hkang ai tara hte masha a matsun maroi ga hkan ai zai byeng-ya hte lila rai nga ai hkalem hkalau ga hte, kadai mung nanhte hpe n hkalau lu u ga, sadi nga mu:

KOLOSE 2:8 ပူးပေါင်းရင်းမြစ်များ

Shawlumon A Mahkawn Ga 2:15

Chyahkyawn ni, chyahkyawn kasha ni, sabyi sun na pu pu nga ai sabyi ru ni hpe garai n jahten sharun kau lu yang, dai ni hpe rim kau u.

YEREMIA 29:8

Nanhte kaw hkan nga nang ai myihtoi ni hte shanhte chyu sha du na ra ai aten a lam hpe lu tsun dan ai nga nna tsun ai kaga masha ni hku nna mi rai tim, nanhte hkum nan masu hkalem ai n hkrum myit ga, dai Madu Israela a Karai Kasang ngai nan nanhte hpe shadum jahprang sadi jaw nga nngai. Shanhte a yup mang ni hpe hkum kam myit.

MAHTE 10:17

Masha ni hpe sadi nga mu, hpa majaw nga yang, shanhte gaw nanhte hpe rim la nna tara rung de ap kau na mara ai rai nna, tara jawng ni hta e nanhte hpe anu kayat na marin dai.

MAHTE 16:6

Shaloi Yesu gaw, “Hparishe ni hte Saduke ni a matsi hpe sadi maja let koi gam nga mu,” ngu nna tsun mu ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

KASA 17:18

Epikuri lam hte Sto-i lam hkan ai hpaji sara ni nkau mi shi hte dangrang hkat ma ai. Nkau mi gaw, “Ndai chye shakawng ai du ladi masha wa hpa tsun shakut nga ai kun?,” nga nna san ma ai. Nkau mi gaw, “Maigan masha ni a hpara ni a lam tsun dan ai wa rai sam ai,” nga nna mung htan shajang ma ai, shanhte shing nga tsun ai gaw, Kasa Pawlu gaw Yesu Hkristu hte si ai kaw na bai hkrung rawt wa ai lam hkaw tsun nga ai majaw rai nga ai.

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

ROMA 16:17

Bai hpu nau ni e, nanhte hkam la sai sharin shaga ai lam hpe nhtan shai je hpre let, shabra sharun ai hte masha ni a makam masham hpe myit kataw shara shabyin ai ni hpe joi yu nna shanhte hpe koi yen nga myit ga, ngai nanhte hpe shadum dat made ai.

1 KORINHTU 10:12

Dai rai nna marai langai ngai gaw, tinang a hkum hpe ding hpring kangka ai hta ngang ngang tsap nga ai wa rai nga nngai, nga nna myit yang gaw, shi n kadawng na matu sadi nga u ga.

1 KORINHTU 8:9

Rai ti mung, nanhte ndai zawn n dut n dang sha lu ai ahkaw ahkang gaw, Karai Kasang hpe kam sham ai lam hta n-gun kya nga ai ni hpe lam shadam, mara galaw shangun ai lam n byin u ga, sadi nga mu.

2 KORINHTU 10:5

Anhte gaw Karai Kasang hpe chye chyang ai hpaji hpe dingbai dingna jaw ai amu yawng hpe run hpya jahten kau ga ai. Anhte gaw masha myit mang ai lam nga manga hpe rim sharen da nhtawm Hkristu a ga madat mara shangun ga ai.

GALATI 1:14

Yuda nawku htung hpe ta tut hkan sa ai lam hta ngai gaw nye a amyu na rau ram manang ni law law hta jan nna myit lawm ai hte ji wa ni a matsun maroi ni hpe hkan sa shadik lai wa ni ai.

GALATI 4:3

Dai hte maren anhte mung Wenyi lam hta myit su kung hpan ai masha ni garai n tai ai laman e, mungkan danghta hpe up nga ai Nat minla ni a mayam tai nga ga ai.

GALATI 4:9

Ya chyawm gaw nanhte Karai Kasang hpe chye wa manit dai hta n-ga, Karai Kasang mung nanhte hpe chye nga sayang me, n-gun kya ai hte matsan mayan re ai nat minla ni a hpang de nanhte hpa rai nhtang mat wa mayu myit ta?

