KASA 9:31 - Jinghpaw Common Language Bible 2009

³¹ Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

Jinghpaw Hanson Version Bible

³¹ Dai hte yang, Yuda mung, Galile mung hte Samari mung shara magup hkan e nga ai Hpung gaw, shadaw shangang ai lu la nna, angwi apyaw rai nga ai; dai Madu hpe hkrit hkungga ai hte, Chyoi pra ai Wenyi a shalan shabran ai lam ni hta hkawm sa let, shanhte law htam wa ma ai.

KASA 9:31 ပူးပေါင်းရင်းမြစ်များ

1 HKAWHKAM LABAU 22:18

Shi gaw, “Dai Madu na a Karai Kasang gaw nang hte rau rai nga nna, shara shagu hkan ngwi pyaw sim sa lam nang hpe jaw da nga sai. Shi gaw ngai hpe ndai mung na amyu masha ni yawng hpe up hkang shangun nga ai; ya chyawm gaw shanhte gaw na a npu hte dai Madu a man e taw nga ma ai.

1 HKAWHKAM LABAU 22:9

Rai ti mung shi chyawm gaw ngai hpe ga sadi jaw nu ai. Dai rai nna shi gaw, “Shi a gumlau hpyen ni yawng a lata kaw nna ngwi pyaw sim sa ai lam ngai shi hpe jaw ya na nngai majaw ngwi pyaw sim sa ai hte up hkang lu ai shadang sha langai nang lu na rin dai. Shi a amying gaw Shawlumon rai na ra ai. Shi hkaw dung ai laman Israela hpe ngwi pyaw sim sa ai lam hte shim lum lam ngai jaw na we ai.

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

NEHEMIA 5:9

Dai hpang ngai gaw, “Nanhte galaw nga myit dai amu gaw shut nga a hka! Nanhte gaw Karai Kasang a ga hpe madat mara nna, jaw ai amu galaw ang myit dai. Anhte hpe mara kata asawng asang di na matu anhte a gumlau hpyen ni hte tara maigan masha ni a lata de n mai ap ya na myit dai.

YOBA 28:28

Karai Kasang gaw dai masha ni hpe, “Nanhte gaw hpaji rawng na matu dai Madu hpe hkrit hkungga lu na rai myit dai. Nanhte gaw chye na hkawn hkrang na matu n hkru ai kaw na kayin mat wa lu na rai myit dai,” ngu nna tsun wu ai.

SHAKAWN KUNGDAWN 111:10

Madu hpe shagrau sha-a ai gaw hpaji rawng wa na lam rai nga ai; shi a hkang da ai ga matsun ni hpe madat mara hkan sa nga ai ni yawng hte hpe teng man ai tara dara lam jaw ya nga ai. Shi gaw htani htana shakawn kungdawn ai lam hkam la na ra ai.

SHAKAWN KUNGDAWN 86:11

Madu e, nang ngai hpe galaw shangun mayu ai lam ngai hpe sharin ya e, ngai gaw na a ga hpe kangka ai hte madat mara nga na nngai; nang hpe tsep kawp ap nawng ai myit masin hte daw jau lu na lam, ngai hpe sharin ya e.

SHAKAWN KUNGDAWN 94:13

Tara n lang ai ni hpe mahkam hkam na matu, nhkun htu tawn ai aten du hkra ru tsang ai nhtoi ni kaw na, nang shi hpe ban sa ai lam jaw ya nga ndai.

GA SHAGAWP 1:7

Nang gaw machye machyang hpaji lu la na matu, shawng npawt e, dai Madu hpe hkrit hkungga ai myit rawng ra nga ndai. Angawk ai masha ni gaw hpaji byeng-ya a manu hpe n chye ma ai, dai hpe sharin la na matu ningdang kau ma ai.

GA SHAGAWP 23:17

Yubak kap ai masha ni hpe hkum manawn et; Dai Madu hpe na a asak prat tup hkrit kamyin nga u.

GA SHAGAWP 8:13

Dai Madu hpe shagrau sha-a ai lam gaw n hkru ai lam hpe n dawng ai lam rai nga ai; ngai gaw gumrawng gumtawng ai hte myit tsaw myit dap ai n hkru ai lam hte n teng n man ai ga ni hpe n dawng nngai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 33:6

Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.

ZEHKARIA 8:20

Chyahtum Chyalai N-gun rawng ai dai Madu gaw, “Mare kahtawng law law hkan na amyu masha ni Yerusalem mare de sa wa na aten du wa nga ai.

KASA 12:24

Dai laman hte yang, Karai Kasang a mungga matut nna chyam bra galu kaba maden jat wa sai.

KASA 16:5

Shing rai hpung ni mung makam masham lam hta grau ngang kang wa ai hte hpung shang ai masha lani hte lani law htam wa ma ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 20:32

“Ya ngai gaw nanhte hpe Karai Kasang a lata hta mung, chyeju hte seng ai dai Kabu Gara Shiga a lahku lamai ai lata hta mung, ap da masa de ai. Dai Kabu Gara Shiga gaw Madu a amyu masha ni yawng a matu mazing da ai shaman chyeju nlang hte hpe nanhte e hkam la shangun na ra ai.

KASA 5:11

Hpung ting hte dai lam na mana ni yawng nachying hkrit kahpra mat ma ai.

KASA 6:7

Shing rai Karai Kasang a mungga matut manoi chyam bra wa nna kam sham ai hpung masha ni Yerusalem mare hta grau grau law htam wa ma ai. Hkinjawng ni law law pyi gaw dai Kabu Gara Shiga hpe hkap la kam sham wa ma ai.

