KOLOSE 2:17 - Jinghpaw Common Language Bible 2009

¹⁷ Dai zawn re ai yawng hte gaw du na ra ai aten e byin pru wa na arai ni a shingnip shingna hkrai rai nga ai. Kaja wa teng teng re ai gaw Hkristu shi hkum nan rai nga ai.

Jinghpaw Hanson Version Bible

¹⁷ dai hte gaw du na ra ai lam a shingna hkrai rai nga ai; dai hkumhkrang chyawm gaw, Hkristu a rai nga ai.

KOLOSE 2:17 ပူးပေါင်းရင်းမြစ်များ

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

HEBRE 10:1

Yuda ni a Tara gaw kaja wa ajet re ai lam ni a teng man kup tsup ai hkrang kasi majing n re ai sha, du na ra ai ngamu ngamai lam a n dan n leng re ai shingna sha rai nga ai. Shanhte gaw tut nawng e nawng ya nga ai shagu hkungga amyu baw ni hpe sha shaning shagu nawng ya ma ai. Dai rai nna ndai hkungga ni hte Karai Kasang hpang de sit shang wa ai masha ni hpe dai tara gaw gara hku nna hkum tsup ai ni tai wa shangun lu na rai ta?

HEBRE 8:5

Hkinjawng ni hku nna shanhte galaw ai bungli gaw sumsing lamu na nawku daw jau ai kasi a shingnip shingna sha rai nga ai. Mawshe galaw lai wa sai amu ni mung, dai hte maren sha tai nga ai. Hpa majaw nga yang, Mawshe gaw dai chyoi pra ai sum gaw gap na hkyen ai shaloi, Karai Kasang gaw shi hpe “Bum ntsa e ngai nang hpe madun dan sade ai hkrang kasi hte maren yawng mayawng hpe galaw lu hkra sadi nga u,” nga nna tsun ai majaw rai nga ai.

HEBRE 9:9

Ndai lam gaw ndai prat a lam madi madun ai ga shadawn langai mi rai nga ai. De a lachyum gaw Karai Kasang kaw sak nawng ai kumhpaw kumhpa ni hte dusat hkungga ni gaw nawku daw jau ai wa a myit masin hpe hkum tsup shangun lu ai n rai.