KOLOSE 2:5 - Jinghpaw Common Language Bible 2009

⁵ Hpa majaw nga yang, ngai nanhte hte ngai hkum nan rau n nga lu ai rai ti mung, Wenyi hta nanhte hte rau nga nga nngai rai nna nanhte a dakring dalang re ai ngang kang ai myit marai hte, Hkristu hpe kam sham ai hta rau sha tsap nga myit dai hpe ngai mu nna kabu nga nngai.

Jinghpaw Hanson Version Bible

⁵ Kaning rai nme law, ngai hkum shing-yan hte tsan gang nga rai timung, nye a Wenyi e ngai nanhte hte rau nga nga nna, nanhte a arawn alai hte Hkristu hta nanhte a makam masham agrin nga ai hpe mu yu nna kabu nga nngai.

KOLOSE 2:5 ပူးပေါင်းရင်းမြစ်များ

2 HKAWHKAM LABAU 29:35

Hkinjawng ni gaw hkum ting nat ai shagu hkungga nawng ya ai amu hta sha n-ga, amyu masha ni sha ai shagu hkungga kaw na sau man nat ai amu hta mung, wan nat hkungga ni hte hpawn nawng ya ai sabyi ntsin ru hkaw ai amu ni hpe galaw na lit nga nga ma ai. Shing rai Nawku Htingnu kata e nawku daw jau ai amu bai galaw hpang wa nga masai.

SHAKAWN KUNGDAWN 78:37

Shanhte gaw shi hta sadi dung nga ai ni n rai nga ma ai; shi hte ga shaka tawn da ai lam hta mung kangka ai ni n rai ma ai.

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

BU HKAWM 7:11

Dai Madu gaw Mawshe hpe, “Ningbaw ni kaw na marai langai mi gaw nhtoi shi lahkawng ya laman shani shagu tawn hkungri hpe ap nawng na matu tinang a kumhpa ni sak jaw na shanhte hpe tsun u,” ngu nna tsun wu ai.

KASA 2:42

Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

1 KORINHTU 14:40

Lam shagu hpe htap htuk ai hte jaw hkrak ai hku galaw sa wa mu.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

KOLOSE 2:1

Ngai gaw nanhte a matu mung, Ladoki masha ni a matu mung, ngai hpe myi man chyaw n mu yu ai kaga masha ni yawng hte a matu mung, ngai gade wa galaw gun hpai shakut shaja sa wa ai lam nanhte hpe ngai tsun dan made ga.

1 HTESALONI 2:17

Anhte mung, hpu nau ni e, myit masin hte n rai, hkum hkrang hte tawng marang mi sha nanhte hte daw hka wa saga ai rai nna, nanhte hpe grai myit dum marit nga ga ai hte bai hkrum lu na matu grai shakut nga ga ai.

1 HTESALONI 3:8

Hpa majaw nga yang, nanhte Madu Yesu hta langai sha tai nna asak hkrung ai lam hta ngang ngang kang kang tsap nga ai majaw myit dik ai hku hkrung nga lu saga ai.

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

HEBRE 6:19

Anhte gaw dai myit mada shara hpe anhte a asak hkrung lam a matu hpri chyinghkyi langai mi zawn hkam la lu saga ai. Dai myit mada ai lam gaw shim ai hte grin ai lam rai nna sumsing lamu na htingnu kata a nba grang kata maga gawk de waw lai hkrang shang wa sai.

1 PETRU 5:9

Nanhte gaw nanhte hkam la sai makam masham hpe shangang shakang da nhtawm, dai hpyen wa hpe hkap shingdang gasat mu; hpa majaw nga yang, mungkan ting na nanhte a kam sham ai hpu nau ni mung dai hte bung ai nni nkri ni hpe hkam nga ai lam nanhte chye nga myit dai.

RUHTA 1:18

Ruhta mahtang shi hte rau hkan na matu myit daw dan ai hpe Naomi mu wu ai shaloi, shi hpa mung n tsun ai atsin sha nga kau wu ai.