KOLOSE 2:6 - Jinghpaw Common Language Bible 2009

⁶ Nanhte gaw Hkristu Yesu hpe Madu ngu nna hkap la manit dai hte maren, shi hta e asak hkrung hkawm sa nga mu.

Jinghpaw Hanson Version Bible

⁶ Dai re ai majaw, nanhte gaw Madu Hkristu Yesu hpe hkap hkalum la ai hte maren, shi hta e a hkawm nga mu:

KOLOSE 2:6 ပူးပေါင်းရင်းမြစ်များ

ESAIA 2:5

Ya chyawm gaw, Yaku a matu mara ni e, dai Madu anhte hpe jaw ai nhtoi hta anhte hkawm nga saga!

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

MAHTE 10:40

Nanhte hpe hkap hkalum la ai wa kadai mung, ngai hpe shangun dat ai wa hpe hkap hkalum la ai wa rai nga ai.

YAWHAN 13:20

Ngai nanhte hpe kaja wa teng teng tsun made ga, ngai shangun dat ai wa kadai hpe rai ti mung, hkap la ai wa gaw, ngai hpe hkap la ai rai nga ai; ngai hpe hkap la ai wa kadai mung, ngai hpe shangun dat ai wa hpe hkap la ai rai nga ai,” ngu nna shanhte hpe tsun mu ai.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

2 KORINHTU 5:7

Hpa majaw nga yang, anhte a asak hkrung ai lam gaw myi hte mu lu ai hta n re ai sha makam masham hta she asak hkrung nga ga ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

1 YAWHAN 2:6

Hkristu hkan sa galaw ai zawn hkan sa asak hkrung ai wa chyu sha Karai Kasang hte langai sha tai nna asak hkrung ai wa re ngu nna tsun lu nga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.