KOLOSE 1:11 - Jinghpaw Common Language Bible 2009

¹¹ Dai rai nna nanhte hkrum hkra wa ai lam shagu hpe myit galu kaba ai hte hkam sharang lu na matu, shi a hpung shingkang rawng ai n-gun atsam a marang e nanhte hpe n-gun lagaw shaja myit ga.

Jinghpaw Hanson Version Bible

¹¹ shi a hpung shingkang re ai n-gun nga ai hte maren, shakut sharang nna kabu gara ai hte myit galu kaba hkum tsup hkra, n-gun lagaw amyu myu hte shaja ya ai hkrum myit ga mung,

KOLOSE 1:11 ပူးပေါင်းရင်းမြစ်များ

SHAKAWN KUNGDAWN 63:2

Chyoi pra ai shara hta nang hpe ngai mu lu n-ga, nang gaw kade wa n-gun chyalai rawng nga ai hte hpung shingkang rawng nga ai hpe mung ngai mu lu n-ga.

PRU MAT 15:6

“Madu e, na a hkra lata gaw daru magam n-gun hte hkrit hpa wa rai nga ai; dai gaw gumlau hpyen ni hpe agrawp kau nga ai.

GA SHAGAWP 24:10

Ru yak tsin-yam hkrum ai aten hta, nang gawng kya nga ai rai yang, nang gaw teng sha n-gun kya ai wa rai nga ndai.

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 5:41

Kasa ni gaw shanhte hpe Madu Yesu a majaw kaya kahpa hkrum ging ai re ngu nna Karai Kasang e sawn ya hkrum ai majaw kabu gara ai hte Yuda kongsi hpawng kaw na pru mat wa ma ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

2 KORINHTU 4:7

Rai ti mung dai chyahtum chyalai re ai n-gun atsam chyawm gaw anhte kaw na n rai, Karai Kasang kaw na rai nga ai lam madun dan lu u ga, ndai wenyi sutgan lu tawn ai anhte gaw, yu maya ga di bu ni hte sha bung ga ai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

EHPESU 4:2

Tut nawng e shagrit shanem nna sumnung shingdi ai hte hkam sharang nga mu. Nanhte a tsaw ra myit hpe madun nna shada da hkam mana nga mu.

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

2 PETRU 1:6

Chye chyang ai lam hta tinang a hkum hpe hkang ai, tinang a hkum hpe hkang ai hta hkam sharang ai, hkam sharang ai hta tara hkungga ai lam,

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

SHINGRAN 14:12

Karai Kasang a hkang da ai ga ni hpe hkan shatup nna, Hkristu hta kangka sadi dung ai ni ngu ai Karai Kasang a masha ni gaw, ndai lam hta hkam sharang ai lam nga ra nga ai.