KOLOSE 1:10 - Jinghpaw Common Language Bible 2009

¹⁰ Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

Jinghpaw Hanson Version Bible

¹⁰ Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

KOLOSE 1:10 ပူးပေါင်းရင်းမြစ်များ

GA SHAGAWP 16:7

Nang gaw dai Madu hta awng sharawng nga ai rai yang, na a gumlau hpyen wa hpe nang jinghku shatai la lu nga ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

Daniela 12:4

Shi gaw ngai hpe, “Daniela e, ya chyawm gaw mungkan ga htum mat ai aten du hkra, dai laika hpe la kau nna, de a ntsa e dazik dawk da u. Dai aten laman hpa byin nga ai lam chye na hkawn hkrang wa lu hkra nga, masha law law gaw shanhte shakut shaja ai amu hta aten shama kau na mara ai,” ngu nna tsun wu ai.

MIHKA 4:5

Masha amyu baw shagu gaw tinang a karai hpe nawku ai hte madat mara ma ai, rai ti mung anhte chyawm gaw dai Madu anhte a Karai Kasang hpe htani htana nawku ai hte shi a ga madat mara na ga ai.

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

YAWHAN 15:8

Nanhte asi law law si wa ai a majaw nye Wa a hpung shingkang dan hkung wa na ra ai, ndai hku nna nanhte gaw nye a sape ni tai wa myit dai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

ROMA 1:13

Nye a hpu nau ni e, Yuda amyu masha n re ai maigan amyu masha ni hpe ngai myit malai kayin wa shangun mawe ai zawn, nanhte hta mung myit malai kayin wa ai masha ni nga wa na matu ngai nanhte hpang de sa du na, law law lang hkyen lajang yu ni ai, rai ti mung lam lama ma e ayan hkum shadang ai a majaw n du sa lu ai re ai lam nanhte hpe chye shangun mayu nngai.

ROMA 4:12

Abraham gaw matu gadoi ai hking hkam la ai ni a kawa mung rai nga ai. Lam mi hku tsun ga nga yang, shi gaw matu gadoi ai hking hkam la ai hta n-ga, anhte a kaji kawa Abraham matu gadoi hking garai n hkam la ai ten hta Karai Kasang hpe kam sham asak hkrung shamu shamawt lai wa sai kasi ningli hpe hkan dagraw ai ni a kawa mung rai nga ai.

ROMA 6:4

Dai re ai majaw Hkristu gaw kawa a hpung shingkang hte si mat ai ni kaw na hkrung sharawt la hkrum wu ai hte maren anhte mung asak ningnan hta rawt hkawm wa lu hkra, dai hkalup hkam ai hta e anhte si hkam nna shi hte rau lup makoi ai hkrum saga ai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

2 KORINHTU 5:9

Dai rai nna anhte gaw, nang e nga ai hkum hkrang nta hta shanu nga yang rai ti mung, htawra kaw shanu nga yang rai ti mung, shi hpe sharawng awng shangun na gaw kaga yawng mayawng hta grau ahkyak ai amu rai nga mali ai.

2 KORINHTU 9:8

Karai Kasang gaw nanhte a ra kadawn ai hta jan hkra jaw lu nga ai. Shing rai nanhte tinang a matu ra ai lam magup lu la na rai nga ai hta kaga mai kaja ai magam bungli shagu a matu ra ai hta jan hkra lu la na rai myit dai.

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 4:13

Dai rai nna anhte a makam masham a marang e mung dai Karai Kasang a Kasha hpe chye chyang ai a marang e mung, hpang jahtum e anhte nga manga hte gaw langai sha tai wa nna Hkristu a tsaw dik ai hkum tsup ai gawng shingyan a hpunda hte maren myit su kunghpan ai ni tai wa na raga ai.

EHPESU 5:10

Madu sharawng awng ai hpa rai nga ai hpe shakut sharang let sharin la mu.

