KASA 9:26 - Jinghpaw Common Language Bible 2009

²⁶ Shawlu gaw Yerusalem mare de du wa jang sape ni hte kanawn na shakut wu ai rai ti mung, shi sape langai mi rai sai hpe shanhte n kam ma ai majaw, shanhte yawng shi hpe hkrit da mu ai.

Jinghpaw Hanson Version Bible

²⁶ Dai hpang Yerusalem de du wa jang, sape ni hte kanawn na maw wu ai; rai timung, shi sape rai sai hpe n kam ma ai majaw, nlang hte shi hpe hkrit da mu ai.

KASA 9:26 ပူးပေါင်းရင်းမြစ်များ

MAHTE 24:10

Dai shaloi e, masha law law wa myit kataw nna lam dam wa ai hte shada da ap kau ai hte shada da n dawng n wawm na mara ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 4:23

Petru yan Yawhan gaw raw dat hkrum ai hte rau tinang a hpung manang ni hpang de wa nna hkinjawng agyi ni hte salang ni kaning rai nna tsun ahkrim ai ga mahkra tsun dan mu ai.

KASA 9:19

Dai hpang lu sha mung sha nna n-gun awai la wu ai. Shawlu gaw Damasku mare e sape ni hte rau tawng marang mi nga nga ai.

KASA 9:25

Shawlu a sape ni chyawm gaw shi hpe woi la nna ka hta bang nhtawm mare bunghku hta hpaw mahka nga ai hku langai mi kaw nna ga de shaya jahkrat dat mu ai.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.