KOLOSE 1:29 - Jinghpaw Common Language Bible 2009

²⁹ Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

Jinghpaw Hanson Version Bible

²⁹ Shing rai byin lu hkra, ngai hta tsam mari shachyen ai wa a bungli galaw ai hku hte maren, ngai mung bungli galaw ai hta shaja nga nngai.

KOLOSE 1:29 ပူးပေါင်းရင်းမြစ်များ

LUKA 13:24

Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.

ROMA 15:20

Rai ti mung masha wa langai ngai e gaw da ai npawt ntsa hta n kahtap u ga, Hkristu a mying n na yu ai shara hkan e dai Kabu Gara Shiga hkaw dan na ngai galoi mung myit sharawng makun nga nngai.

ROMA 15:30

Ya hpu nau ni e, Yesu Hkristu hpe anhte kam sham ai a marang e mung, dai Wenyi e jaw ai tsaw ra myit a marang e mung, nye a matu mara ngai hte rau Karai Kasang kaw myit sharawng awng ai hte akyu hpyi nga na nanhte hpe ngai shadut jahkat made ai.

1 KORINHTU 12:11

Rai ti mung dai chyeju atsam yawng mayawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, shi gaw langai hte langai hpe laklai ai chyeju atsam kumhpa kaga ga garan kachyan shagu wu ai.

1 KORINHTU 12:6

Magam gun hpai na atsam amyu myu nga ai, rai ti mung yawng mayawng hpe tinang gun hpai daw jau nga ai laksan amu a matu atsam jaw ai Karai Kasang gaw langai sha rai nga ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

2 KORINHTU 13:3

Hkristu gaw ngai hta e ga shaga ai lam sakse ni hpe nanhte ra ai made mu lu na marin dai. Hkristu gaw nanhte hte matut mahkai amu galaw ai shaloi, shi gaw gawng kya nga ai n rai. De a malai shi a n-gun atsam hpe nanhte hta e madun dan na ra ai.

2 KORINHTU 5:9

Dai rai nna anhte gaw, nang e nga ai hkum hkrang nta hta shanu nga yang rai ti mung, htawra kaw shanu nga yang rai ti mung, shi hpe sharawng awng shangun na gaw kaga yawng mayawng hta grau ahkyak ai amu rai nga mali ai.

2 KORINHTU 6:5

Anhte gaw anu kayat ai, htawng bang ai, shawa masha ni kabring kabrawng re ai hkrum ai, bungli galaw ai hta hkring sa ten n lu nna yup n lu sha ai, lusha n lu sha ai lam ni hkrum ga ai.

EHPESU 1:19

Madu hpe kam sham ai ni hta amu galaw nga ai shi a atsam gaw kade wa galu kaba nga ai hpe mung, nanhte mu chye lu na matu, nanhte a kraw lawang nyan hpaji myit hpaw wa malit ga, ngai hpyi nngai.

EHPESU 3:20

Anhte a myit masin hta shi a n- gun atsam hte amu galaw nga ai, anhte hpyi chye ai shing n rai myit yaw shada ai hta pyi grau lai hkra galaw shabyin jaw ya lu ai. Karai Kasang gaw dai hpung a marang e mung,

EHPESU 3:7

Karai Kasang a atsam amu galaw nga ai hte maren, ngai hpe Karai Kasang jaw ya ai laksan chyeju kumhpa a marang e dai Kabu Gara Shiga a shangun ma ngai hpe shatai ni ai.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 1:30

Ya nanhte gaw ngai hte rau gasat gala ai hta shang lu myit dai; lai wa sai aten hta nanhte ngai gasat nga ai hpe mu yu nna ya e nanhte na lu ai nye a gasat gala ai lam gaw langai sha rai nga ai.

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

HPILIPI 2:16

Nanhte shing rai galaw myit dai rai yang gaw ngai n-gun dat gun hpai shakut ai lam shagu gaw kaman lila n rai nga ai majaw Madu Yesu du sa ai Nhtoi hta ngai hta kabu gumrawng shara tai na ra ai.

KOLOSE 2:1

Ngai gaw nanhte a matu mung, Ladoki masha ni a matu mung, ngai hpe myi man chyaw n mu yu ai kaga masha ni yawng hte a matu mung, ngai gade wa galaw gun hpai shakut shaja sa wa ai lam nanhte hpe ngai tsun dan made ga.

KOLOSE 2:12

Nanhte gaw hkalup hkam la myit dai shaloi, shi hte rau lup makoi ai hkrum nna Hkristu hpe si mat ai ni kaw na hkrung sharawt la ai Karai Kasang hta hkrung sharawt la ai n-gun atsam rawng nga ai hpe kam ai makam masham a marang e shi hte rau sharawt la ai mung hkrum manit dai.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

1 HTESALONI 2:9

Hpu nau ni e anhte gade daram amu bungli galaw shakut shaja lai wa saga ai hpe kaja wa nanhte dum nga myit dai. Nanhte hpe hpa lit n shali n shayak sha u ga, anhte gaw anhte a kan bau bungli hpe shani shana galaw shakut let Karai Kasang a Kabu Gara Shiga hpe hkaw tsun ga ai.

2 HTESALONI 3:8

Anhte gaw jahpu manu n jaw ai gade a lusha hpe mung n la sha ga ai. De a malai, nanhte kadai hpe mung lit n shali u ga, anhte shani shana salu salat hte amu bungli galaw lai wa saga ai.

2 TIMOHTI 2:10

Dai re ai majaw ngai gaw Karai Kasang lata la hkrum ai masha ni a matu ruyak jam jau hkam nngai; shing rai hkam ai lam gaw shanhte mung Hkristu Yesu a marang e hkye hkrang la ai chyeju hte de a htani htana hpung shingkang hkam la lu na matu rai nga ai.

HEBRE 12:4

Nanhte gaw yubak mara hte hkrum katut gasat hkat ai lam hta ya du hkra sat kau hkrum na madang du hkra garai n hkap daw ra myit dai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

SHINGRAN 2:3

Nang hkam sharang lu nga ndai hte nye a mying nsang a matu mara tsin-yam tsindam hkam ai hte nang asum mung n jaw ndai.