EHPESU 5:15

Dai re majaw nanhte gara hku sak hkrung hkawm sa nga myit dai gaw atsawm sha yu nga mu. Hpaji n rawng ai angawk angak masha ni zawn n re ai sha, hpaji rawng ai masha ni zawn hkawm nga mu.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.

KOLOSE 2:19

Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.

KOLOSE 2:6

Nanhte gaw Hkristu Yesu hpe Madu ngu nna hkap la manit dai hte maren, shi hta e asak hkrung hkawm sa nga mu.

KOLOSE 3:20

Ma ni e, kanu kawa ni a ga hpe tut nawng madat mara nga mu: dai gaw Karai Kasang sharawng awng ai Hkristan ni galaw ang ai amu rai nga ai.

KOLOSE 4:5

Nanhte lu ai ahkaw ahkang shagu hpe ga n hkrat hkra atsawm sha jai lang let garai n kam n sham ai ni a man e hpaji byeng-ya hte hkawm nga mu.

1 HTESALONI 2:12

Anhte gaw nanhte hpe n-gun jaw ai lam hte shadaw shalan ai lam galaw saga ai. Shi a mungdan hta shang sha lu na hte hpung shingkang hkam la lu mu ga, nanhte hpe shaga la ai Karai Kasang hpe sharawng awng shangun ai asak hkrung lam hta e hkawm sa nga na matu anhte matut manoi shadut jahkat saga ai.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

2 TIMOHTI 2:4

Hpyen magam bungli gun hpai taw nga ai hpyen ma langai mi gaw, shi a ntsa na duwa hpe myit ra sharawng awng hkra galaw mayu ai majaw hpyen hte n seng ai mung masha lam hta n hkan ginchya nga ai.

TITU 3:1

Mungdan up hkang ai ni hte ahkaw ahkang lu ai ni a npu e taw nga nna madat mara nga na matu mung, mai kaja ai magam bungli nga manga hpe galaw na jin jin rai nga na matu mung, na a hpung masha ni hpe shadum nga u.

TITU 3:14

Sha na, bu hpun na, nga na lam a matu kaja wa ra kadawn nga ai hpe jaw lu hkra, anhte a masha ni kaja ai kan bau bungli galaw ai hta shanhte a aten hpe jai lang chye mu ga hte, shanhte gaw akyu n rawng ai baw asak n hkrung mu ga sharin ya u.

HEBRE 11:5

Kam sham ai majaw Enuk n si ai sha Karai Kasang e htawt la ai hkrum wu ai. Karai Kasang shi hpe htawt la kau ai majaw, shi hpe kadai mung tam n mu mu ai. Karai Kasang e htawt la ai garai n hkrum yang, “Enuk gaw Karai Kasang a sharawng awng ai wa rai nga ai,” nga nna dai Chyum Laika hta tsun da nga ai.

HEBRE 13:16

Mai kaja ai amu galaw na nanhte shada da karum shingtau hkat na lam hpe hkum malap kau myit, hpa majaw nga yang, shing re ai hkungga ni gaw Karai Kasang hpe sharawng awng shangun nga ai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

2 PETRU 1:8

Ndai hte gaw nanhte hta nga ra ai atsam marai ni rai nga ai; ndai lam ni nanhte hta n taw n tsang rawng nga ai rai yang gaw, anhte a Madu Yesu Hkristu hpe nanhte chye chyang ai hte asak hkrung ai lam hta kasang galang rai nna akyu byin shangun na marin dai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

1 YAWHAN 3:22

Anhte gaw Karai Kasang a hkang da ai ga ni hpe madat mara nna, shi a sharawng awng ai amu hpe galaw ga ai majaw, anhte hpyi ai lam shagu hpe anhte lu la ga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.

3 YAWHAN 1:6

Shanhte gaw na a tsaw ra ai lam hpe ndai kaw sa sakse hkam tsun kajai nga ma ai. Shanhte Karai Kasang a amu gun ai ni rai nga ma ai rai nna, shawng de bai matut hkawm sa wa lu na matu chyeju hte shanhte hpe naw karum dat mu, dai gaw Karai Kasang hpe sharawng awng shangun ai lam rai na re.