KOLOSE 2:2 - Jinghpaw Common Language Bible 2009

² Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

Jinghpaw Hanson Version Bible

² shanhte a kraw lawang shangwi shapyaw ai hkrum lu mu ga, ngai nde wa shaja nga nngai, nanhte chye nga na, ngai ra nga nngai:

KOLOSE 2:2 ပူးပေါင်းရင်းမြစ်များ

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

SHAKAWN KUNGDAWN 133:1

Karai Kasang a amyu masha ni myit hkrum rap ra nna, rau hpawng nga lu ai gaw, kade wa mauhpa rai nga a hka, dai gaw kade wa ngwi pyaw nga a hka!

ESAIA 32:17

Masha hkum shagu gaw jaw ai amu galaw wa na mara ai majaw dai mung e ngwi pyaw sim sa lam hte shim lum lam htani htana nga nga na ra ai.

ESAIA 40:1

Anhte a Karai Kasang gaw, “Nye a amyu masha ni hpe shalan shabran mu, shanhte hpe shalan shabran mu!

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

YEREMIA 9:24

Marai langai ngai gumrawng mayu ai rai yang, shanhte ngai hpe chye nna, chye na hkawn hkrang ai ni chyu sha gumrawng na mai ang nga ai, hpa majaw nga yang, nye a tsaw ra myit gaw tut nawng agrin nga ai hte ngai galaw ai amu mung teng man ai hte ding man nga ai. Dai amu ni gaw ngai hpe awng sharawng shangun nga ai. Dai Madu ngai nan tsun ni ai,” ngu nna tsun ai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

LUKA 1:1

Tsaw ra ai Htawhpilu e: Anhte kam sham hkap la nga ai nawku htung a byin lai wa sai npawt nhpang lam ni hpe kaja dik ai hku ka lajang da ai masha law law wa nga masai.

YAWHAN 10:30

Ngai hte nye Wa gaw langai sha rai nga ai,” ngu tsun wu ai.

YAWHAN 10:38

Ngai galaw nngai rai yang gaw, nanhte ngai hpe n kam hkra rai ti mung, ngai hta nye Wa nga nga ai mung, nye Wa hta ngai nga nga ai mung, nanhte kalang ta mu nna chye lu myit ga, n law htum dai ngai galaw ai amu ni hpe nanhte kam sham ang myit dai,” ngu nna shanhte hpe htan mu ai.

YAWHAN 16:15

Nye Wa lu malu gaw ngai lu ai rai nga ai; dai majaw, dai Wenyi gaw ngai kaw na lu la nna nanhte hpe tsun shana ya na mara ai, ngu nna ngai tsun ni ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 5:17

Shaloi Yesu gaw, “Nye Wa gaw ya du hkra pyi amu galaw nga ai rai nna, ngai mung galaw lu na rai nga ai,” ngu nna shanhte hpe htan mu ai.

YAWHAN 5:23

Dai rai nna masha ni gaw Kawa hpe hkungga ai hte maren, Kasha wa hpe mung hkungga na mara ai. Kasha wa hpe n hkungga ai masha kadai mung, Kasha wa hpe shangun dat ai Kawa hpe n hkungga ai wa rai nga ai.

YAWHAN 6:69

Nang gaw Karai Kasang kaw na du sa ai chyoi pra ai Wa rai nga ndai hpe anhte kam sham ai hte chye lu saga ai,” ngu nna shi hpe htan wu ai.

KASA 4:32

Dai kam sham ai shawa hpawng ting gaw myit mang langai sha rai nga ma ai. Kadai mung tinang lu ai arai hpe nye a n nga ai sha shanhte yawng gaw lu ai arai hpa hpe rai tim shada da jawm garan lang ma ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

1 KORINHTU 14:31

Zuphpawng hta lawm nga ai shawa masha yawng mayawng gaw sharin achyin ai lu la nna myit rawt sharawng awng ai lam lu la na matu nanhte nlang hte gaw langai a hpang langai mungga hkaw tsun lu na rai nga myit dai.

1 KORINHTU 2:12

Anhte chyawm gaw ndai mungkan hte seng ai wenyi hpe hkam la saga ai n rai, Karai Kasang anhte hpe jaw da ai chyeju nlang hte hpe lu la u ga, Karai Kasang e shangun dat ai Wenyi hpe hkam la saga ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

EHPESU 3:3

Karai Kasang gaw shi a sung htum ai yaw shada ai lam ngai hpe shadan dan ai. (Ndai lam hte seng nna kadun ai hku ka dat yu ni ai.)