GALATI 5:15

Rai ti mung zai ai dusat matse ni zawn nanhte shada da kawa sha hkat nga myit yang gaw, nanhte shada da shamyit kau hkat ai lam tai na re ai majaw, sadi nga mu.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

EHPESU 4:20

Nanhte gaw Hkristu a lam hpe dai hku sharin la yu manit dai n rai.

EHPESU 5:6

Kadai mung kaman lila ga ni hte nanhte hpe hkum hkalem hkalau shangun nga myit; hpa majaw nga yang dai lam ni nan a majaw Karai Kasang a pawt sindawng ai gaw n madat n mara ai ni a ntsa e du na ra ai.

TARA JAHPRANG 6:12

mayam tai nga ai Egutu mung kaw na nang hpe hkrang shaw wa ai dai Madu hpe n malap kau myit ga, sadi nga mu.

HPILIPI 3:2

N hkru n shawp ai bungli galaw ai ni hpe sadi let makran nga mu; gwi ni hpe makran nga mu. Tinang a hkum hpe gadoi di ai masha ni hpe makran nga mu.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

KOLOSE 2:20

Nanhte gaw Hkristu hte rau si mat manit dai rai nna ndai mungkan n-gawn tawa hpe up madu ai n-gun atsam rawng ai wenyi ni a lata hta na shalawt dat ai hkrum manit dai. Dai rai yang hpa rai nna nanhte gaw ndai mungkan hte seng ai ni zawn hkawm sa nga myit ta?

KOLOSE 2:22

Dai tara ni yawng hte gaw kalang mi jai lang ngut ai hpang akyu n rawng mat ai rai ni hte seng nga ai. Dai lam yawng hte gaw, masha e galaw shapraw ai tara hte sharin shaga ai lam ni sha rai nga ma ai.

KOLOSE 2:23

Ndai zawn re ai tara ni gaw adip arip rai lamu kasa ni hpe naw shangun ai, n teng n man ai hku shagrit shanem shangun ai, hpaji amyu mi re ngu nawn da ai tinang a hkum hpe shagyeng shakyet ai lam ni hpe sharawt ai lam ni, rai nga ma ai. Rai ti mung dai tara ni gaw masha a hkum shan a ra gasit kayut ai myit hpe dip hkang ai lam hta akyu majing hpa mi n rawng nga ai.

1 TIMOHTI 6:20

Timohti e, nang hpe ap ya da ai aya hpe atsawm sha tek mahkyu nga u; n san n seng ai ga shaga ai lam hpe mung, chye chyang ai lam re ngu nna masha nkau mi shamying tsun shut ai angawk angak re ai ndang kalang ga ni hpe mung koi kau u.

2 TIMOHTI 3:13

N hkru n kaja ai masha ni hte masu hkalem sha ai ni chyawm gaw masha hpe hkalem sha nna tinang ni nan hkalem sha ai bai hkrum ai hte n hkru ai lam hta n kaja ai kaw nna n kaja dik ai de grau grau matut shanang sa wa na mara ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.

1 PETRU 1:18

Nanhte a kaji kawa ni kaw na hkan dagraw la ai manu n rawng ai asak hkrung lam a arawn asam hta na nanhte hpe hpa baw hte galai hkrang la sai lam nanhte chye nga myit dai. Dai gaw jahten sharun kau lu ai ja gumhpraw zawn re ai arai lama ma hte n rai,

2 PETRU 3:17

Rai ti mung manang ni e, nanhte gaw ndai lam ni hpe chye nga chyalu rai nga manit dai. Dai re ai majaw nanhte gaw tara kata ai masha ni a shut ai lam de woi mat wa ai hta n lawm na hte, shim ai asak hkrung lam kaw na n hkrat sum mat na matu a maja nga mu.

2 YAWHAN 1:8

Anhte galaw da ai amu hpe nanhte n shamat kau myit dai sha nanhte a shabrai hpe hpring tsup hkra hkam la lu myit ga, tinang dai sadi nga mu.