KASA 9:24 - Jinghpaw Common Language Bible 2009

²⁴ Rai ti mung shanhte a maw ai lam hpe Shawlu chye kau ya mu ai. Shi hpe sat kau lu na matu shanhte shani shana mare chyinghka ni hta hkap nga ma ai.

Jinghpaw Hanson Version Bible

²⁴ Shi hpe sat kau lu hkra, shani shana mare chyinghka ni hta hkap nga ma ai.

KASA 9:24 ပူးပေါင်းရင်းမြစ်များ

SHAKAWN KUNGDAWN 21:11

Shanhte gaw shanhte a yaw shada ai lam ni hpe galaw nhtawm; n hkru ai hku shi hpe maw mawn ma ti mung, shanhte awng dang wa na mara ai n rai.

GA SHAGAWP 24:15

Tara malang ai masha wa hpe hpya kau nna, shi a nta hpe kashun la kau ya na matu maw mawn ai, dai tara n lang ai masha wa zawn, hkum rai nga et.

KASA 20:19

Yuda masha ni a n hkru n kaja ai maw mawn ai lam a majaw, matsan jam jau ru yak tsin yam hkrum ai ten hta ngai myi prwi law law hkrat let nachying myit shagrit shanem ai hte Madu a shangun ma rai nga nngai hte maren shi a magam gun hpai nngai.

KASA 20:3

Dai kaw shi shata masum nga nga ai. Dai hpang Suri mung de li hte bai wa na hkyen shajin nga yang, Yuda masha ni shi hpe gyam nga ma ai hpe mu chye kau wu ai majaw Makedoni mung hku ga lai nna nhtang wa na myit daw dan wu ai.

KASA 23:30

Yuda masha ni shi hpe sat kau na hpaji daw nga ma ai lam ngai hpe shana ma ai majaw shaloi jang ngai shi hpe nang hpang de shangun dat we ai. Shi hpe mara shagun mayu ai ni hpe mung, na a man e sa shagun hkat na hku, hkang dat mawe ai,” nga nna rawng nga ai.

KASA 25:11

Lama wa ngai tara hpe tawt lai nna si ging ai mara lama ma galaw kau ai rai yang ngai hpe shalawt dat na matu ngai hpyi nem na n rai. Rai ti mung, ndai ni ngai hpe shagun ai mara langai mi mung n teng yang gaw, shanhte a lata de ngai hpe kadai wa ap kau lu na n rai. Ngai hpe Hkawhkam Kehta hkum nan jeyang daw dan ya na matu hpyi lajin nngai” ngu nna htan wu ai.

KASA 25:3

Shanhte gaw Pawlu hpe lam e hkap gyam sat kau na matu makoi magap ai hku lajang da ma ai. Dai rai nna, shanhte hpe chyeju galaw ai hku nna, Pawlu hpe Yerusalem mare de sa dat ya na Hpestu kaw hpyi ma ai.

KASA 9:25

Shawlu a sape ni chyawm gaw shi hpe woi la nna ka hta bang nhtawm mare bunghku hta hpaw mahka nga ai hku langai mi kaw nna ga de shaya jahkrat dat mu ai.

2 KORINHTU 11:32

Damasku mare e ngai nga ai ten hta hkawhkam Areta a npu na munggyi wa gaw ngai hpe rim la na matu mare chyinghka ni hta sin langa ni hpe jahkrat da wu ai.