KOLOSE 1:12 - Jinghpaw Common Language Bible 2009

¹² Dai hta kaga, nhtoi a mungdan hta rawng nga ai shi a chyoi pra ai ni a matu mara Karai Kasang san tawn da ai sali wunli ni hpe nanhte hkan dagraw la ging ai ni tai wa shangun ai Karai Kasang a chyeju hpe kabu gara shakawn kungdawn nga mu ga law.

Jinghpaw Hanson Version Bible

¹² nhtoi hta rawng nga ai chyoi pra ai ni a sali wunli a daw mi dagraw lu myit ga, nanhte hpe ging dan shangun ai Kawa kaw shakawn kungdawn na rai timung, anhte hpyi nem nga ga ai.

KOLOSE 1:12 ပူးပေါင်းရင်းမြစ်များ

1 HKAWHKAM 6:7

Dai Htingnu hpe gaw shachyaw yang, nlung nhkun e tawk shatsawm la ngut sai nlung ni hte shachyaw wu ai majaw sumdu mung, nwa mung, hpa hpri arai ngoi shara ai mung n na lu nga ai.

1 HKAWHKAM LABAU 29:20

Dai hpang Dawi gaw amyu masha ni hpe, “Dai Madu nanhte a Karai Kasang hpe shakawn kungdawn mu!,” ngu nna hkang da wu ai. Shaloi shawa hpawng ting gaw dai Madu shanhte a kaji kawa ni a Karai Kasang hpe shakawn kungdawn nhtawm dai Madu hpe mung, hkawhkam wa hpe mung, shanhte dingnyawm gum dagup nna shagrau hkungga jaw mu ai.

SHAKAWN KUNGDAWN 116:7

Nye a myit masin e, dai Madu gaw nang hpe mai kaja ai chyeju madun dan nit dai majaw, kam hpa nga u.

SHAKAWN KUNGDAWN 36:9

Nang gaw asak yawng a hka hpawk rai nga ndai; na a nhtoi majaw, anhte dai nhtoi hpe mu lu ga ai.

SHAKAWN KUNGDAWN 79:13

Shaloi, anhte na a amyu masha ngu ai na a sagu hpung na sagu ni, nang hpe htani htana chyeju dum nga na ga ai hte, du wa na aten ahkying yawng hta mung, chyeju shakawn nga na ga ai law.

SHAKAWN KUNGDAWN 97:11

Ding hpring ai wa a ntsa e, nhtoi hpe jahtoi ya nna; mai kaja ai ni a ntsa e, kabu gara ai lam tawn da ya nga ai.

GA SHAGAWP 16:1

Anhte gaw anhte a bungli masing ni hpe galaw mai ga ai; rai ti mung hpang jahtum e, Karai Kasang a myit ra ai hku sha byin nga ai.

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

Daniela 2:23

Nye a kaji kawa ni a Karai Kasang e, ngai nang hpe shakawn kungdawn ai hte shagrau sha-a nngai. Nang gaw ngai hpe hpaji byeng-ya hte n-gun jaw ya nga nit dai; nang gaw nye a akyu hpyi ga hpe htan ya nga nit dai hte hkawhkam wa hpe kaning ngu tsun na mung anhte hpe madun dan nga nit dai.”

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 4:23

Rai ti mung nawku ai ni gaw Wa hpe Karai Kasang a Wenyi n-gun atsam hte teng man ai hku nawku na ahkying gaw du wa na ra ai rai nna, ya e pyi du ra ai. Wa gaw shing rai nawku ai ni hpe ra sharawng nga ai.

KASA 20:32

“Ya ngai gaw nanhte hpe Karai Kasang a lata hta mung, chyeju hte seng ai dai Kabu Gara Shiga a lahku lamai ai lata hta mung, ap da masa de ai. Dai Kabu Gara Shiga gaw Madu a amyu masha ni yawng a matu mazing da ai shaman chyeju nlang hte hpe nanhte e hkam la shangun na ra ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 11:17

Hkai tawn ai tsanlun hpun a lakung lakying nkau mi hpe gyi kau nhtawm, ngam nga ai de a ndu hta tsanlun chyalam lakung hpe matut nna hkai chye ma ai. Dai tsanlun chyalam lakung gaw tsanlun chyanyi a aru kaw na nam hpun lusha bawk jaw lawm ai zawn, nanhte maigan masha ni mung Yuda masha ni kaw na n-gun rawng ai Wenyi a chyeju akyu ara hkam la lu manit dai.

ROMA 15:27

Shing rai shanhte daw dan ai lam gaw, masha e shadut ai majaw n rai, rai ti mung, teng sha tsun ga nga yang dai matsan mayan ni hpe karum madi shadaw na shanhte hta lit nga nga ai. Hpa majaw nga yang, Yuda amyu masha ni hkam la ai Wenyi shaman chyeju sali wunli ni hpe maigan masha ni hpe mung jawm hpawm hkam la shangun masai rai nna maigan masha ni mung shanhte hkam la ai shaman chyeju ni ngu ai mungkan arung arai ni hte Yuda masha ni hpe chyeju htang ai hku bai karum la ang ma ai.

