KOLOSE 2:16 - Jinghpaw Common Language Bible 2009

¹⁶ Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

Jinghpaw Hanson Version Bible

¹⁶ Dai re ai majaw, shahpa, luhpa hte, poi shani, shata praw shani hte laban nhtoi a lam, kadai mung nanhte hpe n jeyang nga u ga:

KOLOSE 2:16 ပူးပေါင်းရင်းမြစ်များ

2 HKAWHKAM 4:23

Shi a madu wa mahtang, “Nang dai ni jang hpa majaw sa ra nga n ta? Bansa Nhtoi mung n rai; Shata Praw na Poi mung n rai,” ngu nna san wu ai. Shi gaw, “Mai na re,” ngu nna htan wu ai.

1 HKAWHKAM LABAU 23:31

Bansa Nhtoi e mung, Shata Praw na Poi e mung, kaga lusha poi ni hta dai Madu a matu wan nat hkungga nawng ya ai shaloi mung rai nga ai. Ndai amu hpe galaw na matu aten shagu Lewi masha ni hpe shatsam da ai tara ni galaw da nga ai. Lewi masha ni gaw aten shagu dai Madu hpe nawku daw jau ai amu gun hpai na lit shatsam da ai hkrum ai ni rai ma ai.

2 HKAWHKAM LABAU 31:3

Shi gaw dai Madu a tara hte maren shi madu da ai yam nga hpung ni hte sagu bainam hpung ni hta na jahpawt shana wan nat hkungga nawng ya na yam nga ni mung, Bansa Nhtoi, Shata Praw e galaw ai Poi hte kaga poi ni hta nawng ya na hkungga ni jaw ya wu ai.

NEHEMIA 10:31

Maigan masha ni anhte hpe Bansa Nhtoi hte kaga chyoi pra ai shani hta nai mam nsi naisi hte kaga arung arai la sa nna sa dut ya ai rai yang, anhte gaw shanhte kaw na mari la na ga ai n rai. Anhte gaw sanit ning du shagu yi sun n galaw na ga ai, hka kap ai yawng hpe shaprai kau na ga ai.

NEHEMIA 10:33

Anhte gaw Nawku Htingnu kata nawku daw jau ai amu hta ndai hku shang lawm na ga ai: dai ni gaw, chyoi pra ai muk, shani shagu na shadung hkungga, shani shagu nat nawng na shagu hkungga ni a matu yam nga ni, Bansa Nhtoi ni a matu chyoi pra ai hkungga ni, Shata Praw hta galaw ai Poi ni hte kaga lusha poi ni, kaga chyoi pra ai hkungga ni, Israela amyu a matu yubak mara la kau ya na hkungga ni hte Nawku Htingnu a matu ra mara arung arai hpa mung jaw ya na ga ai.

NEHEMIA 8:9

Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

SHAKAWN KUNGDAWN 42:4

Lai sai aten na lam hpe ngai myit dum yu ai shaloi, nye a myit hta grai yawn la nga nngai; Karai Kasang a nta de shawa masha ni hte rau ngai lung wa ai shaloi, kabu gara ai shawa hpawng gaw, Karai Kasang hpe mahkawn mangoi ai hte, kabu jahtau nhtawm, shanhte hpe woi hkawm lung wa yu ni ai.

SHAKAWN KUNGDAWN 81:3

Shata praw hte shagawng shani e, poi galaw na matu, pahtau dum mu.

ESAIA 1:13

Nanhte a shagu hkungga ni la sa tim, dai gaw kaman lila rai nga ai. Nanhte nat nawng ai manam pyaw ai sama hpe mung ngai matsat nngai. Nanhte galaw ai Shata Praw na Lusha poi, Bansa Nhtoi ni, hte makam masham hpawng ni hpe ngai n yu sharang lu nngai; dai ni mahkra gaw nanhte galaw ai yubak mara ni a jaw e hten mat nga sai.

EZEKELA 4:14

Rai ti mung, ngai gaw, “N rai law, Tsaw Htum ai Madu e, ngai gaw nye hkum nan galoi mung awu asin garai n hkrum yu nngai. Ngai gaw ma prat kaw nna dai ni du hkra shi hkrai si taw nga ai dusat shan hpa hpe rai ti mung, matse labye dusat e kawa sat da ai shan hpe mung, galoi mung n sha yu nngai. Ngai gaw matsat shabat zawn nawn ai lusha hpa hpe rai tim galoi mung n sha yu nngai,” ngu nna bai htan nngai.

