KOLOSE 1:14 - Jinghpaw Common Language Bible 2009

¹⁴ Dai Kasha a asai hte htingrai htingrat ya ai a marang e anhte hpe shalawt dat mi ai; dai gaw anhte a yubak mara ni hpe raw dat ya ai lam nan rai nga ai.

Jinghpaw Hanson Version Bible

¹⁴ dai Kasha hte nan htingrai htingrat na lam hte yubak raw dat na akyu anhte lu la sagaw ai.

KOLOSE 1:14 ပူးပေါင်းရင်းမြစ်များ

SHAKAWN KUNGDAWN 130:4

Rai ti mung, nang anhte hpe mara raw dat ya nga ndai, dai majaw, anhte nang hpe hkrit hkungga ai hte madat mara hkan sa nga ga ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

LUKA 5:20

Yesu shanhte hta kam sham ai myit gade daram rawng ai lam mu ai shaloi, katsing si ai wa hpe, “Masha wa e, na a yubak mara ni dat kau ya sade ai,” ngu wu ai.

KASA 10:43

Shi hpe kam sham ai ni nlang, shi a mying nsang a n-gun atsam marang e, yubak raw dat kau ya ai hkrum na mara ai, nga nna shi a lam hpe myihtoi ni yawng htawn tsun sakse hkam ma ai,” ngu mu ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

KOLOSE 2:13

Nanhte gaw moi shawng de yubak galaw ai ni rai nga myit dai majaw mung, Yuda masha n rai nna tara kata ai hte matu gadoi n hkam ai maigan masha ni rai nga myit dai majaw mung, Wenyi lam hta masha chyasi rai nga myit dai. Rai ti mung ya gaw Karai Kasang nanhte hpe Hkristu hte rau asak bai jahkrung ya manit dai. Karai Kasang gaw anhte a yubak yawng mayawng hte hpe raw dat kau ya sai.

KOLOSE 3:13

Nanhte hta marai langai ngai a ntsa e mara shagun shara nga ai shaloi shada da hkam sharang ai hte shada da mara raw dat hkat nga mu. Dai Madu gaw nanhte hpe mara raw dat kau ya manit dai hte maren, nanhte shada da mung mara raw dat lu na rai myit dai.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 9:12

Hkristu gaw Chyoi Pra Htum ai Shara kata de kalang mi hte ngut hkra shang ai shaloi, hkungga nawng na matu bainam sai, usu sai n la shang ai sha, shi nan a asai hte shang nna anhte a matu htani htana hkye hkrang la ai lam lu la nu ai.

HEBRE 9:22

Jep ai Tara hte maren nga yang, arai yawng ganoi mahkra hpe asai hte jasan jaseng kau lu nga ai rai nna, asai ru hkaw yang sha yubak mara ni hpe raw dat kau ya nga ai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

1 YAWHAN 1:9

Rai ti mung anhte a yubak mara ni hpe Karai Kasang kaw madun yin la nna hpyi nem ga yang gaw, shi gaw shi a ga sadi hta grin nga nna dai teng man ai amu galaw ai wa rai nga ai majaw, anhte a yubak mara hpe raw dat kau ya na hte, shut hpyit tawt lai ai lam yawng mayawng hta na jasan jaseng la na mi ai.

1 YAWHAN 2:12

Nye a shu sha ni e, Hkristu a marang e nanhte a yubak mara ni hpe raw dat kau ya ai hkrum manit dai majaw, ngai nanhte hpe ka dat nngai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.