ROMA 8:17

Anhte gaw shi a kashu kasha ni rai nga ga yang gaw shi a amyu masha ni a matu san da ai sali wunli ni hpe anhte hkam la na ga ai. Hkristu a matu Karai Kasang san da ai hpung shingkang hpe mung anhte hkam la lu na ga ai, hpa majaw nga yang anhte gaw Hkristu hte rau nni nkri hkrum nga ga yang, shi hte rau hpung shingkang hpe mung anhte hkam la na rai nga ga ai.

ROMA 9:23

Dai hta n ga Madu gaw shi a matsan dum lama ai lam hkam la na masha ni ngu ai anhte hpe shi a n hpaw n ya re ai hpung shingkang hpe mu lu shangun na matu ra sharawng nga ai. Dai ni gaw Karai Kasang a hpung shingkang hkam la lu na matu hkyen lajang shajin da sai masha ni rai nga ma ai.

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

1 KORINHTU 9:23

Dai Kabu Gara Shiga a marang e, shaman chyeju ni hpe nanhte hte rau hkam la lu n ga, ndai lam yawng mayawng hpe ngai hkan galaw nngai.

2 KORINHTU 11:14

Ning rai galaw ai gaw mauhpa n rai nga ai! Satan pyi gaw nhtoi a lamu kasa hkrang hpe naw masu dagraw lu nga ai!

2 KORINHTU 5:5

Dai galai mat na lam hpe anhte a matu lajang ai wa chyawm gaw Karai Kasang rai nga ai. Shi gaw anhte hkam la na rai nga ai chyeju nlang hte a matu hkam dahka galaw ya ai hku nna shi anhte hpe wenyi jaw mani ai.

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

EHPESU 1:18

Madu gaw nanhte hpe hpa baw myit mada ai lam hta shaga la sai hpe mung Madu a amyu masha ni hpe ndat da ai mauhpa chyeju sali wunli ni gaw, kade wa n taw n tsang rai nga ai hpe mung,

EHPESU 2:18

Maigan masha ni hte Yuda masha ni rai nga ai anhte yawng gaw, Hkristu a marang e dai Wenyi langai sha hte Kawa a man de shang wa lu saga ai.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

EHPESU 4:6

Masha amyu yawng a Kawa ngu ai Karai Kasang mung langai sha rai nga ai, shi gaw yawng mayawng a Madu rai nna yawng mayawng a kata hta amu galaw nga ai.

EHPESU 5:11

Nsin hta hkawm sa nga ai masha ni galaw ai akyu n rawng ai nsin hte seng ai bungli ni hpa mung n hkan galaw ai sha, dai amu ni hpe nhtoi de shadan dan nga mu.

EHPESU 5:20

Anhte a Madu Yesu Hkristu a mying ningsang gang nna lam shagu a matu Kawa Karai Kasang a chyeju hpe tut nawng e shakawn kungdawn nga mu.

EHPESU 5:4

n san n seng ai ga kinsha, awu asin yuk jahtuk nga ai ga, zai ai ga re ai ni hpe n tsun ai sha, Karai Kasang hpe chyeju shakawn ai ga sha tsun nga mu ga.

EHPESU 5:8

Moi shawng de nanhte mung ningsin hta nga lai wa yu manit dai; rai ti mung ya e Madu a masha ni tai wa manit dai rai nna nhtoi de du shang manit dai. Dai re ai majaw, nanhte gaw nhtoi a kashu kasha ni zawn hkan galaw nga mu.

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

KOLOSE 3:15

Hkristu jaw ya ai ngwi pyaw ai gaw nanhte a myit masin hta e a-up nga nna, dai gaw nanhte a daw dan hparan ai lam ni hta lam matsun madun nga u ga, hpa majaw nga yang, dai ngwi pyaw ai lam hpe hkam sha lu na matu Karai Kasang gaw nanhte hpe hkum hkrang langai sha hku shaga la manit dai; dai re ai majaw chyeju adum nga mu.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

HEBRE 3:1

Karai Kasang lata shaga la hkrum ai nye a Hkristan hpu nau ni e, anhte yin la ai nawku htung makam masham a Hkinjawng Agyi Kaba tai na matu Karai Kasang e shangun dat ai Yesu hpe myit yu mu.

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

YAKU 3:9

Anhte gaw dai shinglet hpe anhte a Madu hte Wa hpe chyeju dum shakawn shagrau ai hta mung, Karai Kasang a hkrang bung sumla hte maren hpan da sai shinggyim masha shada da matsa mawa dagam dala ngu nna tsun ai hta mung jai lang nga ga ai.

1 PETRU 5:1

Hpung hpe yu gawn lajang nga ai ngai hpung salang wa langai mi zawn, hpung salang ni hta lawm nga ai nanhte hpe hpyi lajin dat nngai. Ngai gaw Hkristu hkam ai nni nkri ni hpe mu ai sakse langai mi hku nna mung, dan pru na ra ai hpung shingkang hpe nanhte hte rau hkam la na myit mada nga ai wa hku nna mung, nanhte hpe ngai hpyi nem made ai.

1 YAWHAN 1:3

Anhte gaw Kawa Karai Kasang hte mung, Kasha Yesu Hkristu hte mung, kanawn mazum nga ga ai rai nna nanhte mung anhte hte rau kanawn mazum lu myit ga, anhte mu yu na yu sai lam nanhte hpe anhte tsun ndau dan ga ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.

SHINGRAN 22:5

Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.