KASA 9:36 - Jinghpaw Common Language Bible 2009

³⁶ Ya, Yopa mare hta Tabihta mying ai kam sham ai; numsha langai mi nga ai. (Shi a mying hpe Grik ga hku Dorka ngu ai rai nna de a lachyum “Chyahkyi” ngu ai re.) Shi gaw shi a aten hpe kaja ai amu bungli galaw nna matsan mayan ni hpe karum madi shadaw alu jaw ai lam hta jai lang nga ai.

Jinghpaw Hanson Version Bible

³⁶ Ya, Yopa mare hta Tabihta mying ai numsha sape langai mi nga ai; mying de a ga lachyum gaw Dorka ngu ai rai lu ai: dai numsha gaw kaja ai bungli hte alu jaw ya ai lam hta, myit tsup ai jan rai nga ai.

KASA 9:36 ပူးပေါင်းရင်းမြစ်များ

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

TITU 2:7

Lam shagu hpe galaw gun hpai ai lam hta, nang hkum nan kaja ai kasi ningli tai nga u. Myit malang ai hte grai laja lana ahkyak shatai ai hku shadum sharin u.

2 HKAWHKAM LABAU 2:16

Nang ra ai made arit hpun ni hpe Lebanon bum hkan na anhte kran nhtawm dai ni hpe gyit nna wawn shachyaw let Yopa mare du hkra wawn hte shayawng ya na ga ai. Dai yang kaw nna Yerusalem mare de hpai la na rai ndai,” ngu nna tsun wu ai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

KASA 10:31

‘Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai Kasang matsing da nu ai.

EZRA 3:7

Amyu masha ni gaw wut gaw ai ni hte lasama ni hpe gumhpraw jaw ma ai; Lebanon bum na arit hpun ni shaw ya nna panglai hkin-gau e nga ai Yopa mare de la yu wa ya ai Turu hte Sidon mare masha ni hpang de malu masha, lu hka ntsin hte tsanlun sau ni hpe shagun jaw ma ai. Ndai amu mahkra hpe Persi Hkawseng Turu a ahkang hte maren hkan galaw ma ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

1 HTESALONI 4:10

Kaja wa nga yang, nanhte gaw Makedoni mung ting na Hkristan hpu nau ni yawng hpe dai hku tsaw ra ai lam hkan sa nga manit dai. Dai re ai majaw, hpu nau ni e, nanhte a tsaw ra myit grau kaba wa na matu nanhte hpe anhte hpyi nem nga ai.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

YAWHAN 15:8

Nanhte asi law law si wa ai a majaw nye Wa a hpung shingkang dan hkung wa na ra ai, ndai hku nna nanhte gaw nye a sape ni tai wa myit dai.

YAWHAN 15:5

“Ngai gaw sabyi ru madung rai nga nngai, nanhte gaw lakung lakying ni rai nga myit dai. Kadai rai ti mung, ngai hta noi nga nna ngai mung dai wa hta noi nga ai rai yang gaw, dai wa gaw asi law law si wa lu ai; hpa majaw nga yang, ngai hte hka jang, nanhte hpa mung n galaw lu myit dai.

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

GA SHAGAWP 5:19

Shi gaw shannga yi zawn tsawm htap nga nna ningja hte hpring nga ai; shi a sari sadang gaw nang hpe kabu pyaw shangun nga u ga, shi gaw shi a tsaw ra myit hte nang hpe makyit gawan da u ga.

YAWSHU 19:46

Meyarkon, Rakon, Yopa grup yin na lamu ga du hkra lawm nga ai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

Shawlumon A Mahkawn Ga 8:14

Ngai tsaw ra ai wa e, manam pyaw ai namji namya ni tu ai bum ni kaw nna shannga hte chyahkyi hkalung zawn ngai hpang de sa wa rit.

Shawlumon A Mahkawn Ga 3:5

Yerusalem numsha ni e, ngai hpe ga sadi jaw mi; anhte a tsaw ra myit hpe ginjang n shawn lu myit ga, laram ai chyahkyi hte shannga ni hta dagam da mu.

Shawlumon A Mahkawn Ga 2:9

Nye a tsaw ra wa gaw chyahkyi langai zawn rai nna shan-nga kasha hte mung bung nga ai. Yu u, shi gaw bunghku makau e tsap nga ai. Shi gaw hkuwawt hku mada yu nhtawm hkinchyi hku hku praw rai mada yu nga ai.

KASA 9:38

Yopa mare gaw Luda mare hte nau wa n tsan nga ai rai nna, Petru dai yang e nga nga ai lam kam sham ai ni na ma yang shanhte masha marai lahkawng hpe, “Anhte hpang de alawan sa wa rit,” ngu nna Petru hpe sa tsun na matu dat dat mu ai.

KASA 9:42

Dai lam shiga Yopa ginwang ting gumhkawng chyam bra wa ai rai nna masha law law wa dai Madu hpe kam sham ma ai.

KASA 10:8

shi hta gara hku byin ai lam yawng hkai dan nhtawm, shanhte hpe Yopa mare de dat dat mu ai.

KASA 10:23

Petru gaw, shanhte hpe nta nhku de saw shaga jashawn nhtawm shana shayup nna manam daw mu ai. Ya hpang shani shi hkyen la nna shanhte hte rau sa wa ai. Yopa mare na kam sham ai ni nkau mi mung shi hte rau hkan nang sa ma ai.

KASA 11:5

“Ngai gaw Yopa mare e akyu hpyi nga yang, ngai myit nawng mat wa nna, hpajawng zawn san ai pa kaba langai mi jut mali de jum nna sumsing lamu de na shaya jahkrat dat ai arai lama mi gaw nye makau e wa hkring nga ai hpe shingran hta ngai mu we ai.

KASA 11:13

Shaloi dai wa gaw, shi a nta e lamu kasa yu sa tsap ai hte Yopa mare de masha shangun nna, ‘Petru ngu ai Simun hpe shaga su!

MAHTE 25:17

Joi lahkawng lu ai wa mung dai hte maren ga nna joi lahkawng bai myat la nu ai.