KOLOSE 1:21 - Jinghpaw Common Language Bible 2009

²¹ Nanhte mung moi shawng de gaw nanhte galaw ai n hkru n hkra ai bungli hte myit mang ai lam a majaw Karai Kasang hte tsan gang mat nna, shi a hpyen ni tai mat manit dai.

Jinghpaw Hanson Version Bible

²¹ Nanhte mung shawng e tsasam re ai hte, nanhte a n hkru n hkra ai bungli majaw, myit mang hte n dawng n yawt ai ni rai nga myit dai rai timung, sumsing lamu a npu e hpan da mada hte hpe hkaw tsun dan nna, nanhte na yu ai kabu gara shiga a myit mada ai hta n htak mat ai sha,

KOLOSE 1:21 ပူးပေါင်းရင်းမြစ်များ

2 SAMUELA 22:24

Ngai hta mara n kap nga ai majaw shut hpyit amu galaw ai kaw na mung ngai koi yen nga ai hpe shi chye nga ai.

EZEKELA 14:5

Ndai hpara sumla ni yawng gaw Israela amyu masha ni hpe ngai kaw na kayin kau dat nga ai, rai ti mung, nye a mahtai hte maren, shanhte a sadi dung ai hpe ngai bai hkam la lu na myit mada nga nngai.

ROMA 1:30

Shanhte gaw ga shaga baw law ai ni, kaga wa a sari jahpoi ai ga, kadum kahte ai ni, Karai Kasang hpe n dawng ai ni, manang wa hpe n kaw n law rai aroi ara re ai ni, gumrawng gumtawng ai ni, shakawng shakat rai grang dakat ai ni, n hkru n kaja ai amu amyu myu hpe myit shapraw nna galaw ai ni, kanu kawa ni a ga n madat ai ni,

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

EHPESU 2:15

Shi gaw amyu lahkawng hpe Hkristu hte kahkyin gumdin nna amyu masha ningnan langai mi shabyin shalat na matu Yuda tara hte hpawn hkang da ai lam ni hte hkan sa tara ni hpe dawm shaprai kau nu ai. Ndai lai hku nna ngwi pyaw sim sa ai lam jaw ya sai.

EHPESU 2:19

Dai re ai majaw, ya gaw, nanhte maigan masha ni, shing n rai malet nhprang tsasam manam ni n rai manit dai; nanhte gaw Karai Kasang a masha ni hta lawm ai mung chying sha ni rai nna Karai Kasang a dinghku masha ni rai nga myit dai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.