EZEKELA 45:17

Hkum ting nat nawng na dusat ni hpe mung, shadung hkungga ni hpe mung, shata praw e galaw ai poi ni, Bansa nhtoi ni hte ndat da ai poi ni hta amyu ting a matu jaw ya na sabyi hkungga ni hpe shapraw ya na, shi a lit rai nga ai. Israela amyu masha ni a shut hpyit ai yubak mara ni hpe la kau ya na matu, mara raw hkungga, shadung hkungga, hkum ting nat nawng na hkungga hte mahku hkungga ni hpe shi shapraw ya na ra ai,” ngu nna tsun ai.

JAW JAU 16:31

Dai shani gaw chyoi pra htum ai shani rai nna amu bungli hpa mung n galaw ai sha, lusha gam na rai ma ai. Ndai ni gaw prat mi hte prat mi hkan sa na tara ni rai nga ai.

AMO LAIKA (AMOS) 8:5

Nanhte gaw tinang hkum hpe, “Anhte a mam dut lu na matu chyoi pra ai nhtoi ni lai mat wa na anhte la nga ga ai. Bansa Nhtoi htum mat ai shaloi, anhte a arai mari la ai ni hpe n man ai joi jang ni lang nna, dang hpe kaji, joi hpe kaba shangun let manu kaba hte dut la lu na rai nga ga ai.

BU HKAWM 10:10

Kabu gara ai shani ngu ai Shata Praw hta galaw ai Poi ni hte kaga nawku htung hte seng nna galaw ai poi ni hta mung, wan nat hkungga hte mahku hkungga ni hpe nanhte nawng jau ai shaloi mung, dai pahtau ni dum na rai myit dai. Dai shaloi ngai nanhte hpe karum la na made ai. Ngai gaw dai Madu nanhte a Karai Kasang rai nga nngai,” ngu nna tsun wu ai.

MAHTE 15:11

N-gup de shang wa ai arai gaw, masha hpe awu asin di kau lu ai n rai, dai n-gup hta na pru ai mahtang gaw, masha hpe awu asin di kau nga ai,” ngu mu ai.

MARKU 7:19

Hpa majaw nga yang, dai gaw shi a myit masin kata de shang wa ai n rai shi a kan kata de shang wa ai hte hkum tsan ai shara de bai pru wa ai,” ngu nna tsun mu ai. (Ndai lam ning nga nna tsun ai hte, Yesu gaw, shat shatmai amyu yawng hpe mai sha nga ai,) ngu nna tsun ndau ai lam rai nga ai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

ROMA 14:10

Dai majaw, nang shat mai shat maw lap sha ai wa hpa rai na a nhpu nnau wa hpe jeyang nga n ta? Nang hpa baw lu sha rai tim sha ai wa mung, na nhpu nnau wa hpe hpa n-gawn n sawn rai nga n ta? Anhte yawng mayawng hte gaw, tara daw dan ai hkrum na matu Karai Kasang a Tara tingnyang man e du tsap na raga ai.

GALATI 4:10

Nanhte gaw nhtoi, shata, aten ladaw hte shaning nkau mi hpe grai ahkyak shatai nga myit dai.

KOLOSE 2:20

Nanhte gaw Hkristu hte rau si mat manit dai rai nna ndai mungkan n-gawn tawa hpe up madu ai n-gun atsam rawng ai wenyi ni a lata hta na shalawt dat ai hkrum manit dai. Dai rai yang hpa rai nna nanhte gaw ndai mungkan hte seng ai ni zawn hkawm sa nga myit ta?

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

1 SAMUELA 20:18

Dai hpang, Yonahtan gaw shi hpe, “Hpawt ni gaw Shata Praw Shani a Poi rai nga ai hte maren, dai lusha poi hta nang n shang lawm ai rai yang, nang n nga ai hpe yu matsing na ra ai.

1 SAMUELA 20:5

Dawi gaw, “Hpawt ni gaw Shata Praw na Poi nhtoi rai nga ai rai nna, hkawhkam wa hte shat rau sha na zawn ngai nawn da nga nngai. Rai ti mung nang hkraw ai rai yang, hpawt din na de du hkra pa hkan sa makoi nga n-ga.