EHPESU 6:22

Dai re ai majaw, anhte yawng kaning rai nga ga ai lam shiga yawng nanhte hpe tsun dan u ga hte, nanhte hpe karum n-gun jaw ya na matu shi hpe nanhte hpang de shangun dat se ai.

HPILIPI 2:1

Nanhte gaw Hkristu hte rau asak hkrung ai a marang e n-gun lagaw hpring wa myit dai hte shi a tsaw ra myit gaw nanhte hpe shalan shabran ai lam jaw myit dai. Dai hta n-ga Wenyi a kanawn mazum lu ai lam hte shada da n-gaw nwai matsan dum ai lam hkam la nga myit dai.

HPILIPI 3:8

Dai hta n-ga, nye a Madu Yesu Hkristu hpe chye chyang lu ai lam gaw, lam shagu hta grau nna chyahtum chyalai hpu reng nga ai amyat re ai majaw, dai hpe lu la na matu arai yawng mayawng hpe tsep kawp asum hku ngai sawn la nngai. Ngai gaw shi a matu arai yawng mayawng hpe kabai kau ni ai. Hkristu ngu ai amyat hpe lu la na matu hte Hkristu hte langai sha tai lu na matu nga manga hpe shanut shanaw zawn ngai nawn kau ni ai.

KOLOSE 1:26

Shi gaw dai sung htum nna makoi magap da ai mungga hpe mungkan hta nga ai shinggyim masha ni n chye hkra chyaloi nhkoi prat mi hte prat mi du hkra makoi magap da wu ti mung, ya gaw shi a amyu masha ni hpe shadan dan nu ai.

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

KOLOSE 2:19

Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.

KOLOSE 3:14

Dai atsam marai ni yawng a ntsa e hkum tsup re ai myit hkrum kahkyin gumdin lam byin hkra arai yawng mayawng hpe gyit hkang ya ai tsaw ra myit hpe kahtap hpun nga mu.

KOLOSE 4:3

Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

KOLOSE 4:8

Anhte yawng kaning rai nga ga ai mabyin masa lam nanhte hpe tsun dan ai hte nanhte a myit masin shangwi shapyaw ai hkrum lu malit ga, ngai shi hpe nanhte hpang de shangun dat se ai.

1 HTESALONI 1:5

Hpa majaw nga yang, anhte gaw dai Kabu Gara Shiga hpe ga hte sha n rai, n-gun atsam hte mung, Chyoi Pra ai Wenyi hte mung, dai Kabu Gara Shiga a teng man ai hpe tsep kawp kam sham ai myit hte mung, nanhte hpang de la sa nna hkaw tsun ga ai. Anhte gaw nanhte hte rau nga nga ai ten hta, nanhte a mai kaja ai lam a matu mara anhte kaning rai asak hkrung hkawm sa saga ai lam, nanhte nan chye nga myit dai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 6:11

Anhte a ra sharawng ai lam kaba gaw nanhte a myit mada ai lam ni hpring tup wa ai du hkra langai hte langai gaw tinang myit rawt sharawng awng ai myit hpe jahtum du hkra grin nga shangun na lam rai nga ai.

2 PETRU 1:10

Dai re ai majaw, nye a hpu nau ni e, nanhte hpe Karai Kasang e shaga la ai hte lata la sai ngu ai lam hpe tut tut hkam sha nga na matu grau nna shakut shaja nga mu. Shing rai galaw myit yang gaw, nanhte a makam masham hpe galoi mung kabai kau na myit dai n rai.

2 PETRU 1:3

Shi a hpung shingkang hte mai kaja ai lam hpe garan hkam la na matu anhte hpe shaga la ai Hkristu hpe chye chyang ai a marang e Karai Kasang a n-gun atsam gaw teng man ai nawku htung makam masham hta asak hkrung nga lu na matu anhte hta ra kadawn nga ai lam yawng mayawng jaw ya mani ai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

1 YAWHAN 3:19

Shing rai ndai hku nna anhte gaw dai teng man ai lam hpe hkan sa ai ni rai nga ga ai hpe chye lu na rai nga ai. Karai Kasang a man e mung myit mu myit hkut ai hku nna nga lu ai ahkang lu la na raga ai.

1 YAWHAN 5:7

Sakse masum nga nga ai.