KASA 8:1

Shawlu mung dai masha sat ai amu hta awlaw lawm nga ai. Dai shani kaw nna Yerusalem mare na hpung gaw zingri zingrat kaba laja lana hkrum hpang wa sai. Kasa ni hta lai nna kam sham ai ni yawng gaw, Yuda mung, Samari mung, shara magup hkan e bra ayai mat wa ma ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

1 KORINHTU 14:12

Nanhte gaw Wenyi chyeju kumhpa hpe, ra marit nga myit dai majaw dai Hpung hpe galu kaba hkra gaw gap ai chyeju kumhpa ni hpe yawng hta grau nna jai lang nga mu.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

2 KORINHTU 10:8

Ngai gaw Karai Kasang jaw ai ahkang aya hte seng nna ladu lai hkra lama wa gumrawng hkrup ai rai ti mung, dai ahkang aya gaw nanhte hpe sharun shabya na matu n rai, nanhte hpe gaw gap sharawt na matu she rai nga ai.

2 KORINHTU 12:19

Anhte gaw nanhte a man hta tut nawng e tinang hkum hpe mara n lu ai ngu nna makawp maga tsun shakut ai ni re ngu htang myit dai nhten? Dai hku n rai law! Hkristu tsun shangun mayu ai hte maren Karai Kasang a man e anhte tsun nga ga ai. Dai hta n ga, tsaw ra ai ni e, anhte galaw ai lam ni yawng gaw nanhte hpe karum na matu she galaw ga ai.

2 KORINHTU 13:10

Nanhte hte tsan gang nga yang ngai ndai laika hpe ka ai lam gaw, ngai nanhte kaw du sa ai shaloi Madu ngai hpe jaw da ai ahkang aya hpe sheng mareng di nna n jai lang ra na matu rai nga ai. Dai ahkang aya gaw nanhte hpe sharun shabya kau na matu n rai, nanhte hpe gaw gap na matu she rai nga ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

EHPESU 4:12

Shi shing rai galaw ai gaw Hkristu a hkum hkrang hpe gaw gap shagrin da u ga, Karai Kasang a masha ni yawng hte hpe Hkristan daw jau sasana bungli a matu mara hkum tsup hkra hkyen lajang shajin ya na matu rai nga ai.

EHPESU 4:16

Baw ngu ai Madu woi awn up hkang hpajang ai kata e hkum hkrang a daw shan ni nga manga hte gaw langai hte langai htuk shachyaw nga ma ai hte hkri hkraw lamyi shagu e matut shachyaw madi shadaw ya ai a marang e dai hkum hkrang ting hpe kahkyin gumdin jum da lu nga ai. Dai rai nna daw shan ni langai hte langai tinang hte seng ang ai lit hpe gun hpai ai shaloi hkum hkrang ting hpe tsaw ra ai hte gaw gap galu kaba wa shangun nga ai.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

EHPESU 5:21

Nanhte a Hkristu hpe hkrit kamyin ai myit a majaw shada da a npu e ataw nga mu.

TARA JAHPRANG 12:10

Ya nanhte Yawdan hka rap jang, dai Madu nanhte hpe mungdan madu la shangun nhtawm dai yang e nga lu na rai myit dai. Shaloi nanhte a gumlau hpyen ni yawng a lata kaw na shim lum hkra shi nanhte hpe bau sin ya ai a majaw ngwi pyaw sim sa ai hte nga lu na rai myit dai.

HPILIPI 2:1

Nanhte gaw Hkristu hte rau asak hkrung ai a marang e n-gun lagaw hpring wa myit dai hte shi a tsaw ra myit gaw nanhte hpe shalan shabran ai lam jaw myit dai. Dai hta n-ga Wenyi a kanawn mazum lu ai lam hte shada da n-gaw nwai matsan dum ai lam hkam la nga myit dai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

1 HTESALONI 5:11

Ndai lam a majaw, nanhte ya e galaw nga ai hte maren, langai hte langai shada da n-gun jaw hkat ai lam, karum shingtau hkat ai lam agalaw nga mu.

1 TIMOHTI 1:4

Kaja wa n mai byin ai matsun maroi maumwi ni ji woi ji wa ni a ginru ginsa sagawn ai lam hpe galu galang tsun gawn ai lam ni tawn kau na matu shanhte hpe tsun u. Dai lam ni gaw ga li ga law ndang kalang lam hpe sha shapraw nga ai rai nna dai makam masham hte sha chye lu ai Karai Kasang a shatawng shada da ai lam hpe n shabyin lu nga ai.

HEBRE 4:9

Dai rai nna sanit ya shani hta Karai Kasang ban sa nga ai zawn Karai Kasang a amyu masha ni a matu ban sa na shani nhtoi lani mi naw nga nga ai.

YAWSHU 21:44

Shanhte a kaji kawa ni hpe ga sadi jaw da sai hte maren, mungdan ting hta ngwi pyaw sim sa nga na lam, dai Madu gaw shanhte hpe jaw nu ai. Dai Madu nan Israela kashu kasha ni shanhte a gumlau hpyen ni yawng hpe dang manga kau lu ai awng padang jaw ya nu ai majaw gumlau hpyen ni kadai mung n rawt tsap lu nga ma ai.

YUDA 1:20

Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.

TARA AGYI 3:30

Israela amyu masha ni gaw dai shani e Moba masha ni hpe gasat dang kau ma ai rai nna, matsat shi ning tup mungdan hta ngwi pyaw sim sa mat nga ai.