KASA 9:27 - Jinghpaw Common Language Bible 2009

²⁷ Dai shaloi Barnaba gaw shi hpe kasa ni hpang de woi wa nna, Shawlu shi dai Madu hte lam e kaning rai mu hkrum nna dai Madu e shi hpe tsun ai ga na lu ai mung, Damasku mare hta Yesu a mying gang nna nden marai hte gara hku hkaw tsun dan ai lam mung shanhte hpe hkai dan mu ai.

Jinghpaw Hanson Version Bible

²⁷ Barnaba chyawm gaw shi hpe kasa ni hpang de woi wa wu ai rai nna, Shawlu shi dai Madu hte lam e kaning rai hkrum nna, dai Madu e shi hpe tsun ai ga na lu ai mung, Damasku mare hta Yesu a mying gang nna nden ja ai myit hte hkaw dan ai lam mung, shanhte hpe hkai dan mu ai.

KASA 9:27 ပူးပေါင်းရင်းမြစ်များ

KASA 11:22

Ndai lam shiga Yerusalem na hpung a na hta kajai gumhkawng shang wa ai rai nna shanhte gaw Barnaba hpe Antioki mare de shangun dat mu ai.

KASA 11:25

Dai hpang Shawlu hpe sa tam na Tarshu de pru sa mat wa ai.

KASA 12:25

Barnaba hte Shawlu mung shan galaw ang ai amu hpe gun hpai ngut jang Marku ngu ai Yawhan hpe shaga la nhtawm Yerusalem mare de bai wa ma ai.

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

KASA 15:2

De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

KASA 4:29

Madu e ya yang shanhte a jahkrit shama ahkrim ai lam ni hpe mu mada ya mi, Madu a shangun ma ni hpe nden ja ai myit hte tsun dan lu hkra karum ya mi law.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

KASA 9:17

Dai majaw Anani sa nna Shawlu nga ai nta de shang nhtawm Shawlu a ntsa e lata mara let, “Hpu nau Shawlu e, nang myi bai mu lu nna Chyoi pra ai Wenyi hpring lit ga nga, nang sa wa ai lam e nang hpe shadan dan ai Yesu nan, ngai hpe shangun dat ni ai,” ngu wu ai.

KASA 9:29

Shi gaw Grik ga shaga ai Yuda ni hte mung tsun shaga ndang hkat nga ai rai nna shanhte gaw shi hpe sat kau na maw ma ai.

1 KORINHTU 15:8

Hpang jahtum e, ngai nhtoi n-gu ai shangai wa ai ma zawn re ai wa kaw mung, shi shadan dan ni ai.

1 KORINHTU 9:6

Ngai hte Barnaba an chyu sha lu na sha na, a matu amu galaw lu na rai nga a ni?

GALATI 2:13

Kaga Yuda hpu nau ni mung, Petru hte rau nden marai n rawng ai ni zawn yawng nang mat wa ai majaw, Barnaba pyi gaw shanhte hta lawm nang magang mat wa ai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.