KASA 9:32 - Jinghpaw Common Language Bible 2009

³² Petru gaw shara magup hkan e kawan hkawm nga ai. Kalang mi na Luda mare e nga ai Karai Kasang a masha ni kaw sa du ai.

Jinghpaw Hanson Version Bible

³² Dai shaloi e Petru gaw shara magup hkan e kawan hkawm wa let, Luda mare e nga ai chyoi pra ai ni kaw mung sa du ai.

KASA 9:32 ပူးပေါင်းရင်းမြစ်များ

1 HKAWHKAM LABAU 8:12

Elpala gaw shadang sha masum lu ai; dai ni gaw Ebera, Misham hte Shemed ni rai nga ai. Shemed gaw Ono, Loda mare hte de a grup yin kahtawng ni hpe de da nga ai.

NEHEMIA 11:35

Loda, Ono hte Lata Hpaji Chye Ai Ni a Kadit hkan nga nga ma ai.

SHAKAWN KUNGDAWN 16:3

Madu a kangka ai amyu masha ni gaw kade wa mai kaja nga ma hka! Shanhte hte rau rai nga na gaw nye a pyaw htum ai lam rai nga ai.

GA SHAGAWP 2:8

Shi gaw kaga masha ni a ntsa e, tara rap ra ai hku kanawn mazum ai ni hpe makawp maga ya nna, shi hta myit maju jung ai ni hpe bau sin ya nga ai.

MAHTE 27:52

Lup ni mung hpaw mahka wa nna si mat sai Karai Kasang a masha ni law law wa bai hkrung rawt wa ma ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 26:10

Kaja wa Yerusalem mare e dai hku nan ngai galaw yu se ai. Hkinjawng agyi ni kaw na ahkang lu la nna, Karai Kasang a masha ni law law hpe htawng hta bang da nna, shanhte hpe sat kau na daw dan ai shaloi ngai myit hkrum lawm ni ai.

KASA 8:14

Samari masha ni, Karai Kasang a mungga hta la ma ai lam Yerusalem e nga ai Kasa ni na ma yang, shanhte gaw Petru hte Yawhan hpe shangun dat mu ai.

KASA 8:25

Shan chyawm gaw, dai Madu a mungga lam sakse hkam nna hkai dan ngut jang Yerusalem mare de bai wa mat ma ai. Shan a wa maga hkrun lam e Samari kahtawng law law hkan dai Kabu Gara Shiga hkaw dan ma ai.

KASA 9:13

Anani gaw, “Madu e ndai masha wa Yerusalem mare e nga ai na a masha ni hpe hkrithpa n hkru ai hku galaw sai lam masha law law wa ngai hpe tsun dan masai.

KASA 9:33

Dai yang e katsing si nna matsat ning tup yup ra na n rawt lu ai Ainea mying ai masha langai mi hpe mu hkrup wu ai.

KASA 9:41

Petru mung lata ladawn nna gang sharawt la wu ai. Dai hpang gaida jan ni hte kam sham ai hpung masha ni yawng hpe shaga la nna asak bai hkrung wa ai Dorka hpe ap ya mu ai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

EHPESU 1:1

Karai Kasang a myit ra ai hku hte maren, Hkristu Yesu a kasa aya hta san da hkrum ai ngai Pawlu kaw nna Ehpesu mare hta e nga ai Hkristu hte langai sha rai nga ai asak hkrung lam hta kangka sadi dung ai Karai Kasang a masha ni hpang de ga shana dat nngai.

HPILIPI 1:1

Hkristu a mayam ni rai nga ai Pawlu hte Timohti gaw, Hpilipi mare e nga nga ai, hpung, hpung up, hpungtau ni hte hpawn Hkristu Yesu hta e langai sha rai nga ai Karai Kasang a amyu masha ni nlang hpang de laika ka dat ga ai.